المطبخ وما أدراك مالمطبخ أنا عروس جديده وابي اجهز لمطبخي ولاعندي خلفيه

أحلا ميمي

30-01-2022 - 03:33 am

السلام عليكم ورحمه الله وبركآآته
الحمد لله ربي العالمين ربي رزقني بزوج
وطبعا زواجي في آخر شوال
بس الاخت متحمسه وتبي ترتب الاغراض اللي لمطبخها
فحبيت المساعدات منكن يا اخواتي الكريمات
بقول بعض الاشياء :
1/ الثلاجه شي اكيد ومعروف ... >> يافرحتي بنفسي بالله في احد ماعنده ثلاجه ..
2/ الفرن >> لو تسكتين افضل .
3/ الميكرويف بس انا اشوف انه غير ضروري .
4/ دولاب المطبخ أوأدراج المطبخ هذا على ابو الشباب .
بس انا ابي مثلا افضل خلاط كهربائي وسعره وايش ادوات المطبخ الكهربائيه الثانيه وادوات المطبخ الثانيه يعني مثلا لو فيه رابط او موقع معين تدلوني عليه
وبارك الله لكن
اللهم صل وسلم وبارك على نبينا محمد وعلى آله وصحبه اجمعين

التعليقات (9)

سعوديه و افتخرر

30-01-2022 - 06:21 am

في خلاط يضم كل شئ
خلاط و طاحونه و قطاعه وعجانه و خفاقه و فرامه
ب400 او500 ريال روعه ومريح
تلاقينه عند محلات الاجهزه الكهربائيه
اذا انتي متعوده على المكرويف بيصير ضروره و اذا مو متعوده لاتشترين خليه بعد كم شهر
و بالنسبه لاواني المطبخ روحي لمحلات الجمله وخذي بيالات و فناجين كشخه و صحون و ملاعق
بس لاتكثرين لانها موضه و تروح ولاتشترين الاواني من الحين تو الناس
الله يوفقك يارب

أحلا ميمي

30-01-2022 - 07:22 am

سعودية وافتخر الله يسعدكِ ويجزاكِ الجنه
فعلا انا مو متعوده على الميكرويف وبيني وبينكِ ما ااعرف استعمله حتى الطبخ يعني بصفه عامه شايله همه يبي لي اقرا كتب طبخ بس القرايه غير والتطبيق شيء ثاني عسى الله يكون بالعون

سندريلا ناني

30-01-2022 - 08:23 am

اهم شي اختي انك ما تاخذين خلاط كبير لانه عندي ومعذبني في المكان فيه خلاط سته في واحد يهبل ونفس الغرض من اللي عندي وصغير يسوي كل شي ..
ومن الاغراض القلايه اذا انتي بتسوين مقليات كثير فهي مريحه جدا واكيد قدر الضغط خذي نمره 6 مناسب جدا لك انتي وزوجك وللجمعه البسيطه ..
وكمان الحافظات البلاستيك اللي للتخزين مهمه ..
هذا كل اللي عندي اختي الله يوفقك واذا تذكرت شي مهم زياده كتبته ... بالتوفيق ونحن هنا في الخدمه اذا بغيتي اي استشاره ...

أحلا ميمي

30-01-2022 - 09:24 am

سندريلا ناني
الله يجزاكِ خير ويوفقكِ ويحقق لكِ مرادكِ ماقصرت بيض الله وجهكِ يوم تبيض وجوه وتسود وجوه

الجــــوري2007

30-01-2022 - 10:25 am

أو ل حاجة الله يوفقك ويسعدك
خذي من أجهزة براون أحسن
وإن شاء البنات يفيدونك أكثرر <<<< فيها نوم ههه
ودعواتك الله يرزقني بالذرية <<< نفسها في نونو

بــرد

30-01-2022 - 11:26 am

مريله الطبخ ....
اخاف تنسي زيي ...
بصراحه مدري انا عفشه وقت الطبخ المهم اني احوس في المطبخ عاد بدون مريله ...
خليها على ربك ...
وبتنباع مناديل ملونه تنحط تحت الكاسات او تحت العيش كيك يعني اللي يخطر ببالك مره عاجبتني ...
وكاستين عرايس ...
بس الالات ما اعرف فيها شي ...

أحلا ميمي

30-01-2022 - 12:27 pm

الجوري2007
آآآآمين يارب عسى الله يرزقكِ بالذريه عليكِ بالاستغفار والدعاء والصدقة ولا نسين إذا ربكِ كتب لكِ عمره ولا حج أن تدعين قدام الكعبه
وسواء رحتي ولا مارحتي ربكِ موجود ومحيط بكل شي ادعي ربكِ القريب يرزقكِ
نورتي الصفحه

أحلا ميمي

30-01-2022 - 01:28 pm

برد
ام مريله الطبخ مهمه بس بيني وبينكِ ماعمري لبستها وانا اطبخ والله الله على ريحه الملابس بس عند الزوج ان شاء الله اني بكون سنقة عشره
والمناديل مهمه جدا
بارك الله فيكِ اختي الكريمة

ام جوان و جنى

30-01-2022 - 02:29 pm

هلا الف مبروك اختى جهزي من الحين احسن لانه بعدين اذتزوجتى مراح تجهزين كل شئ بصير بكره او بعده وهذه حالتك جهزي الحين مدام السالفه حارره اهم شئ الخلاط حلو مولينكس وبرون انا عندي بانسونك وعندك المكرويف ضروري جدا حلو كنود والى جى سرعه يسخن الاكل اذبرد وعندك سخان الماء ضروري وسريع لتصخين الماء للشاي او الحليب وبعد عندك الحماصه للبريد ولازم تكون عندك نوعين من الادوات نوع للستخدام الشخصى لك ولزوجك ونوع للضيوف مثل الصوانى والبيالات والفناجيل والكاسات وملاعق وتوابعها وطقم السفره ويكون عندك طقم سفره كامل خاص للضيوف ويكون ساده لونه ابيض اوبيج بس كل شئ تشترينه سجليه بورقه عشان ماتشترينه مره ثانيه اذ عندكم محلات اسماء وسنتربوينت روحى هوم سنتر وبعد ايكيا عندهم اشياء حلوه كثير راح تفيدك

المطبخ وما ادراك ماالمطبخ←
مملكة البنفسجي→