اللي متدينة وزوجها عادي تتفضل

ايه اختي قولي يمكن احد يستفيد ويدعيلك...
يارب ان شاء الله زوجك يترك التدخين .....وان شاء الله تتوفقون
وانا عندي قصص ناس ساعدوا ازواجهم او اخوانهم على ترك التدخين اذا بغيتي قولي لي واقولك

هلا يا قمر أنا حالتي زيك وأصعب كمان بس الحمد الله اتحسنت كتير عن أول ما عليك الا الدعاء وانك تصبري واتحاولي تكسبيه قد ماتقدري لأنه الرجال متى ما حب مرته حيتقبل منها أكتر مما يتقبل من أي شخص تاني واسأليني أنا بس كل شيء يجي بالتدريج معليش طولي بالك وانت أدرى أكتر وحدة في حياتك الزوجية اذا فيه تحسن عن أول ولا لأ والله يوفقك ويعينك ويسخر لك زوجك يارب ويخليلك عيالك ....... أنا عارفة طولت يالله باي خليني أروح أنيم بنتي وتصبحي على خير

على فكرة نسيت أقولكم حتى أنا زوجي يدخن وأتمنى من كل قلبي اني أستفيد من الموضوع وأفيدكم ان شاء الله

شكرا لكل من دخل وقرأ وشكرا للحلوة حكاية أنثى وروري
أعرف ياقمر أنو لازم أكسب زوجي وأنا بفضل الله كسبت قلبه من أول أيام الزواج وهو ولله الحمد يعرف ان الدخان حرام ومقتنع ويبغى يبطل ويتركه لأنه عارف أنو ماهو مفيد بس ياعمري عليه تعود لأنه يدخن من فترة طويلة والتغيير اللي حصل بفضل الله انو سار بس يدخن 3سجاير في اليوم وهذا يعد إنجاز وسارت يبطل كم يوم ويرجع : (
وهو قبل مايتزوجني بكم سنة ترك الدخان لشهور طويلة وبعدين رجع ...
هو فيه خير كثير بفضل الله
بس أغلب مجتمع العمل فيه مدخنين ما يخلوا احد في حاله ...
ولعلمك حبيبتي أنا لما خطبني ما توقعت أبدا انو يدخن ولا جا دا الشئ على بالي ...
أبوي كان يعوف بس سكت وما قال لي
بعد الملكة بيومين ثلاثة لما جا عندي البيت قال ايوه أكيد تعرفي اني أدخن؟؟؟؟(لانو ماكان يبغى يخبي شي عني)
قلت لأما اعرف
قال ابوك يعرف من اول ليش ما قال لك؟؟؟
قلت مدري وزعلت شوي وبس
ماجيت قلت انت فيك ويخطيك انت ..... وانت.....
زي الحريم اللي يسبق جهلهم التفكير الصيحيح في حل المشكلة
هو قال بس نفسي اتركه..
الله يهديه وزوجك ويخلي لك بنتك ويخلي لي ولدي الصغير..
أختي حكايه أنثى ياريت تفيديني بالقصص والتجارب اللي عندك
جزاكم الله خير ياحلوين..
فائدة.
أنا طوال فترة الملكة ما قلت لزوجي ان الدخان حرام وانو..... وانو ......يعني مانصحت مباشرةأبدا لا في لادخان ولا في غيره...
وهذا كان شئ يحسب لي مرة..
كنت أحط مع هدية نشرة صغيرة عن مضار التدخين..
لما تزوجت...كنت أحط جنب الطفاية او جنب اغراضه نشرة عن التدخين او كتيب التوبة من الدخان....
مرة كان يفرح لانه يحب الخير وكان يقرأ مو يطنش أو يكابر
بعدين سرت أذكره بالله وهو من النوع اللي يخاف من الله..
وبعد سنة ونص زواج لما يروح يدخن أقول ترا الملائكة تكتب ..
وطبعا ما يدخن عندي أبدا
الله يهدي كل مدخن ويرزقه التوبة وييسرها له آمين

جزاك الله خير
الله يهدي ازواجنا يارب

شكرا يا توتي الصغيرة الحلوة...على مرورك
سبحان الله طلعنا كلنا ساكنين في الرياض
الله يهدي الجميع

الله يهدي زوجك ياربي
وبالعكس فكرة النشرات والكتيبات روعه جدا يعني تخلي الرجل يتقبل النصيحة
الله يسعدك يالغالية ويخلي لك زوجك ويخليك له
تقبلي مروري ودمتي بحفظ الله ورعايته
أختك:أميرة بأخلاقي

القصة الاولى :
شاب يدخن .....حاول اخوه ينصحة ويعلمة ان الدخان مضيعة للمال وافساد للصحةبس اخوه ما قدر يترك االتدخين الاخ فكر في فكرة وقال لاخوه المدخن
كل ما شريت بكت دخان تحط قيمته في هذا الصندوق وافق الاخ....
بعد كم سنة الاخ المدخن تزوج وتورط في ديون ومشاكل راح اخوه وناداه وقال له يفتح الصندوق وحصل في الصندوق خمسة وعشرين الف ريال
طبعا اخوه انصدم وعرف كم ضيع وتاب وانحلت مشاكلة
القصة الثانيةشبيهة بالقصة الاولى
وحدة وزجها حاولت تقنعة بس نفس الحكاية يقول ما اقدر
قالت له كل مايشتري بكت يعطيها قيمته قال بعطيك ضعف قيمته
وصارت كل ما اجتمع عندها مبلغ تحرقه بالنار قدام عينه في البداية اتجهلها بعد فترة صار يقولها حرام عليك تضيعين الفلوس وتحرقينها بكل بساطة
وهي تقول له انت تحرق الفلوس كل ما ولعت سيجارة
في النهاية ترك التدخين .....

كمان حبايبي أنا قرأت عن لصقة النيكوتين اللي تنباع في الصيدليات مرة حلوة وكمان بالتدريج تخفف نسبة النيكوتين اللي في الجسم وقرأت انه فيه وحدة أبوها كبير في السن وكتير تعب جسمة من التدخين فكانت كل صباح تحطله اللصقة لفترة طويلة وبالتدريج كانت تقلل الكمية وفي النهايه خلاص استغنا عنها وعن الدخان كمان برافوو عليها والله بس شوفوا حبايبي لما قلت لزوجي عنها قاللي استخدمتها وما سوتلي شي .........بالمختصر اتذكر بابا أيام خطوبتي كان قايللي نادرا ماتلاقي ولد راعي طلعات واستراحات وشلل واجتماعي مايدخن لأنه حيكون المجتمع اللي حوله على طوول بيدخن فأكيد حيتأثر ترى الموضوع سار عادي جدا في المجتمع وبين الشباب بالذات بس على فكرة فيه وحدة من صحباتي قدرت تمنع زوجها من الدخان بالتدريج ما شاء الله عليها