الى اختي سوسو القمر ولكل من تتمنى الحمل

1. اختي الحبيبه الله يرزقك الذريه الصالحه المتعافيه عاجلا غير اجل


2. ولكي حكايتي مع الحمل

اختي الحبيبه الله يرزقك الذريه الصالحه المتعافيه عاجلا غير اجل

ولكي حكايتي مع الحمل

بدايه زواجي مابغيت احمل زي حالتك ثم لما بغيت الحمل ماحصل راجعت الاطباء قالوا عندك كيس في المبايض لازم تستخدمي حبوب منع الحمل لازالته واذا ماصغر حجمه اجرينا لك عمليه منظار وفعلا بعد شهرين ومتابعه بالاشعه كانت النتيجه سلبيه ولازال الكيس على حجمه حيث كان كبير الحجم وسويت عمليه منظار وازالوه لي
ثم عطتني الدكتوره ابر لمده ثلاث اشهر مره كل شهر وبعد لاحمل
راجعت دكتوره ثانيه ومعي تقاريري قالت لازم نبداء معك كورسات حبوب منشطه وتفجير البويضه والقصه الطويله اللي مثلكم يعرفها المهم قالت ثلاثه شهور لومانفع لازم اطفال انابيب
اول شهر بديت وتعرفوا العب بالاعصاب كل شي بموعد و وفي الاخر ماحملت
رجعت للدكتوره وعلى الدوره الشهريه وقالت بصراحه انت مستحيل تحملي الارجح راح تحتاجي لاطفال الانابيب بس خلينا نكمل الكورسين الجايه ونشوف المهم انا لما جتني الدوره تدرون زوجي وش قال ؟
قال عطاك الله الي نهايه السنه لو ماحملت انا بصراحه مااقدر اصبر لازم اتزوج تعرفي انا سليم ومافيني عيب
المهم لما قال هذا الكلام ضاق صدري زياده على ماهو ضايق وعلى الرغم من انه شافني ابكي لما جتني الدوره بس الله يهديه قال كذا المهم مااطول عليكم بالكلام والله اني حسيت الارض ضاقت علي خاصه انه تحجج بعيب فيني يعني يمكن لو تزوج وانا مافيني شي اهون من انه يقول العيب فيك
بس الحمدلله كنت سامعه شريط الشيخ الدكتور الجبير الله يجزاه خير وبصراحه كل اشرطته كل واحد احسن من الثاني عشان كذا رفضت اروح للدكتوره للكورس الثاني حاول زوجي معي لكن رفضت رفض قاطع
وانا عازمه في نفسي امر بس ماابي اقوله
×××××××××××××××××
المهم اهم شي كان في وصفتي اللي سمعته في شريط الشيخ الجبير وهو لزوم الاستغفار مع قيام الثلث الاخير من الليل والصلاه وقراءة سوره البقره كامله والله اني كنت انوي الاستمرار عليها الين احمل
والله الذي لااله الاهو يابنات اني الدوره ماجتني في الشهر اللي بعده واني لما رحت للدكتوره وقلت لها اني حامل تفاجات وقالت مستحيل بس الحمد لله مافيه مستحيل مع الله
هذي يابنات تجربتي وحكايتي مع الحمل اتمني تستفيدوا منها وتدعوا لي بتيسير اموري