اللي تبي مكياجها السموك يطلع شي تجي هنا

السلام عليكم
بنات شلونكم شخباركم ؟؟
أشتئت إلكن
وينكم لا حس ولا خبر ولا احد فقدني لول
ولا مسج أو برايفت
المهم بعد عوده ليست بالطوويله جيت وجبت لكم طريقتي بالمكياج
وترى كل ما أحطها في مناسبه أو حفله الكل يسألني من عامل لك المكياج ؟؟
لكم الطريقه اللي الكل ممكن يسويها :
أول شي لازم تكونين عامله سنفره لوجهك قبلها بيوم ولو ما كنتي فاضيه وما عندك وقت
حطي الصبح أو الضحى في نفس يوم المناسبه روب في وجهك مع شوي عسل
خليه ربع ساعه أو ثلث ساعه ليما ينشف الروب وشوفي شلون بتصير بشرتك غسليه بالماي البارد والرغوه
أي رغوه بس حطي شوي عشان يروح العسل ولو ما حبيتي تضيفين عسل مع الروب عادي
الروب بروحه جنان غسلي وجهك بالماي البارد وجففيه وحطي كريم مرطب أو لوشن
بعدين لازم تاخذين تايم لما تحطين المكياج يعني قبل ما تروحين بساعتين إلى ثلاث وتقدرين تعيدين عليه
أنا أحط المكياج الأساس والبودره من العصر وأرتاح شوي بعدين أكمل
مو كل شي ورى بعض >>> تحب الكسل والراحه
بنات السمووك يطلع حلوو مع العيوون الفاتحه أكثر يعني اللي عيونها عسليه يا بختها أو زرقا أو خضرا
أما العيون السود مو كلها يصلح لها السموك بدون عدسات أنا أحطه مع عدسات ملونه يطلع جنان
بنات طبعا ً لا تسوون تسوون لنفسكم حمام مغرربي وتقشير وحاطين حمام زيت قبلها بليله
ومضبطين لون الصبغه والبديكيوور والمنكيور والحنا للي يحطون حنا ولاازم تتحممين وتبخرين قبل كل شي
وشعررك مضبطه أستشواره مانبي فضايح لول
وتحطين عطوور وتبخرين فستانك ومجهزه شنطتك وصندلك وعباتك وطرحتك وكل شي عشان تكونين ريلاكس
بعدين قبل أحط المكياج بنص ساعه احط كريم مرطب أو لوشن اللي أستخدمه دايما ً
وأحط كريم أساس نقط من ماكس فاكتور (اللي يناسب بشرتك) أحط نقط وأوزعها في وجهي كامل
وبعدين أحط خافي العيوب من ماكس فاكتور رقم 25 ناس تحطه كامل على الوجه وتحط البودره المضغوطه
يعني يستخدمونه كأساس بس أنا أحطه تحت عيوني وأحطه عند خشمي على الجانبين وأحطه في زوايا الفم
بعدين أرتاح شوي أريح وجهي أشررب عصير عشان أروّق وعشان الأساس راح يكون كريمي شوي
بعدين أستخدم بودره فاتحه بيضا يمكن أبيض بودره عرفتها من سمركيك أكيد كلكم تعرفونها
هذي البودره سعرها عشر ريال بس لكنها تجن تجنن شوي عليها تلقونها في الصيدليات وفي كل مكان
بس نصيحه لا تحطونها في النهار حطوها بالليل بسس لأني جربتها بالنهار وتعبت بشررتي بس بالليل تجنن
أقصد يا بنات الشمس وهي مو حلوين مع بعض أبد عشان كذا خلوها بالليل بس
أحطها يابنات على الوجه كامل وعلى الرقبه وعلى جوانب الأذن عشان أوحد اللون أوكي
وأحط البودره الطليقه من بورجوا اللي أستخدمها وأحط منها طبقتين تحت كل عين وتكون كثيفه شوي
بعدين أجي للجفن كامل من فتحة العين إلى تحت الحاجب أحط شدو أبيض الجفن كامل
أجي للشد الأسود أستخدمي اللي من مكياجي في علبه وحده ألوان مع الكحل والمسكرا أو من ماك
أو من شانيل المهم تكون الماركه كويسه عشان تطلع النتيجه حلوه مو أي كلام
وتحطين الطبقه من الشدو الأسود خفيفه مو تثقيلينها بس تكون على الجفن المتحررك تبين لك مكانه
وتختارين اللون اللي تبينه الوردي أو البنفسجي أو السماوي أو التركواز أو الاخضر أو التفاحي أو الأورانج
وأحلى شي جربته الأورانج والتفاحي مع السموك تجي خيال وتحطين اللون في المنطقه اللي بالوسط
اللي فوق الجفن المتحرك تغمضين عينك وترسمين اللون من برى لداخل بالفرشاه وتكثفينها لوحسيتي أن
يعطيك على باودر بللي الفرشاه بماي بس شوي بعدين تعيدين عليه مره ثانيه ونجي ألحين للحاجب
لازم نريح العين شوي من طبقة الظلال ونرسم الحاجب أنا قبل كنت أستخدم القلم بس بعدين صرت
أستخدم الشدو البني ونصحتني فيه كوافيره لبنانيه عشان يكوون طبيعي أكثر القلم يقسي
ألا إذا أستخدمتي بني على بيج أنتي جربي وشوفي وبعدين تمشطين الحاجب وحطي شوي فازلين
عشان يثبت رسمة الحاجب بس حطي شي بسيط بعدين لو كنتي حابه تحطين رموش
أنصحك بالرموش اللي تجي متباعده عشان تعرفين لها وهي تنحط في أكثر من مره
تحطينها على الجفن بشوي شوي
نرجع للعين ونرسم بالكحل السايل خط على الجفن الي فوق وخط للجفن اللي تحت أرتاح شوي
وأرجع أعيد مره ثانيه خاصه تحت و وأجي للشدو الأسود وأعيد عليه مرره ثانيه طبقه أكثف من اللي قبل
والكحل مرسووم راح تسّودالمنطقه اكثر وأنصحك بالشدو الاسود اللي تجي فيه لمعه خفيفه وارسم تحت العين خط
منه امد بالفرشاه فوق الكحل الأسود اللي راسمته من قبل بعدين أجي للمسكرا وأنا أحط كرستيان ديوور
الجديده روعه وأحط طبقتين منها بعدين أحط شدو أبيض على فضي يلمع فوق تحت الحاجب وأوضحه
وآخر شي أحط كحل أسود
القلم أرسم به العين بس للي تبي تكبر عينها أكثر تحط قلم كحل أبيض يعطي نظره حلوه للعين ومساحه
نجي للبودره ونزيلها بالفرشاه اللي حطينها تحت العيون قبل ما نبدى بأي شي وأمسك البودره اللي تجي على
لون البشرره وأحط طبقتين أو ثلاث فوق البودره البيضا وأحط طبقة بودره فيها لمعه وتوجد في كل مكان
بنات لا تخافون من الطبقات اللي فوق بعض تراها تخف مع الوقت يعني لو توصلين الحفله
بتكوون نص الطبقات راح وبيكون شكلك طبيعي ههه وبتطلع الفضايح لول
ونجي للبلاشر ونحط منه
على كل خد وكل وحده حسب شكل وجهها واللون اللي لابسته يعني مشمشي بيكون أحلى شي
ونجي للشفاه ونرسم بالقلم بيكون شكله طبيعي لا تخافون منه وحطي الروج اللي تبغين وتضغطين بالمنديل
وتحطين طبقه ثانيه وتحطين غلوس وفي النص أستخدمي اللمعه البيضا اللي حاطتها تحت الحاجب
وشوفي شلون راح يكون شكلك وآخر خطوه اللي تبي توضح حبة الخال تستخدم الكحل السايل وترسم
واللي ما عندها تختار أي مكان وتحط لها وأحلى شي لما تكون قريبه من المبسم
وآخر خطره حطي مثبت المكياج بعديه مسافه عن وجهك وبخي بس شوي لا تكثفين
وبس لا تنسين أن شعرك يكون مضبط وفستانك جاهز ومبخر تلبسين وتتبخرين مرره ثانيه وتلبسين طقمك
أو أكسسواراتك وتخلصين وتتعطرين ويفضل اللي يوديك زوجك أو أخووك لا تركبين مع سايق وأنتي متبخره
تحملوا يا بنات وبس وخلاص خلصت المكياج >> أدري طولت عليكم بس حابه أنكم تستفيدون مني
وأي سؤال يخص هالمكياج لا تستحوون سئلوا عاد أبي منكم مشاركات وأبي رايكم في مكياجي
شرايكم ينفع أفتح لي صالون
ميعاد