اللي تبي تنحف بدون تعب تجي

حبيباتي انا للأمانه نقلت الموضوع من منتدى عالم حواء
وهذا هو
السلام عليكم
هلا بنوتات اخباركم المهم مالكم بالطويلة
اول شي قولوا مشاءالله تبارك الله
ثانيآ حبيت افيدكم بشي راح يغير من حياتكم وماابي اي مقابل الا دعوة حلوة ان الله يرزقني الذرية الصالحة عاجلآ غير آجل
المهم بقولكم تجربتي البسيطة مع النحافة بنات اناقبل خمس شهور كان وزني
99كيلو وكان طولي 172وانا مااحب النحافة الزايدة لان جسمي معزل
يعني لاكرش وغيرة الحمدلله اللهم رد عين العائن علية المهم جالي فترة مليت
ابي ارجع للثمانينات لان 88علي يخبل طبعآ ماسويت رجيم ولاهم يحزنون
بديت بالنظام من ثلاث شهور بس افطر عادي زي الناس واكل كثير
وأحلي بعد الفطور لاني مدمنة حلا واتغدى متأخر لان اكون شبعانة اتغدى العصر وكل حلا وكل اللي نفسي فية بس بعد الساعة 6المغرب معاد
يدخل فمي شي غير السوائل بس يعني اكل نو وي لواشوف مفطحة مااكلت منها ههه حرمان بعيد عنكم واذا جت الساعة 11الليل شربت
كأس ماء حار علية ملعقة كبيرة شمر +نعناع ذرة بين اصابعك عشان اتحمل
مرارة الشمر بس واختي زادت كمون وانالا ماحطيت غير شمر ونعناع بس
وانتضرة يدفى يعني يفتر واشربة مايكون حار ولابارد وسط واشربة والساعة
12الليل انام والصبح اكل زي المفجوعة ههه لاني اكون جوعانة
والله اللذي نفسي بيدة انك ترتاحين على النظام ونفسيتك تزين وتحسين
انك خفيفة وصحة واقسم بالله نزل وزني وامس قيست وزني 87واليوم
وقفت النظام لاني معاد ابي انحف اكثر كذامبسوطة من وزني وباركولي
بنات حتى اختى انهار وزنها لدرجة ان الكل يحلفها وش سوت لانها كانت دبة والحين يجنن جسمها نحفت كثير يمكن 17 كيلو بس هي لها سبع شهور على النظام ذا
واتمنى منكم الدعاء لي وبنات قبل تسألون ركزو في كلامي راح تلقون الاجابة والشمر تراة مطحون والنعناع عادي
بنات ملاحضة نسيت اكتبها ترى الشمر رفع عندي هرمون الحليب ولخبط الدورة عندي وتأخرت الدورة عني شهرين بعدين نزلت بس اختى لا مارفع عندها الهرمون ولاشي يعني يختلف من حرمة لحرمة
وادعولي بالذرية
انا شفت حماتي ماشاء الله نحفت صار جسمها روعه
وسألتها قالت انها متبعه هالطريقه لها 4 شهور
من بعد 6 المغرب ماعاد تاكل شئ الين 6 الصبح تفطر
والله يابنات انا جربت هالطريقه لي3 ايام وماشاء الله تبارك الرحمن
وزني نزل 2 كيلو حتى ملابسي بان فيها
بس انا اشرب كوب مراميه قبل النوم
عاد ماابي منكم الا الدعوه وعسا الله ينحفنا على خير
وكمان سمعت ان طلوع الدرج ونزوله ينحف الجسم من تحت
ولو ماعندك درج وقفي وارفعي رجلك اليمين الين صدرك ونزليها وارفعي اليسار بعدها بنفس الطريقه وكأنك طالعه درج