اللي ملكت قريب تدخل خاص

لالا لا لا لا انتبهي تعملي له جو وبالونات وهالأشياء
انتي لسا مخطوبه وحلات هالأيام بالبساطه والخجل...
انا من رايي انك تكشخي بالبس والميك اب وتتدلعي بس اهم شي الثقل ياروحي
<~ أنا مو متملكه لساتني بنت بس من خبرتي بأخواني يحبو البنت الحيويه
( والله يوفقك ان شاالله)

انتبهي تغيرين شي بالغرفه اوتحطين شموع خلي هذي الحركات اذاتزوجتي.سولفي عادي ولاتحاولين تجلسين قريب منه.وحسسيه بثقلك وبخجلك

حركات البالونات والشموع لاحقين عليها ياقلبي
مثلا لو سافر لو ترقى
انا متملكه
وسويت الحركه هذي لما جا من السفر عملت له بارتي صغير في بيتنا قتو وبالونات وشموع وبخاخات وحركتات <<<<<<<<خربت الرومنسيه
حاليا ياقلبي العبي باللوك تبعك مره البسي لبس دلع تنوره نعومه او فستان قصير شوي مع شريطه على الشعر او ورده
ومره البسي جنز او برمودا مع طربوش وشوية عربجه
خليه كل مره يشوفك وحده ثانيه
في البدايه اكيد راح يكون فيه خجل بس مع الوقت
يروح الخجل في البدايه كنت استحي مره واذا جبت العصير ارتجف كأني ارقص مصري وهو عاد مايقصر يعلق علي
بس الحين عادي صرت انا اللي اهبل فيه واعلق عليه ^_^
والله يوفقك ياقلبي ولا تفكرين كثير كل شي يجي بوقته

لازم يزورك كل مره بالاسبوع
انا عن نفسي جا بس في رمضان يسلم وجا العيد وجا بعدها مره وحده وخلاص قفلتها قلت مافي إلا يوم الزواج خليه يصير متقطع من الشوق
ورايي من راي البنات لاتسوين له جو اكشخي بس وخليك عدله معه

لا لا تسوي شي بالغرفه ابدا بدا
اهم شي ...
تكشخي وتلبسي احلا ماعندك
ومكياجك بسيط جدا (خليك نعومه مره)
وترى الرجال يحب الخجوله خليك علطول مستحيه منه
الى ان تروحي بيتك بعد الزواج
لا تنسيني بدعائك

يوه يابنات وربي صرت بنص ثيابي خ
بما ان زوجي يصير ولد خالتي فهو كل يومين ثلاثه طاب في حلقي وسوس شاهي وسوي عصير وسوي عشا
واذ قلت له خلاص لا تجي يقول انا بجي لخالتي
لكن قبل مايجي يتصل وانا اجهز الاشياء اللي يبيها وبعدين اتكشخ خ
ودايما خليك بسيطه في حياتك والله يوفق الجميع

لو تصير الزيارات مو كل اسبوع عشان تشتاقو لبعض احسن
اهم شيئ لبسك بكل مره لوك غير
مره تنوره قصيره- مره بنطلون- مره برمود- ممكن بالمناسبات فستان قصير ناعم
وشعرك غيري بالتسريحه ممكن تحطي على الطاوله شموع تعطي جو بس لاتبالغي بالبالونات والشموع حتى قدام اهلك صعبه
اعزميه يوم ع العشاء وقولي له انك عملتي الاكل بيدك
كمان لمن تعملي حلى اكتبي عليه ممكن حروف اسمه او كلمه احبك
يوم من الايام اكتبي له بطاقه حلوه وهو خارج قولي غمض عيونك ودخليها بجيبه وقولي لاتقراها الا بالبيت راح ينبسط مره
ربي يوفقك

فكره حلوه انك تسألي ايش تسوي فترة الملكه لانها احلا ايام صراحه بس خلي كل الحركات لبعدين افضل عشان تعليقات الاهل خ
يا ليتك عرضتي هدا الموضوع من اول خلاص راحت عليا ما بقا لي شي ان شاء الله
ادعو لي بنات ان الله يختار لي اللي فيه الخير

انا اشور عليك ما يجيك كل اسبوع .. علشان يشتاقلك اكثر ويصير الوضع احلى ..
انا بالنسبة لي يجي اسبوع واسبوع لا ..واحيانا نجلس اكثر الى شهر .. يجي لزيارة طعم ما تتخيليه ..
وبما انك توك مملكة خلي الزيارات الاولى تعارف وخجل بخجل ..
وخليك على طبيعتك .. كذا الرجال يحبون
وابعدين فكري بالشموع والاشياء الثانية ..
عسى الله يوفقك ان شاء الله ..