المرجع الشامل عن اي استفسار عن الكيراتين وانواع الشامبوهات المفضله والتجارب

بسم الله الرحمن الرحيم
طبعا هذا الموضوع والمرجع راح افتحو للبنات الي حابين يستفسروا عن الكيراتين ويتعرفوا عليه اكثر واكثر وعن كيف تفرقي بين الكيراتين الاصلي والمغشوش
وافضل اطقم العنايه من الشامبو والبسلم
اي استفسار راح ارد عليكي على العام افضل من الخاص حتى تعم الاستفاده ان شاء الله الله
طبعا موضوعي هذا رجاء خاص من اصحاب شركات الكيراتين عدم الدخول والرد والاعلان عن المنتجات
الملف للفائده وليس للاعلان
طبعا اكيد كولكم تبغو تعرفو ايش هو الكيراتين
؟ الكيراتين عباره عن بروتين للشعر يعني علاج خارجي للشعره وليس الفروه
طبعا وظيفته اكيد عارفين انه الشعره عباره عن حراشف حوالينها فالكيراتين يدخل بين الحراشف ويعبئها ويخليها طبقه مستويه
فعشان كدا قبل الكيراتين يكون الشعر متعب من الصبغات والاستشوار والتمليس فتكون الحراشف كثييره فيصير الشعر جاف ومتشابك ومايل للخشونه
اما بعد الكيراتين فتصير الشعره انعم ماتتشابك مع بعض لانه مافي حراشف ؟
اي نقطه مافهمتوها عادي راجعوني
2-متى احتاج للكيراتين
اذا كان شعرك تعبان من الصبغات وباهت لونه ومتقصف ومهلوك من العوامل الخارجيه استشوار هاي لايت بلياج فير وتكسير
طبعا الحامل منوع لها الكيراتين نهائيا الا لما تولد بالسلامه وتسوي نيولوك عادي
والاطفال اقل من 15 سنه ممنوع
ماعتقد الصغار 4 سنين يحتاجو كيراتين لانه لازم الكيراتين الطبيعي في شعرهم يتنشط
اي نقطه غامضه عليكي قوليلي ؟
3- هل الكيراتين فرد
طبعا الكيراتين علاج وليس فرد 100%
الكيراتين انواع في البرازيلي درجه اولى علاج ممتاز
الفلبيني الكيراتين فيه قليل والفرد الكيماوي نسبته عاليه فيه عشان كدا يفرد الشعر الخشن والاجعد بنسبه 100 بالميه لكن عيبه تساقط الشعر بعد شهر الى شهرين ويطلع الجذور اشن من اول
واللبناني ودا برضوا سيئ اكثر واكثر
يعني لاتجي وحده تقولي ابغ كيراتين وشعرها اجعد خشن وتبغاه حرير زي الفلبينيات
لا الكيراتين يعطيكي منظر طبيعي للشعر زي شعر الهنديات واططرافه ناعمه مو واقفه ومخشبه زي الفرد
وينفع للشعر الكيرلي المبروم والنافش بس خصلته ناعمه
اما الشعر المايل للشونه يعطيه 70 بالميه
فتره جلوسه بالشعر من 4 -6 شهور
بدايه الى 3 شهور يكون ستريت ناعم بعد كدا يبدأ يخف تدريجيا يصير كيرلي ناعم الى 6 او 7 شهور بعد ال 7 شهور شعرك مايرجع زي اول يكون متحسن درجتين
طبعا اتكلم عن تجربتي انا ليا 7 شهور وللان شعري بحمد الله مارجع زي اول
4- ايش الافضل الصبغه قبل او بعد جلسه علاج الكيراتين
افضل عدم الصبغه نهائيا ؟؟؟؟
ليش
لانه الصبغه مدمره للشعر بالذات الي قبل تكون حاطه حنه سوداء وبعدها تصبغ طوالي رايح يطيح شعرها ويتساقط
ثاني شي الي شعرها في صبغات وبلياج وهاي لايت ماراح يعطيها نتيجه زي الي شعرها مافيه صبغات
والافضل لو مره معاكم حاله صبغ
سوي صبغه بدون امونيا
عندك في نزيه او الصيدليه اهم شي تكون بدون امونيا
والافضل تسوي الصبغه قبل فتره الجلسه ب 10 ايام
5-بعض البنات يشتكوا انه الكيراتين ماجلس بشعرهم غير اسبوعين ؟
السبب ممكن نوع المنتج
او انها ماتستعمل شامبو والبلسم تبع الكيراتين بسبب ارتفاع سعره
فتروح تستعمل شامبو جونسون للاطفال
الصحيح انك تتاكدي من الشامبو عدم وجود ماده سلفات لوريث الصوديوم
عن تجربه ليا جربت
شامبو وبلسم بلو اوت جدا ممتاز انصح فيه
راح ارجع اكمل موضوعي باذن الله تابعوني6
6- مشكله الحنا السوداء بالشعر
طبعا بالفتره الاخيره سمعنا عن كثير بنات يمدحوا الحنا السوداء وانها تنعم الشعر
طبعا اعتقاد خاطئ بالدليل بعد 6 شهور الكل يشتكي من تقطع وتساقط الشعر
ثاني شي
تحذير
طبعا الفتره الاخيره سمعنا عن الحناء السوداء
وانها تنعم الشعر لكن مشكلتها وجود ماده الحديده الي تسبب تساقط وتقطيع للشعر
فبعدها الحنا السوداء احذري تحطي صبغه او كيراتين الا لما تنزل تماما
في وحده كلمتني تشتكي سوت حنا سودا وبعدها ب 6 شهور حطت صبغه فطاح شعرها كلو
فاحذري من الحنا السوداء