اللي ضايق خلقه يتفضل

اللي ضايق خلقه << يتفضل
السلام عليكم ورحمة الله
طبعا محد منا خالي هموم ومشاكل
وانا اولكم لكن ودي لو تعطووني دقيقه من وقتكم
بقولكم قصه واقعيه فيها العضه والعبره
واحد شاب في مقتبل العمر صار له حادث كبير
ودخل المستشفى وحطووه بالعنايه
دخلووه بعدها في غرفه جنبه واحد مريض
المهم بسبب مشكله كسر في ظهره كان لازم يظل شهرين في السرير
كان ما يقدر يقعد حتى و هو في السرير
ولكن زميله المريض الثاني كان قادر يقعد
هوه سريره جنب الباب وزميله سريره جنب الشباك
طلب من زميله يوصف له المنظر من الشباك
قاله اشوف حديقه حلووه وفيها اطفال يلعبون
وفيه امرأه عجوز جالسه على الكرسي
ونافووره حلوه والحديقه طبيعتها خضره
طبعا كل يوم كان الشاب هذا يطلب من زميله المريض يوصف له المنظر
ويضحك معاه دايما
في يوم من الايام صحى من النوم وما لقى زميله المريض
طلب الدكتوره وسالها عنه قالت له الزميل اللي معك توفى امس
تفاجىء الرجال وبكى وزعل كثير طلب من الدكتوره ان ينقلونه الى مكان زميله
ولما انتقل لمكان زميله كانت المفاجئه !!
طل من الشباك ما شاف لا حديقه ولا شي غير جدار بنايه مجاوره للمستشفى
تفاجىء وسأل الدكتوره وين الحديقه وين الناس وين الالعاب اللي يلعبون فيها الاطفال
وين النافووره اللي كانت اهنييه
انصدمت الدكتوره وقالت له مافي حديقه ولا فيه شي من اللي تقول عليه
قال لها كيف وانا كنت اشوفها بعين زميلي كان كل يوم يوصفها لي لدرجه تشوقت اشوفها
قالت له اصلا زميلك اعمى !!!
بكى الرجل كثير وتعلم ان الدنيا ما تسوى
وان الانسان هو بنفسه اللي يتحكم بنظرته للدنيا
اتمنى ان القصه تفيدكم