الهمور المشوي مع الرز المشخول من مطبخي مع الصور

الهامور المشوي
التتبيلة
1ليمونه
نصف بيالة خل
شوية كزبرة مفرومه
1طماطم مقطعة شرايح
1 بصل مقطع شرايح
2 فص ثوم مهروس
1 فلفل رومي مقطع شرايح
ربع ليمونه تتقطع قطع صغار مع القشر
بهار ملح فلفل
انا أضيف من عندي شوية درسنغ حق السلطات البحرية
يترك السمك بعد التتبيلة من ساعتين لثلاث ساعات قبل الشوي وبعد كذا يشوى في الفرن تقريبا ساعة أو ساعة الا حسب حرارة الفرن ويحمر من فوق
الرز المشخول
يطبخ الرز مع ربع أصبع زبده وبهارات عدله (2 هيل 1 دارسين 2 قرنفل)
بعد ما ينسلق يشخل بالمشخال ويصب علية شوي مويه بارده
يرجع للقدر ويترك حتى تبدأ الموية تتبخر وبعدين تنعمل له الحشوة بأي نوع
حشوتي (بصل شرايح يحمس بالزيت حتى يحمر بعدين نضيف له شوي بهار مطحون وشوي ليمون أسود مطحون وشوي كركم) نحط الحشوة حتى تغطي سطح الرز ونخليه على نار هادية
للتزين( بطاطس وباذنجان مقطع صغير ومقلي نحطه على فوق الرز والسمك)
وبالهنا والعافية