اللي انهوا خمس سنوات في الخدمه يدخلون يعني خمس نوات زواج

ههه
انا توني ما انهيت الا سنتين خدمه وما عندي اطفال الله يرزقني وكل من يتمنى الذريه

هلا ( وحشتني ) ياربي تنهي العمر كله مع ابو الشباب وتملي البيت صبيان وبنات قولي امين

اكيد الاطفال يحلون الحياه لانهم زينه الحياه الدنيا _______________________ تتفلسف الاخت والحب طبعا يزيد عن السنوات الثلاث الاولى اللي كلها مشاكل
وضغوط الحياه تزيد لانه زمننا وسخ

هلا خوية ريم والله ياحبيبتي السنه الأولى كانت صعبه جدا
وبعدين بدأت الحياه تحلو وبصراحه أحس الحب يزيد مايقل والاهتمام أكثر والتفاهم
الحمد لله زوجي كان صعب ومع العشره يلين شوي شوي اللهم لك الحمد
وبالنسبه للدراسه أخذت الثانويه وماكملت كسوله ودي الحين بوظيفه عشان أسلي نفسي
وماتكمل سعادتنا الا بالذريه الطيبه
دعواتكم

اهلين اختي انا توني كملت الخمس طبعا يمرعليك فترات روتين وملل كثير بس بنشاطك وحركاتك ومزاجك تقدري تطرديه من حياتك بس مو للابد,عندي ولد واحد الله يخليه لي عمره 4 سنوات وافكر بالثاني هو مالي علي كل حياتي وكل اهتمامتي انا وابوه عليه واناماتزوجت الابعد الجامعه
اما عن التفاهم والحب بالعكس بيزيدو مع الحياه وقلت المشاكل عن اول الحياة طبعا فيه خلافات بس انتي تكوني فاهمه طريقه تفكير زوجك وتعرف عن طريق كذا انك ماتتجاوزي الخطوط الحمراء عنده اما عن اهتمامي به قل بعد طفل لاني انشغلت فيه لكن هالوقت احس ولدي صار يفهم ويعتمد على حاله من كذا بديت اهتم فيه
طبعا هذا موجز حياتي !!!! واذا تبون التفاصيل ابشرو ههه.

يعني كيف الحياة معاكي ؟ حلوه وزينه والحمد لله
وش تحسين تغيرت للاحسن والا بدت الرتابه والروتين والملل يتسلل لها؟ لابد مع العشره تكون متغيرات والملل حاصل لكن مو دايم
كم عدد عيالك؟ وهل انتي مقتنعه بالعدد << يعني اقصد خططتي له؟ وش هو دور الاطفال في حياتك ؟ زادوا حلاوة الحياة ؟ والا صارت الحياة بوجودهم ومسؤلياتهم رتيبه؟ عددهم الله يخليهم 3لاوالله لكن رزق من الله احيانا واحيانا لاوالله يجيبون الضيقه الله يصلحهم
خلصتي دراسه؟ والا لا؟ عطلك الزواج عن الدراسه واخذ من وقتك؟ هل تحسين ان انشغالك اثر سلبا على حياتك وعلاقتك بزوجك وتربيتك لاطفالك؟ لا عاطله,اكيد عطلني واشغلني بعدما كنت مدلله ومدلعه اكيد اثر سلبيا وتقسيميا
الحب << ياعيني عالحب .. اخباره معاكي .. زاد والا زي ماقالوا الزواج مقبرة الحب؟ لا الحمد لله باقي واكثر
التفاهم بينكم زاد والا قل .. اهتمامكم ببعضكم زاد والا قل بحكم المسؤوليات والاطفال وضغوط الحياة؟ في بعض الاحيان يزيد وبعض الاحيان ينقص ويتقلص بعد والله يعطيك العافيه غيرتي جويي من كابه الى مرح بسبب اسئلتك الحلوة ياقمر ماننحرم من ابداعاتك مشكورة

هلا وغلا بكل من شرفت موضوعي
تعرفون يابنات << بدت تدللكم وتقول لكم بنات
كثير من صديقاتي اللي تزوجوا جديد يشتكون انهم ماقاموا يحسون بالحب اللي كان ايام الخطوبه ويبون يعرفون شلون الوحده منهم تشغل قلب زوجا بها ويصير مايستغني عنها
وانا دايم اقول لهم العشره والسنين اللي تقضيها مع زوجك هي اللي تزيد الحب والتفاهم بين الزوجين
وردودكم تايدني بهالنقطه ..
يلا +ننتظر بقية الردود والاراء..

انا لسا ما كملت السنة وحبة لي يزيد يوم عن يوم واطفال لسا ما جونا بس الله يرزقنا بالذريه الصالحة قولوا امين

انا مبسوطه جدا
اول رد لي بموقعي المفضل
الحياه حلوه والشاطره مثلي اللي تعرف تقضي على الملل وتجدد السعاده في حياتها
باالنسبه لي انا متزوجه من اربع سنوات ونص وعندي ولدين الله يحفظهم مالين علينا الحياه
وحياتنا لازال يسودها بفضل الله الحب والرومانسيه والتجديد وبصراحه انا اشوف ان المراءه لها دور في غياب السعاده اوحضورها عن عش الزوجيه