اللي كانت مطلقه ترد

لاحول ولاقوة الا بالله
الله يرزقك يا اختي

ربي بيرزقك وشووفي موضووعي ( لديك حاجه او هم ,,,)
الراازق الله لاتخاافين وربي مايرضى بالظلم
رددي اللهم اجرني في مصيبتي واخلف لي خيرا منهاا انا لله وانا اليه راجعوون
ام سلمه رضي الله عنها مات زوجها وهي تجبه ودعت هذا الدعاء وخلف لها الله الرسول صلى الله عليه وسلم
يعني ربي عوضها خيرا من زوجها
لاتخافين ربك كريم لكن افعلي السبب تقربي والحي بالدعاء صلاه الوتر لاتفوتينها ادعي ربك كثير سوره البقره فوائدها عظيمه مو تقرينها عشان الزوااج لالا بس تريح البال واقراي فوائدها سبحان الله تحفظ من كل شيء حتى السحر لاتقوولين طوويله لالا تغلبي ع الشيطان اقريها كل يووم يااكثر الوقت الي نضيعه بالنت او بزياره او ,, او
الوقت محسووب فخليه بشيء مفيد استغفري كثير وصلي ع النبي كثيير اللهم صلي وسلم على محمد حطي لك جدوول لعباده كامل امشيء خطووه خطووه وشووفي السعااده الحقيقيه انا كنت عااديه مرره وقمت سويتلي جدوول وتحمست
والله يالغاليه اني بهموم الله اعلم فيها لكن الحمدلله رغم الهمووم الى انك ترتاحينن وتحسين ان ربي حاميك
الحمدلله انا مرتااحه رغم الهموم وابشرري بالخير وتفاائلي واحسني الظن بالله
والمطلقه ربي ينتظرها تدعي وتلح بالي تبي وربي بيستجيب قال تعالى ( امن يجيب المضطر اذا دعاه ,,)
لكن ثقي ثقه ان الله بيعطيك ,, واليقين بالله ,, وحسن الظن به ,, هذولي الاهم وادعي ربك وربك قريب
وهو الرازق .. ولاتضعفين كل ماوسوس لك ابليس تعووذي منه ورووحي توضي وصلي وابعديه عنك ترى هو كل مااقربتي لله حاول يبعدك الله يفرج كربي وكربك وتمسعيناا اخباار تسر ياارب ويعووضك خيرا مما فقدتي
الله يرزقك ايمانا كاملا ويقينا صاادقا وقلباا خاشعا وحياه سعيده لاشقااء بعدهاا
الله يرزقك برد عفووه وحلاوه مناجاته ,,,
يااحبيبتي اذا تبين تجمع بنات ادخلي حمله عرايس المستقبل في هذا القسم ترااهم يعينون ع الخير ماشاء الله

اختي انا مطلقه واتقدمولي كثير
لا تخافين والله رزقك يجيك الين عندك وخذي نصيحه لا تتزوجين وخلاص لازم تكونين مقتنعه والله اكلمك من معاناه والى الان اعاني والله اعلم وش يصير
انا اتزوجت الثاني هرووب من المشاكل والله العظيم قد شعر راسي ندمانه نصيحه لكل وحده سواء مطلقه او بنت لا تتزوج الا عن قناعه تامه
وانصحك بالاستغفار داومي عليه 24 ساعه الله يوفقك ويسرلك ويكتب لك الخير

ياولي شيه قربي ابي اقرص اذنتس
<< تقرص اذنه وتفركه حيل
يا خيه عيني خير شبلاتس
انا مثلتس تطلقت ظلم وعمري 22 ويتيمه اب والحين داخله بال23 وعادي جداَ
لاني مقتنعه ان الله فوق ويشوف
بنت عمي تطلقت عمره 25 وعنده بنت وعانت كثير والعيد الماضي رقصنا بعرسها
والحين هي مستانسه حيل لا تقولين من ياخذن .. خذاتس البين << عصبت خ
لا تقعدين تحلطمين وتأففن ليش 24 يعني نهايه العالم اللي يسمعتس يقول 42 خ
بنات عمامي وخواتي ما تزوجن الا بعد ال25
ما عليتس اهم شي ظني بالله خير والله عند حسن ظن عبده .
ع فكره ناويه افتح قروب وش رايتس تشاركين معاي ؟؟

الله يرزقك يارب ولاتيأسين من رحمة الله الله قادر ع كل شي
عادى اعرف وحدة تطلقت وبعدين خطبها ولد مااسبق له الزوواج
موفقة

ياحبي انا مطلقه مثلك
صحيح اعاني وانظلمت بعد بس عادي اللحين اموري تمام ولاراح اتزوج الا عن قناعه
عيني خير وانا اختس وان شاء الله ربي بعوضك ويعوضني خير

الله يفرجها لك ولى والاخواتي الفراشات
أنا مطلقه
وصار لى 4 سنوات
والرزق من عند الله ..الله يرزقك يارب

هلا والله مهضومه والله انك ضحكيني على هلاسلوب الحلو وربي اتشرف بالتعرف عليج ممكن اضيفج بايميلي انتي من وين وشصللك

والله انت احسن من غيرك بكثير
وعشان ترتاحين باقولك قصة وحده اعرفها
البنت مافيها اي عيب جمال ومال واخلاق والتزام وعايله..يعني كامله والكامل وجه الله
تزوجت وتطلقت يمكن 4 مرات وكل زواج كان مؤلم اكثر من الاول..
وفي الاخير صبرت وصبرت والحين ماشاءالله تبارك الله متزوجه واحد افضل منهم جميعا ان شاء الله
ومبسوطه معاه,,ربي يتمم عليهم ولايفرقهم بشر يارب
تفائلي خير وصدقيني ربي راح يفرجها عليك وموضوعك ترا مرره بسيط الحمدلله .. وتشوفين ان مابشرتينا بيوم من الايام بزواجك من رجال افضل واحسن من الاول بكثيير..بس نت الزمي الاستغفر والدعاء وقول(اللهم اجرني في مصيبتي واخلف لي خيرا منه ) وتذكري ام سلمة وقصتها لما توفى زوجها وكانت تقول من هو افضل من ابو سلمة ولما قالت هذا الدعاء ربي رزقها بافضل من ابو سلمة وكل البشر..الرسول عليه الصلة والسلام
في الاخير اعتذر اذا كنت ازعجتك بكلامي وطولت عليك بس حبيت اطمنك انك باذن رب العالمين راح تتزوجين وتنبسطين بس نت عيشي حياتك ولاتنسي الدعاء وربك كريم..ولا تنسيني من دعاءالليل ربي يفرجها علي من جميع الجهات ويحل موضوعي مع اللي ببالي عاجلا غير اجل