اللي ماكانت مقتنعة بزوجها ثم تزوجته تدخل ضروري

استغفر الله العظيم واتوب اليه

حياتي كل شيء في الدنيا قسمة ونصيب
لاستخيري ربك ووكل شيء بيصير زين
اختي الرجال مافي شيء بيعيه الا اخلاقه
ايش بتستفيدي او خذتي رجال وسيم ويجنن وكل شيء مثل ما تبغي وطلع خاين ولا يسرق ولا يشرب خمرا
االمهم سمعت الرجال .. والاهم الكل يشهد له برجولته .. واخلاقه
وصدقيني من تجربتي
خذيت واحد اكبر مني بكثير ما كنت مقتنعه بعمره... وكنت خايفه.. ما نتفاهم... حتى .. ما عنده فلوس كثير
بس مثل ما يقلك ربك خذوهم فقراء يغنيهم الله
اتعذبت اول فترة زاوجنا بسبب فارق العمر والافكار وتتطابق وجهات النظري
وربي
اكتشفت انه الاهم بالزواج العشرة والاخلاق... اما فلوس وشكل ومنصب وتعليم مو مهم
بس مهم يكون في تقارب في التعليم بتعرفي ليش؟؟
لانه لو كان اقل منك مستوى تعليمي راح تتعبي معاه
ما راح يصير انسجام...
بس انتبهي على نقظة التعليم... لازم يكون مستواه مناسب لك
لا تاخذي اللي اقلك منك مستوى..
والمهم يكون ابن عائلة... ومتربي على الغالي...
لان اللي راح يكون مو من مستوى بيئتك.. راح تتعبي كمان معاه...
يعني راعي نسبة التناسب بينكم ... لو تاخذي من بيئة تخاف الله وتراعي حفظ المراة واحترامها في البيت يكون احسن شيء
ربي يوفقك ويسخر لك زوج ... يكون على هوى نيتك يارب

الحمد لله اخذته بقناعه تامه الله يدوم ويحنن قلبه علي اكثر واكثر يارب

لمار
الف الف شكر ياعمري
اللهم امين
وبقية البنات مايهونون
نورتوا موضوعي

وعليكم السلام
بالنسبه ليا اتزوجت زوجي بدون قناعه
اهلي اتعجبو فيه مو انا..و وافقت عشان ارضيهم وعشان كنت خايفه يفوت عليا القطار على قولتهم
كنت رافضتو نهائيا بس سبحان الله نصيب...
بداية الزواج دايما مشاكل وكانت مني مو منو
هوا حبني بس انا ما حبيتو وما اتقبلتو..بعد ما جبت ولدي اللي يحميه بدأت اتقرب منو واتقبلتو والحمدلله مبسوطه ومرتاحه
ماني قادره احبو ما اعرف ليه ..مع انو يستاهل
سبب الرفض ممكن يكون سطحي وتافه بالنسبه للبعض
بس ليا انا مهم جدا واللي هوا الشكل
جوزي مو حلو وانا يهمني ارتاح للشكل واتقبلو
بس انا ما اتقبلت شكلو من ناحية ملامح وجسم...
ما طلبت شي مستحيل ولا قلت ابغى واحد معضل وملك جمال لأ !! كان ودي في زوج ملامحو وجسمو تكون مقبوله
الى الآن بحاول اقتنع فيه وافكر في صفاتو الحلوه بس
يارب حببني فيه يارب اقتنع فيه

انا قبل زواجي كنت مترددة كتير
بسبب مستواه التعليمي اقل مني و كمان المادي اقل من مستوى اهلي و بيئته مختلفة عن بيئتي ((مع الاسف سطحيين و عندهم شوية عقد)) هذا غير انه مو من نفس المدينة
بس كان عندي اكثر من سبب يخليني اوافق عليه و وافقت بعد ما كنت اكلمه قبل الملكة 3 شهور و اقتنعت بنفسي
و صارلي الان 3 سنوات تقريبا متزوجة في البداية كثير نتخاصم بس خلافات عادية تسير بين اي زوجين ما كان سببها الفارق اللي بيننا ابدا و ما حملت الا بعد سنة و نص تقريبا بعد ما هديت مشاكلنا شوية و بدينا نفهم بعض
الحمدلله ما عمري في يوم ندمت و شجعته يكمل دراسته و بيكمل الحمدلله و مستواه المادي اتحسن و ان شالله بعد شهادته اكييد في العمل يترقى
صح اني تعبت شوية من تفكير اهله و كثير اتفشل منهم و من تصرفاتهم بس الان انا علاقتي فيهم سارت رسمية و ارتحت منهم شوية
و اهم شي عندي زوجي و شخصيته و تفهمه و مستوى تفكيره اهم من الشهادات و الماديات

الف شكر يابنات
بجد استفدت من تجاربكم
وفي انتظار البقية
الله يوفقكم ويصخرلكم رجالكم ويجعلهم اغلى الناس بنظركم

آلحمدللهً
حمدتً ربيً مليونً آلفً مرهً إنيً مآسًسًمعتً كلآمً نفسًسًيً وآخذتهً
وندمتً على آ كلً لحظهُ فكرتً هآلتفكيرً
آنآ كآنً آلسًسًببً وظيفتهً بآلصحهً وآنآ آكرهً هآلمجآآآلً

انا وافقت على زوجي عشان خاطر بابا لمن شافه مره ارتاح له وقلي ترى انا مرتاح للولد وانتي بكيفك مع انو في المستوى المادي مره اقل مني بس الجامعي تقريبا زي بعضو هو بدوي وانا حضريه وانا كنت متردده من دي الناحيه وكانو اقاربي يقولي الله يعينك مدري كيف راح تعاشريه ماراح يخليك تسوي وماراح يخليكي تفعلي واكيد معقد لكن الحمد لله طلع كلامهم كلو غلط و ماشاء الله تفكيره جدا عجبني كفايه الاخلاق والله لا الحسب ولا النسب والغنى والجمال هو الي يخلي الوحده سعيده والحمد لله مره يحب اهلي واهلي يحبوه دي كفايه