اللي زوجها حاقرها تجي تجرب هذا الحل

السلام عليكم ورحمة الله وبركاته
أخواتي المتزوجات هذا ردي لوحده تشكي من زوجها قلت أنزله موضوع تستفيدون منه ان شاء الله وأتقبل أي ملاحظات وأدري انه ماراح يعجبكم بس هذي وجهة نظري (ويمكن قاصره)..
ترى هذي وجهة نظر مني وأنا مو متزوجه ..
أشوف ان الرجال مع الأسف مايجي الا بالتطنيش وعدم المبالاة ..
كانت احدى صديقاتي تشكي لي من زوجها وتطنيشه لها حاقرها مره ..وهي المسكينه طايره فيه ..وتحاول قد ماتقدر تكسب رضاه ومع ذالك مافي فايده ..
شكت لي حالها وأنا عرفت من كلامها إنها مدلعته زود وذاله نفسها عشانه ..
فقلت لها ..تبين يهتم منك وبسأل عنك ؟
قالت : تكفين
قلت : اسمعي
لا تكثرين اهتمام فيه عادي سوي واجباتك من طبخ وتنظيف البيت ورتبي نفسك بس لاتكشخين ..واذا رجع من الدوام لاتبدين ذاك الاهتمام برجوعه..
لاتسألينه الا عن الاكل اذا يبي ياكل وبس ..
واذا شفتيه جلس يقرا جريده او يطالع بالتلفزيون
امسكي مجله أو جريده وسوي نفسك مندمجه فيها واذا كلمك ردي عليه بعدم مبالاة ..
واذا بغى يسولف ..مو تنطين ماصدقتي وتسردين له السوالف لا ردي على قد السؤال ..أو علقي بكلمات بسيطه
لكن طبعا مو توضحين زعل أو تكشير ..
لامبالاة بس
وقلت لها كلام كثير بخصوص حياتهاطبعا وتصرفات زوجها
ووعدتني تنفذ كل اللي قلته ..
وكانت كل بعد فتره تكلمني وتقولي ..انه حس فيني
ويقولي وشفيك تغيرتي ماعاد تسألين فيني ولا عاد تهتمين بي مثل قبل ..
وتقول انه صار هو اللي يدور أي سالفه عشان بس تكلمه وصار يتقرب منها ..
يعني يابنات أحيانا الدلع والاهتمام الزايد يابنات للزوج يطفشه !!
بتقولون ..لا
أقولكم ..الأغلبيه من الرجال يعشقون اللي تتغلى شوي
واللي تدلع نفسها شوي واللي تحقره شوي
>>تقول ياويلي من المتزوجات بيطبن ببطني
أنا ترى مو متزوجه للعلم بس >>يعني لاتاخذون بنصيحتي كثير ههه
بس هذي وجهة نظري وفهمي لحالة نفور الزوج من زوجته (كثرة الاهتمام)..
وبس
الله يسعدك ياأختي ..ويصلح مابينك وبين زوجك
ويسعد كل متزوجه
ولاكذا ولاكذا ..أحد راضي
لا المتزوجه ولا اللي ماتزوجت >>الله يعين بس