الى كل فتاة تريد الزواج قصة ام كشة

وصارت كشتي مصدر سعادتي
>
>
>
>
>
هذي فقشه من فقشاتي البريئه ..
كنت فتاة في عمر الزهور , عصلا القوام , شينة الوجه لكن مملوحة , بيضاء البشرة مع اسوداد بالركب والاكواد
كان معكر صفو حياتي شي واحد الي هي >> كشتي <<]
ما جا برنامج في التلفزيون إلا طلعو كشتي فيه
طلعت في موسوعة غينيس للارقام القياسيه
في عيد رأس السنه يجون الفرنسيين ويستأجروني علشان يعلقون الهدايا بشوشتي بدال الشجره الي يحطونهاا
حتى في برنامج اوبرا طلعت
اوبرا اول ماشافتني يا لهوي
وبعدها اسلمت اوبرا ونطقت الشهاده
بعد ماشافت قدرت الله في خلقه
\
/
اخذتني امي للمطوع علشان يقرأ علي كود تهجد كشتي على بالهم الي خلاها واقفه الجنون
قال المطوع اذلفي انتي وبنتس اصلن هي جنيه بنفسها /
حاولت اقصها لكن عجزت
كل مقصات العالم تكسرت ما خليت شي إلا جربته جربت شاكوش جربت النجر> مدري وش دخله
جابو سواطير وسيوف ومسدسات وكل انواع الاسلحه ولا شي فاد ..
<<< بوش اعلن خبر عاجل >>>
أعلان الحرب على المملكة العربية السعوديه وخصوصاً منطقة الرياض وتحديداً في حي منفووحه والهدف في بيتنا القابع في اخر الحاره ....
والسبب كله كشتي الكل يحااول القضاء عليها
لكن كل محاولاتهم بائت بالفشل
الطيارات الي ارسلها بوش الى هذي اللحظه وهي ناشبتن في كشتي
المووهم اقوول لكن نصف الجيش الامريكي ضايع في شوشتي
صرت مثل مثلث برمودا اي شي يروح له يختفي
يعني مصير الجيش مجهوول الحين
خافت امريكا ولاول مره تخاف في تاريح العالم تخاف امريكا
اللهم اذل الشرك والمشكرين ودمر اعداء الدين
شفتوو شوشتي كيف قدرت تتغلب عليهم
المووهم بوش اعلن انسحاب نص جيشه البااقي
وكلهم رجعوو
عاد بوش اكل تبن وسكت
\
/كان حلمي حلم اي بنت
احلم بفارس احلامي
دايم اسرح وانا اقطع البصل >> عرفت تختار المكان المناسب
اسرح بفارس اقرع الرأس مافيه ولا شعره وصلعته تلمع مثل اللؤلؤ
واضحك على نفسي اقوول يابنت الحلال احلمي بشي معقوول
مو بواحد اقرع مو بمستواك
اكيد بكرى لو تزوجتيه راح يتكبر عليتس بصلعته اللماع والبنات راح يخطفونه منتس
قلت الظاهر ربي راح يبلاني بواحد شوشته شهبا مثلي
اللهم لا اعتراض
قلت بصبر واحتسب الاجر
ماقدرت الكل يضحك علي ..
بزراين الحار إذا شافوني مريت بالشارع كلهم يهربون يخافون من كشتي
دايم إذا ضاع الشي كل الاتهامات علي انا
يقولون اكيد بشوشتس
كل اقلامي من ايام الابتدائيه والمتوسطه والثانويه في كشتي
لاني إذا جيت افكر احط القلم فوق اذني ثمن ينشب بشعري
اذكر ايام العيد والمناسبات اعذب اميمتي
تدور كل محلات ابو ريالين وتجمع كل الشباصات الي بالمحل
وتأخذ اسبوع كامل وهي تصفها بشعري علشان اصير حلوه واتزوج وتفتك مني
ضاقت علي الدنيا الواسعه
وطلعت للسطح علشان ابكي وافضي كل القهر والالم الي مكبوت فيني
اتصلو جيراننا قالو خلو بنتكم تنزل من السطح
دشنا خرب من كشتها
ياربيه انا وش اسوي
اذبح نفسي علشان يرتاحون
في يوم ممطر قلت بروح اصلي وادعي الله انه يرزقني الزوج الصالح > ههه عندها امل تتزوج
سبحان الله
ماراح تصدقون من جد هذي من عجائب الدنيا
حصلت معجزه
تخيلوو من ثاني يوم مر في حارتنا همر
كشخه
عاد بزارين الحاره ماقصرو قامو بالواجب واكثر رمووه بالحصى لين وقف عند باب بيتنا وكلهم هربوو
ماينلامون بيت ام كشه >> مرعبة الحاره << ههه
المووهم وينزل ذاك الشاب الأطخم
صاحب العضلات والصلعة اللماعة السحريه
بتقولون وش لون شفتي صلعته
بقول لكم : لانه مصلح حركه جديده مطيح الشماغ والطاقيه لنص الصلعه
عاد لا تسئلوني وش لون صلح الحركه ذي
هو مطنوخ وولد نعمه ويقدر يصلح الي يبي
ابد انا اول ماشفته خقيت معه وطحت صريعه في حبه بس الحمد لله صحوني اهلي
طبعاً الكلام هذا خلف الكواليس
يعني الى الان ماتقابنا وجه لوجه
طول الوقت وانا اويق من الباب واسترق السمع ..
ابووي استقبل الرجال وضيفه بالمجلس
ومد له فنجال القهوه وقال له سم
المروح اخذ الفنجال وكبه على ابوي
انا بغيت ادخل واتوطا في بطنه
قال ابوي افا
تكب قهوتي علي
قال الرجال ما اشربها إلا اذا قلت لي تم
قال ابوي تم بس اشرب قهوتك ويصير خير >> اشك ان ابوي حاط بالقهوه شي وش معنى مصمم ان الرجال يشربهاا
ما علينا
قال الرجال طلبتك بنتك مطفووقه
قال ابوي عطيتك
افا يبي الفكه مني
قال ابوي يالله هات المملك علشان نملك ونقضي .
قال الرجال وراك مستعجل .؟؟
ابوي : خير البر عاجله >> كنت حاسه ان الشايب يبغى الفكه مني
قال الرجال لازم اشوف بنتك قبل ما اتزوجها
في هذي اللحظه غيم الحزن على وجه ابوي ونزل راسه وسكت ..
والتفت على امي وهي جنبي وان دمعتهاا سالت على خدها وتبتسي
قال ابوي يصير خير ...........
طلع ابوي ولقانا عند الباب وقال لي يا بنتي السالفة تسذا وتسذا قلت ادري بس وش المطلووب
قال مصمم يشوفتس قلت لالالالالالالالالالالالالالالا لالا >> توها تكتشتف ان الكيبورد فيه حرف لا
قلت يبه النتيجه معروفه لو طلعت له
قال وش اسوي يا بنتي هذا شرطه الوحيد !!
واذا الله كاتب انه من نصيبتس راح تأخذينه ,
وبعدين يا بنيتي لو هو شاريتس صدق بيأخذتس لو فيتس عيوب الدنيا كلها
وانتي الحمد لله مزيونه وخلوقه وكل شي زين فيتس اللهم شي بسيط إلي هو كشتس قلت هين بسيط
قالت امي ماتدرين يا بنيتي ممكن تكون الكشه هذي سبب سعادتس قمت اضحك انا
قلت طيب شوركم وهداية الله ..
خلاص يبه قول له يجي بعد اسبووع على ما اجهز عمري ..
في اليوم الثاني وصيت ابوي يجيب لي وايت موويه علشان اتروش واغسل كشتي الي لها سنين ماطبت المويه هع هع
تروشت وخلصت واستاجرت نص كوفيرات الرياض علشان يستشورون كشتي ويهجدونها لي..
عاد جا الموعد تكشخت وتزينت صرت قمر 14 بسم الله علي
بخرت المجلس وجهزت العصير علشان اقدمه > ماقصرو الافلام المصريه علمونا كل شي ,
دق الجرس وفز قلبي معه *******
دخل صاحب الصلعة البهية
استقبله ابوي بكل حفاوه > مدري من وين جايبنهاا
وقلطه بالمجلس بعد خمس دقايق يدخل علي ابوي وانا الحيا يقاطر مني
قال ها يا بنيتي خطيبتس ينتظرتس قلت تيب > ياشين الدلع عليتس
دخلت على خطيبي
وماسكة الصينيه وفيها العصير كان عصير طماط
> هذي الرومنسيه وش فهمكم انتم ههه
هو طمر اول ماشافني قال هاتي الصينيه عنتس ..
انا يوم شفته جيت اسلهم برموشي بس عجزت
لان الغمص كان في عيوني واعاق الحركه علي ههه
ابتسم هو وقال يا هلا والله بالزين كله
فتحت خشتي انا مو متعوده على كلام زين قال هاتي الصينيه بنزلها
إلا وانا انطفق واكب العصير على ثوبه
وانكمش داخل هدومي من الفشيله
قال ابوي حصل خير كل واحد يصلح سيارته ..
ضحك خطيبي وقال ما يخالف هذا الحيا ومايسوي
الغريب في الامر انه ماجاب طاري عن كشتي ولا تكلم ....
:
:
ملك علي وقررنا العرس بالصيفيه
:تصدقون ما بقى من مهري إلا ربعه
كله راح بالطرحه حقت العرس
يالله يالله لقت الكوفيره طرحه كبر كشتي
راحت لباريس خصيصاً علشان طرحتي
:
:
جت ليلة العمر
ليلة الدخله
وانا وش ملحي اهبل ولابسة الفصطان الابيض
وزفونا وجلسنا لحالنا >> لا اهلتس دخلو معتس
تصدقون اعترف لي مطفووق بأعتراف خطير
قال صدقيني يا مطفووقه من اول يوم شفتس فيه وانا طايحن في حبتس وكله من كشتس هذي
عجزت انام من كثر التفكير ..
>> والخبله صدقت ههه
يقول كان حلمي اني اتزوج بنت لها كشه
والحمد لله ربي رزقنا باحلى ام كشه بالعالم
ابتسمت انا وقل بكل حيا الله يسلمك يابعد طوايف اهلي
تصدق حتى انا كنت احلم بواحد مثلك دايم اقوول يارب اتزوج واحد اصلع نظيف وسيم
وربي رزقني فيك ..
قال سبحان الله
شفتي يا حبي ربي يحبناا ...
تعالي قربي عندي يا قلبي .................. طوط طوط
تم تشفير هذه الفقره من قبل المشرف ا لعام ولا احد يسئل عن الاسباب
وصارت كشتي هي مصدر سعادتي مثل ماقالت امي
عشت حياتي في هنا وسعادة وخلفت صبيان وبنات
ثلاث بنات لهم كشش وثلاث عيال قرعان ....
\
/
\
مايستفاد
1/ الى كل عاانس جالسه في تسبد اهلها ادعي ربتس انه يرزقتس بالزوج الصالح ولا تيئسي وتقولين فيني عيوب الدنيا كلها ومحد مفكر فيني .. شوفي انا وش كان عيبي وربي وفقني وتزوجت بالي احلم فيه ...
2 / ركزو بأوقات الدعاء لازم تكثرون الدعاء في اوقات الاستجابه
شوفو انا دعيت وقت نزول المطر >> كذبت وصدقت كذبتها
3/ مافيه حب قبل الزواج الحب الحقيقي بعد العرس وبس >> اخس يالمتزوجه
4/ حاولي تغسلين الحوش مع امتس دايم
كود يشوفتس ولد الجيران من الشبااك ويعجب فيتس ويخطبتس
>> ورا ماتظفين وجهتس
5 / ان امريكا تتدخل في كل شي .. تدخل عصها في شي مايخصهاا
متى ربي يمحيها من الارض ونرتاح منها
>>ملطوش ولد مليطيش بن ملطاش>>