اللي سألتني عن طريقة الكب كيك المالح تفضلي

السلام عليكم
هذي طريقة الكب كيك المالح للي طلبت الطريقه
المقادير
(أ)
1 طماطم مقطع صغار
1 بصل مقطع صغار
1 فلفل رومي اخضر مقطع صغار
شوية زيتون مقطع
مرتدلا مقطعه >> واللي ماتحبها مو شرط تحطها
(ب)
4 بيضات
فنجان قهوه زيت زيتون
رشة ملح
نص ملعقه ص سكر
ملعقتين حليب نيدو
ملعقه كبيره بيكنج باودر
فنجان شاي دقيق ابيض >> انا استخدم دقيق الكويت
ربع كاسة زيت
3ملاعق جبن سائل
(ج)
جبن كيري مقطع مربعات صغيره
الطريقة
المقادير (أ) تخلط مع بعض في زبديه>> يعني كانك مسويه سلطه بالمرتدلا
المقادير (ب) تخلط في الخلاط الكهربائي الى تمتزج مع بعض وتصب على المقادير (أ) في الزبديه
تدهنين قوالب الكب كيك بالزيت وتصبين فيها الخلطه اللي سويتيها >> انا في الصوره حطيت اوراق كب كيك
بس ترى لزقت الكب كيك فيها وبهذلتني لما اجي اكلها يعني الافضل تحطينها بدون ورق الا اذا عندك اوراق كب كيك من القصدير يمكن تنفع...
ونجي ناخذ قطع الكيري ونحط في كل قالب ثلاث الى اربع قطع صغار جبن كيري وهي اذا انتفشت الكب كيك راح تدخل القطع جوا فتصير كانها محشيه جبن كيري
وتدخلينها الفرن من تحت على نار متوسطه الى ما تنجح وبعدين تحولين لفوق بس تتحمر على خفيف
وتقدم مع الشاي
وتنفع عشاء
وبالهنا والعافيه