اللي بيتها إيجار تدخل

الله يعطيك العافيه انا كمان راح انقل بيت ثاني ومحتاسه كثير

حبيبتي الله يعينكم
واذا على المواعين القزاز لفيها بجريده الصحون والكاسات...... والخ وحطيها بكرتون وخليها عندك عشان العمال ياشيلونها اول شي او اخر شي لاينقلونها مع الاغراض عشان ماتتكسر
وملابسكم حطيها باكياس او شنط
والاوراق المهمه والصور هاذي جيبي لك مثل شنه اليد الي تجي كبيره وانتبهي تخلينها شيليها معك بيدك
والقدور حطيها باكياس
وبس اي سؤال انا حاظره
والله يعينك النقل متعب بس ان شاء الله تعدي على خير
لا اله الا الله محمد رسول الله

ابدائي بالمطبخ
اولا الكاسات واي شي مصنوع من الزجاج ولفيها في اقمشة
وضعيها في كراتين
باقي اغراض المنزل سهلة
ضعيها في كراتين والصقيها بلاصق
عندما يتم نقل العفش انتي تكونين مرتاحة
لانها مجرد كراتين
يسهل حملها

ههه
والله ماشفت موضوعك الابعد ماكتبت موضوعي وعندي اقوى من همك وجرايد يوم كامل تجميع ماتكفيني

وكل كرتون اكتبي عليه من الخارج بالخط العريض مثلا ادوات المطبخ اكتبي مطبخ والملابس وكذا كل كرتون يودونه بمكانه اللي بالمطبخ واللي بالغرفه ملابس وكذا تخف عليك عند الترتيب

الله يعينك ويساعدك

شوفي حبيبتي اتبعي هذي الخطوات و ان شاء الله راح تفيدك كثير:
1- وفري عددمن الكراتين و الاصق حسب احتياجك و الكراتين تلاقيها في أسوق الجملة
2- ابدأي بتجميع الاغراض اللي ما تستعمليها يوميا زي التحف و أواني الضيوف
3- غلفي الادوات القابلة للكسر بورق جرايد و حطي مناشف في أسفل كل كرتون علشان ما تتكسر
4- اجمعي الملابس و اللحف في أكياس كبيرة ممكن تستخدمي أكياس الزبالة
5- ابدأي اجمعي أدوات المطبخ بنفس طريقة التحف
6- حطي في كل كرتون الاشياء اللي راح تكون في نفس المكان فقط
7- ألصقي أوراق مرقمة على كل كرتون و كيس
8- جيبي ورقة و اعملي جدول تكتبي فيه الرقم - المحتويات - المكان
يعني مثلا كرتون رقم 1 - المحتويات ادوات المطبخ - المكان المطبخ
كرتون رقم 2 - المحتويات تحف - المكان المجلس
و هكذا
و اعطي ورقة لعمال فيها ارقام الكراتين و اماكنها
و ربنا يسهل عليكي و يبارك لك في البيت الجديد

هلا ماشاء الله ماقصرو البنات والله يعينك

شوفي حبيبتي انا توني مثلك نقلت ومن تجربتي وخبرتي
اولا لازم يكون عندك كراتين ولاصق وجرايد
ثانيا تبدئين غرفه غرفه مثلا تدخلين المجلس وتلمين تحفه ومفارش الطاولات وكل شي والستاير تفكينها وتسفطينها وتحطينها في الكراتين وماتخلين في المجلس غير الكنبات والطاولات وترتبين الكراتين على جنب
وبعد كذا مجلس الحريم ونفش الشي تسوينه وكل غرفه تخلين كراتينها فيها
تجين غرفة نومك تسفطين جميع ملابسك في شناط وحاولي تخرجين الشناط في احد المجالس بعدين جيبي كرتون ولمي تسريحتك واغراضك وستاير الغرفه
المطبخ نفسك الحكايه تفتحين دولاب دولاب وماتخلين الدولاب الين تخرجين جميع محتوياته حتي ماتتلخبطين وتنحاسين
نصيحه مهمه اي شي تصادفيه لم تستعمليه من فتره او قديم او متكسر ارميه على طول ولا تقولين بحتاجه ابدا
ولا ببتوهقين في الشقه الجديده وخاصه اذا مافيه مخزن يجب التخلص من الاشياء غير المجديه حتى لو كانت بحاله جيده لانك ماصرتي تستعمليها وراح تاخذ حيز على الفاضي
وفي الختام الله يعينك واذا حولك شغاله تراها تساعد