اللي شاطره ب المكرونه بالبشاميل تعلمني

شكلك سنه اولى طبخ على العموم كل عام وانتي بخير يا رب بس علميني تبغيه لكم شخص علشان اعطيكي بالتحديد مع اني اسوي بالبركه بس بحاول احدده لكي ان شاء الله

هع بقووه اول مره احس بالانوثه <<< عشان زواجها قرب
اعطيني حق 4 اشخاص
الله يعطيك العافيه
حسستيني باني ماعندي احد مهويه

ما رديتي طيب بعطيكي لصينيه متوسطه تقريبا
المكرونه بالباشميل عباره عن ثلاث اشياء
1-مكرونه وانتي تختاري المكرونه الي بتحبي طوال او اسطواني او صغار والافضل الاسطواني الوسط تسلقي ثلاثة ارباع الكيس مع مويه وملح وملعقتين زيت علشان المكرونه ما تلزق ببعضه واول ما تستوي تصفيه
2-البشاميل وهي عباره عن حليب وطحين ومكعب ماجي وملح وفلفل اسود
اسهل طريقه للمبتدأه علشان لا تجيب العيد كاسين حليب وملعقتين كبار طحين طحطيه في الخلاط مع ملعقة نشاء وخلطيه زين وبعدين حطيه في القدر على النار وحركيه بشكل مستمر وحطي مكعب ماجي وملح ورشة فلفل اسود وحركيه لين ما يغلظ وطفي عليه
3- اللحم العصاج وهو عباره عن ربع كيلو لحمه او قطع دجاج الي تحبيه المهم وبصله متوسطه وفصين ثوم وعرق فلفل اخضر وصلصه وفلفل وملح
حطي شوية زيت على النار وقطعي بصل مكعبات ودقي الثوم وقطعي الفلفل حطي اللحم بالاول وحركيه على النار لين ما ينشف مويته وحطي البصل والثوم والفلفل والصلصله صلصله اربع ملاعق او ثلاث وحطي البهارات الي تحبيه واذا بتحبي حطي بقدونس مفروم وحركه وبعدين حطي نص كاس مويه وخليه لين يغلظ شوي ويستوي اللحمه زين
..............................
الحين جهزي صينيتك وادهنيه بشوية زبده او زيت الطبقه الاول حطي نص المكرونه مخلوط بشوية بشاميل مو كله لا شوي
وبعدين حطي اللحم المفروم بالنص
وبعدين فوقه المكرونه الباقي وبعدين صبي فوقه الباشميل
حطيه بالفرن تحت ربع ساعه وبعدين شغلي الي فوق لين ما يتحمر سطح المكرونه
وخبريني اذا ما فهمتي نقطه اوكي وان شاء الله اكون شرحته بشكل مفصل وواضح

يا عمري بالبركه يارب الله يوفقك ويسعدك الي عطيتك بيكفي اربعه لست اشخاص تقريبا
اجل على كذا يبغالك احد يوقف معاكي بالمطبخ دامك اول مره وشلون بتعرفين اذا استوت اللحم او المكرونه ههه

عذب الألحان يارب ترزقها الذريه الصالحه ووتوفقها وتحقق لها امنياتها
يارب يسعدك ياختي
بجربها ان شاء الله بكره وارد عليك وض صار معي
الله يحقق لك امنياتك
ويغفر لك ذنوبك

عندي استفسار في الخلطه الاولى والثانيه كلها ملح
مايكون ملحها زايد اقصد كثير ولا عادي

يا عمري تسلمي على الدعوات الطيبه بس ادعيلي بالزوج قبل الذريه ههه ما ينفع اجيبهم قبل حياتو ههه
بلتوفيق يارب خلاص رتبي كل شي علشان ما تحوسين بس شوفي هل هو واضح لكي ولا لا ,سهل مافي شي معقد بالنسبه لك؟؟؟

هو كل شي بالملح بس المكرونه ما تزيدي كثير بس ملعقه اكل ممسوح والخطوه الثانيه حطي قبل نص ملعقه وذوقيه لانه فيه ماجي والماجي اساسا مالح فذوقي وشوفي ملحه تمام او يبغاله زياده
لا اكيد اكيد ماراح تكون مالحه اذا ظبطي الملح في الكل