اللي تريحني الله يريحها ويحقق مرادها بالنحف من غير شر

كيان زوجها

25-09-2022 - 03:31 pm

السلام عليكم
كبفكم حبايبي
بدخل بالموضوع على طول مابي اطول عليكم
دار بيني وبين صديقتي موضوع
عن كيف الكرشة تروح بعد الولادة وانا والدة بقيصرية لي 6 شهور الله كتب لي قيصرية
المهم تقول ان اللي تولد بقيصرية الكرشة والترهل مايروح الا بعملية شد للبطن
وانا لي تقريبا شهرين اسوي رياضة واخفف احس خفيت حتى اهلي لاحظو والكرشة احس بدت تخف
لكن ماراح الترهل انا ابي بطني لاصق بظهري والله اني اعاني من ناحية النفسية واللبس صح انا البس واكشخ لكن ابي الافضل
كلامها صدق اولا اللي والدة قيصري تقولي تجربتها
اذا في شي اكله ياليت تقولون لي
او اذا في تمرينات خاصة تنفع افيدوني
الله يفتح الرزق لمن فتحت صفحتي سواء ردت او ماردت سواء عضوة او زائرة والله يحقق امانيكم

التعليقات (6)

ام زهوره

25-09-2022 - 07:02 pm

السلام عليكم اني مرتين اولد طبيعي بس لين اسوي رياضة تروح الكرش احس باول مولود اسرع من الحين موراضي يروح الترهل بس القيصري نفس الطبيعي على حد علمي بس ناس يفكرون انه غير بس والعلم عند الله بالتوفيق

حلوه وتتدلع

25-09-2022 - 08:03 pm

حبيبتي صاحبتي والده قصيريه وماشاء الله بطنها لاصق مافيها كرشه انصحك تشربين زنجبيل وكمون وشاي اخضر ونعناع كلهم تحطين منهم ملعقه صغيره مع مويه حاره وتشربينها حاولي تشربينها اكثر من مره باليوم بشهر واحد وبطنك لاصق بظهرك ان شاء الله وابتعدي عن الغازيات مره وبالتوفيق

تـالا.

25-09-2022 - 09:04 pm

انا ثاني ولاده قيصريه لي
وفيه ترهل
وبجرب المشي وان شاء الله يفيدني

كيان زوجها

25-09-2022 - 10:05 pm

ام زهوره
شاكرة مرورك نورتي صفحتي والله يحقق لك مرادك

كيان زوجها

25-09-2022 - 11:07 pm

تالا.
شاكرة لك تعطير صفحتي وبأذن الله يفيدك

كيان زوجها

26-09-2022 - 12:08 am

حلوه وتتدلع
الله يجزاك عني كل الف خير والف شكر لك يالغلا

اصنعي أقراصا منحفة لشطف شحوم البطن في بيتك←
اقرب طريق االى اكل جوزك معدته→