الي سوت اطفال انابيب اوتعرف احد سوها في مستشفى الحرس تفيدني

ام زياد ان شاء الله

30-08-2022 - 06:08 pm

بسم الله الرحمن الرحيم
انا ناويه اسوي اطفال انابيب ان شاء الله بعد عيد الفطر في مستشفى الحرس بالرياض وحابه اسئل كيف طريقتهم للعلاج والي جربتهم تقولي عن تجربتها وهل تنجح من اول مره رغم اني لا اعاني من شي وزوجي سليم وله الحمد وصار لي خمس سنوات زواج ولا حملت (خير فيما اختاره الله ) او اي وحدة تعرف احد سواها ونجحت من اول مره ياريت تفيدوني لان هذا اول سؤال لي في المنتدى ؟

مستشفيات

التعليقات (9)

Ry7anah

30-08-2022 - 09:07 pm

السلام عليكم
أنا سويت أطفال أنابيب في مستشفى التخصصي الرياض
في أول مرة عطوني ابر منشطة و صار عندي تضخم في المبايض
ووقفوا العلاج لثلاث شهور
بعدها خففوا الجرعة المنشطة وتضخمت المبايض بس قالوا عادي نسحب البويضات
و سحبوها و تم تلقيح سبع أجنة
و عملو لي ترجيع ثلاث أجنة والباقي جمدوها
بعد الترجيع حللت وطلعت حامل بعد ثمان سنوات زواج
واستمريت على ابر التثبيت لين تورم وركي وللحين اثره موجود
وبعدها باسبوعين صار ينزل دم لونه بني غامق رحت المستشفى طواريء
قالوا لي لازم ماتتحركي و لا تشيلي شي ثقيل خلوني عندهم ثلاث اسابيع لا حركة
ولاشي وبعدها طلعت يوم يوم ثاني رجع ينزل دم بني
رجعت المستشفى قالوا الحل لين تدخلي الرابع نطلعك و جلست على السرير
الابيض والقرف والزهق من المستشفى و الحمدلله دخلت الرابع الجنين سليم
وكل شي سليم طلعت من المستشفى جلست في البيت شهرين ودخلت السابع
وكانت مواعيدي كل شهر بعدها خلوها كل اسبوعين بعدها جاني ألم فضيع
ورحت المستشفى قالوا ولادة مبكرة و خلوني لين مات الجنين في بطني وقالوا
ان نبضه ضعيف ما يتحمل طلق و سحب
وشفت ولدي المنتظر ميت بعد شوق انتظار
بعدها بست اشهور رجعت للتخصصي و رجعوا لي الاجنة المجمدة
وطلعت حامل بس برضوا ما الله أراد شهر وراحوا ربي لك الحمد
بعدها بسنة رجعت قالوا لي هاذي ثالث محاولة ما راح نعطيكي
تنشيط ولا شي تعالي يوم 14 من الدورة
رحت لهم و عطوني ابره تفجيرية و سحبوا البويضات بعد ثلاث ايام
من التفجير و صار عندي اجنة اربعة ربي لك الحمد
ورجعوا لي أثنين و بعدها حللت طلعت حامل
كنت فرحانة وخايفة في نفس الوقت بس هذي المرة
جلست عند أمي في البيت ودللتني
لين دخلت الاسبوع 16 سويت عملية ربط لعنق الرحم عشان التسقيط
و استمر الحمل طبيعي لين الشهر السابع نزل موية ورحت المستشفى
قالوا لازم ماتتحركي كثير
و بعدها الله ارزقني ببنت في الشهر السابع
والآن عمرها سنتين ونصف الله يحفظها و يخليها لي
والله يرزق كل المحرومين في هذا الشهر المبارك

ام زياد ان شاء الله

30-08-2022 - 10:08 pm

مشكوره ياخت Ry7anah والله ماقصرتي ورفعتي الامل عندي
الحين 10 الي دخلو ولا رد الا وحده

أم الولاء

30-08-2022 - 11:09 pm

انا ماعندي فكره بس حبيت ادعيلك

وحشتني

31-08-2022 - 12:10 am

ماعندي فكره والله

Katkouta

31-08-2022 - 01:11 am

ما شاء الله يا ريحانة
ربنا عوض تعبك و صبرك خير
بس ايه كانت المشكلة في تاخر الانجاب ؟

Katkouta

31-08-2022 - 02:12 am

ام زياد ان شاء الله
و الله ما عندي علم
ربنا يفرحك بالحمل الطبيعي عاجلا

أم ريان وروين

31-08-2022 - 03:13 am

أم زياد ياقلبي أنا عملتها بالحرس بس فشلت والله يعوضني ..
إن شاء الله أكتب لك التفاصيل ..
لي عودة بإذن الله..

ام زياد ان شاء الله

31-08-2022 - 04:14 am

مشكورات اخواتي على المرور ويا ام ريان ورين انتظرك ياقلبي تفاصيل تجربتك وياريت ماهي مشكلة تاخر الحمل عندك

أم ريان وروين

31-08-2022 - 05:15 am

http://alfrasha.maktoob.com/showthread.php?t=619261
هنا بعض التفاصيل عن تجربتي بس لا ترفعين الموضوع
إذا بغيتي تفاصيل ثانية ارسلي لي ع الخاص ياقلبي

ليش مالقى احد يرد علي←
ماادري هل هذا من اعراض الحمل ولالا→