اللي سبق لهم العمل في مدارس خاصة جاوبوني الله يخليكم

والله حبيبتي نفس حالتي ياليت الاخوات يفيدونا
لانه بصراحه حرام تروح الشهور الكرف بلاش

طيب حرام كملوا السنه هذي عشان تحتسب الخبرة سنه دراسيه كامله

والله اختي كل المدارس مثل بعض.. يعني بتطلعين وتروحين مدرسه مثلها واشد..
حاولي تكملين السنة.. واستخيري الله.. والخبره هذا يرجع للمدرسة.. واذا تبغين روحي يوم للاشراف التربوي واسأليهم قولي انا عملت كذا شهر من تاريخ الى تاريخ ومنعت من اخذ شهادة خبره..
اتوقع الاشراف ينصفك ويعطيك.. بس اذا مدرستك على وزارة العمل لا.. لازم تدرسين سنة ونص عشان يعطونك خبره سنة..
وقبل تطلعين.. حاولي تشوفين المزايا اللي في مدرستك.. اكتبيها على روقه وشوفيها ما انصحك تطلعين.. لانه ممكن تندمين اشد الندم.. لانه مثلك طلعت من مدرسة زينه.. ورحت لمدرسة ثانية.. عذبوني تعذيب.. واشتغلت كذا شهر.. وتأخير الرواتب وبالنهاية قلت لهم بطلع.. ما قدرت..وصرت كل شوي اتصل متى تعطوني رواتبي اللي فاتت كلها.... الرواتب مجموعها لانها متأخره وصل قريب من 4000ريال.. وما عطوني الا اقل من 700ريال تخيلي..
ظلم بعينه وعلمه..

الخبرة ما تعطى الا للي تشتغل 9 شهور على الأقل.. وفيه بعض المدارس ممكن تعطيك الشهادة من 8 شهور.
انا نفس حالتك طلعت من مدرسة بعد 3 شهور وأخذت من المدرسة تعريف عمل اني عملت من اليوم الفلاني الى اليوم الفلاني..
واللي خلاني أطلع وما اتحمل هو سبب واحد زيادة على كرفهم
لاني اقتنعت ان الخبرة ما تفيد خصوصا في المدرسة اللي كنت فيها لقيت معلمات عندهم خبرة 4 سنوات في أهلية وسنتين في حكومية(تعاقد) ومع كذا ما جاهم تعيين......!!!!!!!!

السلم عليكم ورحمه الله وبركاته
شهاده الخبره ما تحسب الا بعد مضى 9 شهور دراسيه فقط أما اذا كانت أقل ما تحسب لك في الخدمه
تأخذين حقك من التامينات اذا كنت مسجله فيها
اذا تبين تحسب لك 9 شهور لابد ان تدرسي سنه وشهر على الاقل00000 وشكراوفقكم الله

انا يا عمري الي بعطيك العلم...
خبره اقل من سنه حلمي تشمينها ...
كرفت سنه كامله معلمه كرف حمير وكل يوم طقاق مع المديره تقول ما فيها شي لو غسلتي حوش المدرسه!!!وفي النهايه رفضت تعطيني خبره تقول اجلسي 3 سنوات ونعطيك ...مدرستنا ما تعطي الا بعد 3 سنوات (طبعا هالقرار من بطنها) قلت لها زين سلام ....ورحت للتوجيه وشكيتها ووروها شغلها وقالت انا اصلا مجهزه خبرتها بس هي استعجلت وطلعت!!!
رحلت لمدرسه ثانيه وكديت عندهم سنتين معلمه وكاتبه وحقت كمبيوتر وانجليزي!! مع ان شهادتي اقتصاد منزلي وتربيه فنيه!! ولو عليهم مسكوني فراشه بعد!!!
عندي الحين خبره 3 سنوات ونايمه عليها . . .
هذا من غير الدورات الي عدي واغلطي..................اللهم لك الحمد على كل حال

خوخة الدوخة
انا مع كلام الأخت خوخة ماتحسب لك خبرة إلا بعد 9شهور في اي مجال تدرسينه وبعدين تروحين توثقينها في مكتب الإشراف التربوي انا ماحسبولي خبرة لأنهم طلعونا من المدرسة قبل 9شهور فا ما تحسب لنا خبرة يالله حسبي الله ونعم الوكيل ...

توظفت لمده شهرين وتركتهم وعطوني ورقه تعريف اني توظفت عندهم وفيها تاريخ من داومت لين تركتهم
بس عندي سؤال ورقه التعريف هي نفسها الخبره ولالا الله يجزاكم خير عطوني رد؟؟

لا مو الخبره الخبره لازم توقع عليها المديره وصاحب المدارس والموجهه الي حضرت لك..
ويكون محدد فيها عدد ساعات العمل