المسخن الفلسطيني من مطبخي بالصور

السلام عليكم ورحمة الله وبركاته
كيفكم فراشات ان الله الجميع بخير
هاي المره الاولى اللي بضع فيها موضوع في قسم الطبخ وان شاءالله تنال على اعجابكم
حابه اعلمكم طريقة المسخن الفلسطيني على طريقة الوالده الله يحفظها
وانا متيقنه انكم راح تحبوه
بسم الله نبدأ
المقادير سهله جداً ومتوفره ان شاءالله عند الجميع
1-بنحتاج لخبز طابون واللي ما بعرف شو هو خبز الطابون هو نفسه خبز التنور
طبعا برجع لكم عدد افراد اسرتك قد ما بدك تعملي
انا استخدمت 3 ارغفه خبز
2- بصل تقريبا بدكم حوالي 10 روس بصل متوسطه الحجم مشرح اما شرائح او مقطع مربعات وانا بفضل المربعات لانه ما بيدوب مثل الشرائح
3_ سُماق
4_ زيت زيتون
5_ صنوبر للتزيين
6_ ملح
الطريقة:
اولا بنسلق الدجاج سلق عادي وبعد ما يستوي بنشيله من الميه وبندخله الفرن يتحمر
ثانيا بنجيب قدر وبنحط فيه زيت زيتون تقريبا نصف القدر وبنضيف البصل فوقه وبنخليه على النار لحد ما تشوفوه صار يدبل
ثالثاً بنجيب السماق والملح وبنضيفه فوق الزيت والبصل وبنخلطهم كويس
رابعاً بنجيب رغيف الخبز وبنحمله وبنغمسه في ماء الدجاج ثواني وبنطلعه لا تتركوه بعدين بيتفتفت احنا هدفنا بس نرطب الرغيف ما بدنا ياها تكون قاسيه لما ناكلها
خامساً بنضيف البصل فوق الرغيف وبنمده على كبر الرغيف
سادساً بنجيب الدجاج بعد ما يكون متحمر وبنضيفه على الوجهه
سابعا بنزينه باللوز والصنوبر المقلي
وصحتين وهنا على قلوبكم
وان شاءالله يكون اعجبكم الطبق