اللي تورطت زيي واستخدمته لشعرها تدخل لقيت الحل

السلام عليكم يابنات........
أنا من فترة يابنات كنت أبحث عن استخدام بول الناقة للشعر ولقيت كثير يمدحونه وبقوة
تحمست وقلت لزوجي يجيبه كنت مترددة في استخدامه كانت ريحته فايحة مقرفة بس قلت مو مهم
حطيه وبعدين اغسلي وكل شي يروح طبعا هذا على كلام البنات لما سويت بحث كانو يأكدون انه الريحة تروح بعد الغسل ..
وتوكلت على الله وجبت كمامة ورشيتها عطر وحطيتها على خشمي ولبست قلافز ودهنت شعري
وخليته ساعة بس ويوم جيت اغسله الريحة كانت شنيعة قعدت أبكي وأنا أغسله
والله يابنات طلعت من الحمام بخرت شعري وحطيت خمرية وعطر ولا راحت كنت اقعد بعيد عن زوجي
وعند النوم كنت اجيب بنتي الصغيرة احطها بالنص بيننا يسألني ليه مي بغرفتها أقوله انها ترجع تعبانه شوي وكان يقولي الله يكرمكم اذا حط راسه عالمخدة البنت مسوية بولة في ريحة ...احراج يابنات
ثاني يوم حطيت زيت وغسلت شعري مرتين وحطيت فاشكول ولا راحت قعدت اربع ايام ماني طايقة نفسي اذا طلع زوجي اقعد ابكي مقهورة وندمانة
المهم امس دلكت فروة راسي بزيت سمسم طبعا اللي من المعصرة وخليته ساعتين وغسلت شعري كثرت شامبو وماشطفته بسرعة خليته دقايق والحمدالله راحت الريحة فرحت ماتتصورا قد ايش
نصيحة يابنات المتزوجة لاتقربه أبد أسألوا مجربة