المطبخ وما ادراك ماالمطبخ

بنات الله يخليكم وين الردود بليز لاتفشلوني ابغى ابداعاتكم وخبرتكم استنا ردودكم وان شاء الله راح ادخل مره ثانيه والقى ردود تفرح قلبي

هلا حبيبتى اخذي راحتك عادي حنا نفيد ونستفيد اذ البيت بيت العمر اخذي خشب بلعكس حلو افخم اغلب الى بيوتهم حلال ياخذون خشب انا بحكم انى ساكنه فى بيت اهل زوجي خذيت المنيوم من العليان احلى لون البنى الغامق اما عن التصاميم روحى عند المطابخ وهم يساعونك بس اهم شئ حطي انارات داخليه وخارجيه وحطى تلبيسه للثلاجه وحطي مكان يكون للمكرويف يكون بداخل بس طالع منه الباب وحلو الدولايب الى تنفتح على فوق والدولاب الى يكون حجمها كبير بلسحب وبعد الدولاب الطويل الى يكون للتخزين المعلبات وغيرها وبعد فصلو باب للزباله الله يعزك يكون مسكر من جميع الجهات ماعده من فوق مفتوح وحطى دولاب كبيرلخيشه الرز والسكر ويكون بينهم فاصل عشان الدبيبو الى بلرز خ وحطى باب الكراج للتخزين مثل السندويش والكرون فليكس وغيره امابنسبه للبتجاز لاتاخذين السرميك الى يجي قطعه وحده كانها زجاج بلكهرباء صدق شكله حلو بس متعب بلتنظيف ومو حق كرف ويتشمخ انا شريته :(عندك حلو البوتجاز الى يجى بلدولاب بعد بس يكون اعيون بلجاز حلو بعد واسهل بتنظيف واسرع بلطبخ وتقدرين تاخذين الى يجى بتجاز اربع اعيون وبلوسط يكون سرميك واحده بلكهرباء احتياط اذ خلص الغاز وانتى تطبخين تحطين على الكهرباء واكيد راح تاخذين الفرن الى يجى معلق بلدولاب حلو كثير وعندك ماركه ارستون حلوه و وعندك بعد الشفاطه الى تجى فوق البتجاز حلوه بس اهم شى يكون لها فتحه على خارج البيت عشان تطلع الدخان انا والله مافتحت نسينه :(اتمنا افدتك

آآآآآآآآآآآسفه على التأخير لاني كنت مشغوله وتوني شفت ردك يا أم جوان وجنى يعطيك الف عافيه تعبتك معايه ماقصرتي ياقلبي والباقين فينهم معقوله كل الي قرت الموضوع ماعندها اي خلفيه عن المطبخ حسافه والله

بنات وينكم حرام عليكم ولا رد غير ام جوان وجنى الله يسعدها ويحقق لها ماتتمناه يالله أبغى اشوف تفاعلكم وذوقكم معايه

والله حتى انا بفصل دولاب اليومين هذي ومحتاره
وام جنى واجوان ماقصرت ياليت توضحين باب الزباله كيف ينفتح من فوق
وباب المعلبات
ومشكوره

الله يسكنكم بالعافية ان شاء الله .....وخذي راحتك في الاسئلة ...
بالنسبة للدواليب افضل شيء الالمونيوم لانه يتحمل كثير ويتنظف بسهولة وماشاء الله ام جوان ماقصرت....
لازم دواليب بشكل طويل خاصة لمعلبات والمواد الغذائية ودولاب للسكر والارز والحليب وغيره وكمان دولاب لاسطوانة الغاز ودولاب للزبالة يكون محكم التقفيل وهذا كله يساعدوك محلات المطابخ في شكل تفصيلها ..وكمان الدولاب يكون اخره طاوله من الرخام من نفس الدولاب <<<ان شاء الله شرحي واضح ...جدا روعة وعملية ومريحة للمطبخ ....
والبوتجاز افضل العادي ابو عيون لانه اسرع في الطبخ واسهل تنظيف ...
واذا على المحلات بالطائف ماعندي علم لاني من جدة ...
وحاضرين لاي استفسار .........
اتمنى اكون افدتك ...

تمنيت افيدك بس انا من الشرقيه
بس اللي اعرفه
ان الفرن الغاز افضل كاستخدم واسرع في الطبخ واسهل في التنظيف
وحلو اللي قالت عليه ام جنى اربع عيون غاز ووحده كهرباء
افتحي موقع ايكيا الحين وافتحي الكتالوج تحت على اليسار وتفرجي على المطابخ
واخذي افكار روعه
ممكن تفصلين مثل مطابخهم لانها روعه لحركات التخزين
وافضل الالمنيوم وفيه مطابخ زي الميلامين بس مو عافه الاسم بالضبط حلوه في التظيف بعد
و
اهم شي استغلال المساحات
انا مطبخي كبير بس اللي سواه دامر الدعوه مو مستغل المساحه فاعاني بشكل كبير مافيه دروج ولا مكان اقطع عليه
ولا احط البهارات والعلب الصغيره
خليها على الله
<<كنها طلعت من الموضوع خ
المحلات اللي بالطايف اسالي صديقاتك
جيرانكم
خالت بنت عمت ابو جدك
لابد تلقين من يدلك
تحياتي

شكرا لكل من رد عليه وساعدني واسفه على التاخير لاني بصراحه ماتوقعت احد يرد عليه غير ام جوان وجنى بس والله ماقصرتوا حبيباتي يعطيكم الف عافيه وبالنسبه يااخت اوركيد حلو ان مطبخك كبير لو تشوفين مطبخنا صغير وموا عارفه كيف اسوي تفصيل الدولاب خليها على الله