الي ماتزوجت تدخل عندي كلمة راس لكم لازم تعرفيها

سلام
كيفكم حبيباتي
انا ملاحظه اغلب الي في هذا القسم متكلين امورهم على الدعاء وبس !!!
انا مو ضد الدعاء لالالا
لاكن يجب الأخذ بلأسباب الدعاء وحده صدقيني مايكفي
ماحد سأل نفسه ليش فلسطين ماتحررت الى الأن والمسلمين لهم 40 سنه وهم يدعون !!
لأنهم ماتحركو مع انهم كثره وقادرين ولاكن ماسوو شي اكتفو بدعاء وبس
الرسول صلى الله عليه وسلم كان يدعي ولا يكتفي بدعاء وهو رسول
بل كان يخطط ويستشير واخذ بلأسباب ..
حبيبتي الي ابغى اوصله لك من كلامي لاتكونين سلبيه وتتكلين على الدعاء وحده حاولي تشغلين مخك
تخططين تفكرين تستشيرين
اهتمي بنفسك لبسك ستايلك مكياجك
مو بس الشكل حتى الشخصيه تلعب دور
خليك شخصيه حاولي ماتعتمدين على احد من اهلك عشان مايحسون انك ضعيفه
ادرسي توظفي لاتنتظرين يد عون من احد
انتي قادره الله اعطاك كل شي العقل والصحه ليش تجلسين كذا سلبيه حاطه يدك على خدك
وتدعين وتقولين ياليت وياليت
كلمة ياليت عمرها ماعمرت بيت
احضري مناسبات تكشخي عزايم اجتماعات
كلمي خطابات مافيها شي سبب من الأسباب
شوفي ايش المشكله الي خلتك تعنسين ودوريلها حل لاتجلسين كذا الى متي
بدل ماتعيشي نفسك في حزن واكتئاب لا قومي وقوولي توكلت عى الحي اللذي لاينام
حاولي تحلين مشاكلك بنفسك كثرة التشكي ترى ماتنفع
اذا تبغين شي اتعبي عشان تحصلي عليه
حبيبتي صدقيني الدعاء وحده لايكفي
انا ما اقولك لاتدعي لا ادعي وصفي النيه مع ربك وصدقيني على قد نيتك بيرزقك ربي
(وعلى نياتكم ترزقون)
كوني قريبه من الله صلي استغفري تصدقي
اطردي الحزن من حياتك ورحبي بلمرح
خليكي مرحه اضحكي نكتي وانسي همومك الي الله قاسمه لك بتاخذينه
انتي سويتي الي عليك والباقي على خالقك
وسلامتكم
معليش كلامي كثير ومخربط بس اتمنى وصلتكم الفكره
والله يابنات ماكتبته الا لأني حاسه فيكم شفت الي شفتوه واكثر
انا امي ترفض الخطاب وتمارس علي جميع انواع التفنن في التعذيب والحرمان
بس هذا الشي ماكسرني لا والله زادني صلابه وقوه
الحياه قاسيه يابنات لاتضعفون خليكي اقوى من الأيام
ادري ان فيه بنات كثير مظلومات زيي لاكن ان شاء الله فرج الله قريب
الحياه فيها المر وفيها الشر وفيها الخير وفيها الظلم وفيها الفرج لاتحتارين ايش تختارين
كلها راح تمر عليك
بس نصيحتي لك حكمي عقلك شوفي الطريق الي فيه مصلحتك وامشيه
فكري في نفسك لاتنتظرين احد يجي يفتكرك ويحن عليك
لا لا لا ياحبيبتي اذا ما دورتي لمصلحتك بنفسك لاتستنين احد يدور عنك
كلن مشغول بهمه ماحد فاضيلك
ساموحوني اذا ماعجبكم كلامي بس هذا الواقع
ادعولي يابنات