اللي ترد علي الله يحرم وجهه عن النار ويجعل مثواها الجنه ويحقق لها كل امانيها

^^حبيبة حبيبها^^

08-05-2022 - 11:20 pm

السلام عليكم ورحمة الله وبركاته
كيفكم بنات المهم بدخل بالموضوع على طول بنات بنت خالتي جايين ناس يخطبوها يعني بيتقدمون ويخطبونها والمشكله جايين رجال وحريم الخميس الجاي مو ذا اللي بعده المهم مو عارفه ايش تقدم لهم ولا عارفه ايش تلبس وحالتها حاله متوتره هي ويش تنصحوها تقدم لهم مع القهوة والشاي قولولي بالله لان الوقت مره ضيق عليها وايش تسوي بشعرها لان شعرها مره طويل لحد القعر ومعليش على اللفظ وايش تنصحوني اقول لها انتظر افكاركم الله يوفقكم

التعليقات (9)

((آميرة نجد))

09-05-2022 - 02:13 am

انا انصحك تسوي زي غيرها بالخطبة تقدم لهم مع القهوة شوكلاتة بس تكون من محلات ذوق وشكل الصينية حلو لو تاخذة من حلويات سو او حلويات باتشي مرة روعة
ومع الشاهي تقدم معجنات تكون بصينية ذوق وموالح
ومع العصير تقدم جاتوة قطع او سوارية
وشعرها حلو للبنت الشعر الطويل يمكن اذا هم يحبون الشعر الطويل بينجنوون علية
تروح مشغل وتسوي استشوار ولو شعرها طول واحد تحول تدرجة وتقص غرة واذا كان شعرها طويل مرة يتعدا حد الورك ماراح يكون حلو يفضل تقصرة شوي
وتحط مكياج نعوم
والله يوفقها ان شاء الله ويتمم لها بخير
وعقبال البقية ياارب

dalooo

09-05-2022 - 03:14 am

تطلب كنافه وحلاوه من اي محل مع القهوه
وفطائر وورق عنب مع الشاي
وتلبس فستان ناعم ومبين جسه حلو واذا شعرها خيف تخليه كيرلي واذا ثقيل تستشور ومكياج ناعم والله الله بالعطور والبخور وتهتم بأدق التفاصيل في الغرفه الي بتجلسهم فيها ولا تتكلم كثير يكفيها توزع ابتسامات وتجاوب اذا احد سالها وبس والله يوفقها

^^حبيبة حبيبها^^

09-05-2022 - 04:15 am

الله يوفقك يارب قولي آآآآآآآمين يا اميرة نجد

^^حبيبة حبيبها^^

09-05-2022 - 05:16 am

والله يوفق يا اختي dalooo ويحقق لك ماتتمنين وعقبالي يارب

عروس القمر

09-05-2022 - 06:17 am

الله يوفقها ان شاءالله
يكون لبسها حلو وناعم ومكياجها ناعم وتكون هادية
وماتكثر كلام معهم وتكون ابتسامتها خجولة
وهي اللي تقدم لهم الشاي والقهوة واهم شئ تنسق
ديكور الحلا من ناحية الصينيه وتوزيع الحلا فيه
والمعجنات تعمل سلة مرتبة مبطنه بقماش وتوزع المعجنات
فيه ويكون معها كم صحن للضيوف وتشكل لهم في كل صحن
شوية معجنات واذا كان فيه عشاء بإمكانها تصلح سلطة الفواكه
عشان يحلوا بعد العشاء
وموفقه يارب

((آميرة نجد))

09-05-2022 - 07:19 am

امين
ويوفقك ان شاء الله
وطمنينا وش صار بترتيبات خطبتها والله يتمم لها بخير
وترا امة اكيد راح تكون زي ام بتدقق بالبنت فخلها تكون مبين انها مستحي
الامهات يموتون بالبنات الي كذا
وبالتوفيق يارب

ســـاهـيه

09-05-2022 - 08:20 am

السلام عليكم ورحمة الله وبركاته
اول شي / مبروك مقدم والله يوفقها يارب
ثاني شي / أخواتي الي في المنتدى ما قصرو
بس راح اقولك احلى شي تلبس لبس ناعم ونفس الشي ساتر عشان مايخذو عليها فكره مو كويسه
بالنسبه لشعرها احلى شي تستشوره وتخليه سايب يعني ماتربطه
وتحط مكياج ناعم
مو قوي ويخفي الملامح
واحسن شي تقدم لهم عصير في كاسات حلوه
وصينيه مرتبه
هذا كل شي
وان شالله تعجبك افكاري
تقبلي مروري

أم هووومي

09-05-2022 - 09:21 am

البساطه حلوه خصوصا في هذي المناسبات..
انا افضل انه يكون لبسها ناعم وفي نفس الوقت ساتر وتكون الوانه هاديه موصارخه لأن اللون الهادي على البنت يعطيها نعومه وخصوصا الوردي او البصلي او التركواز الفاتح ويكون شعرها مستشور وناعم وانا ما افضل انه البنت تجعد شعرها في مناسبه زي هذي لأنه الحريم الكبار يحبون الناعم
اما من ناحية التقديم انا ما انصح بالعشا ابدا ابدا ابدا ..
يكفي العصير ثم القهوه وشوكولاته والشاهي مع موالح
وبالتوفيق ان شاء الله..

كل الدلع والحلا

09-05-2022 - 10:22 am

الله يتمم لها على خير يارب ...
أختي مثل ماقالوا البنات الشكولاته والقاتوه والفطائر مهمة والأهم طريقة التقديم ...
لكن أنا بتكلم عن لبس البنت ومكياجها وكشختها ...
أول شئ لازم تشتريه وتهتم فيه العطر مايحتاج اقول أهميه الريحة الحلوه والمغريه في نفس الإنسان ... ويكون العطر مميز وحلو وجذاب ماهو مركز بزيادة ولاخفيف مره متوسط ويشد في نفس الوقت ...
ثاني شئ الشعر .. فعلاً الأفضل تسوي نيو لوك .. تقصه طبقات على طوله مثلاً أو شلال من قدام ...تصبغ إذا حبت تغير مره وحده ... والأفضل تستشوره مع لف أخر الطبقات للأعلى ... وإذا بتقص شلال تراعي لفات الشلال من قدام ...
ثالث شئ المكياج ... حلو يكون مو متكلف لأن المناسبة ماهي كبيره مره ... مكياج نعوم يناسب شعرها المستشور... وتكون الوان المكياج تناسب لبسها ...
الملابس ... الأفضل يبين جسمها ومايكون فضفاض ابداً .. وإذا كانت قصيرة تبعد عن التنورة القصيرة ... وتبعد عن الجنز لأنه معتاد جداً وماهو مميز ...والاهم الصندل أو الكعب يكون نعوم ومناسب للبس ...والأفضل تلبس فستان نعوم ويكون مقاسه مناسب تماماً لجسمها ....
وعندك هذي المواضيع يمكن تفيدها في الفكرة ....
http://alfrasha.maktoob.com/showthread.php?t=474876&highlight=%DD%D3%C7%CA%ED% E4+%E4%C7%DA%E3%C9
وهذا الموضوع الثاني ...
http://alfrasha.maktoob.com/showthread.php?t=372139&highlight=%DD%D3%C7%CA%ED% E4+%E4%C7%DA%E3%C9
وهذا الثالث ....
http://alfrasha.maktoob.com/showthread.php?t=184514
ولاتنسى تلبس كعب نعوم مع هالفساتين ...
وقبل كل شئ لازم من اليوم تهتم في بشرتها وتسوي لنفسها سمكره وبخار وتقشير وكريمات تفتيح تحطها في الليل قبل ماتنام .... ولاتنسى رجولها وباطن القدم تسوي لها تقشير لأن الإهتمام فيها يدل عالنعومة و الأنوثة ...
وطبعاً إذا جاء وقت الزيارة تحط كريمات ملمعة ع الرجول عشان تبرق زي الممثلات وتحط كلين لمعة على صدرها بس مو كثير ... وتصير أحلى عروسه إن شاءالله ...

تجاربي بالبيت دمج 4 مواضيع←
اللي ترد علي الله يحرم وجهه عن النار ويجعل مثواها الجنه ويحقق لها كل امانيها→