الي متزوجه من مطلق تدخل والي عندها خبره بليز

1. اولا مادري هو يحبني او لا عمره مايقولها وطبعا الرجال ابدا مايقولها

اولا احب ادعي لكل انسانه مرت على موضوعي وردت علي سواء بنصيحه او دعوه اللهم ارفع قدرها مثل مارفعت مووضوعي وردت علي وقدرتني
ثانيا نبدا بقصتي وباختصار طبعا متزوجه للمره الثانيه وبحكم اني كنت منفصله تزوجت ولله الحمد مطلق افضل من متزوج بصراحه وزوجي للامانه بذكر حسناته قبل سيئاته عشان مااظلمه اذا طلبت حاجه جابها وماحسه مقصر معاي ويطلعني ويمشيني الحمدلله في بيته ماهو منقص وش اقول الحقيقه نظريا وواجب حياه زوجيه مرتاحه بس المشكله تجي الحين

اولا مادري هو يحبني او لا عمره مايقولها وطبعا الرجال ابدا مايقولها

ثانيا لما سارت الشوفه الشرعيه طبعا غلطتي دخلت بجزمه عاليه الله يكرمكم ولو دخلت بدونها كان افضل بس كل مره يقلي خدعتيني انتي قصيره وهالكلام مع اني اوصل لكتفه بدون جزمه طبعا _((اكرمكم الله )) وبما اني سبق لي الزواج والخلفه عاد تعرفون الحمدلله جسمي حلو بس بصراحه عندي بطن وانحف وتخف بس تعبت وحاولت كثير عشا تروح ومافي فايده وهو متضايق مره منها وطبعا ماعندي الحمدلله قصور ببيتي او ناحيته واهله الحمدلله يحبوني وكانت طليقته مره اخلاقها صفر مع امه ولا فيه احترام وسمعت من الناس انها حارمته ولما تزوجت قالو اخواته انها كانت مخليته بعيد مره عنهم عكس الحين وهو معاي المهم
في الملكه كان كثير يذكرها وخف بعدين ومن تزوجنا لقيت محتفظ بصورها في شنطه في الدولاب ودخلت بالصدفه ظبعا وسكت ماعلقت ولاسويت مشكله وقلت له ممكن اشوفها وعططاني الصوره وسحبها بعدين المهم سافرنا اسبوع الطائف ورجعنا قعدنا يومين ياحلوه كان رجع بعد يومين قال اوف خدعتوني قصيره انتي وبطنك ماتروح وعصب طبعا وبعدين شغل اغنيه للجسمي بحبك وحشتيني وقال لو تدرين وسكت قال لالا مابغا اجرح مشاعرك قلت له اهديته طليقتك ولا هيا اهدتك اياها سكت وانا بصراحه انحرقت وسكت رجع يبغى يكلمني عادي والله يابنات حاولت ابلع الهم واسكت ماقدرت وشلت لاب توبي وجوالي ودخلت غرفتي وقفلت الباب وصليت ركعتين واستغفرت واحتسبت امري لربي كمان انا اخترته ووافقت لازم اتحمل نجي للمهم انه لما ينام مايحب ينام جنبي او يلصق فيني ابدا واذاذا قربت يعصب ويقلي ممكن انام براحتي وطبعا يجيني بالشهر مره ومافي بوس ولاضم ولا حاجه يخلص حاجته ويقوم مع انه في الملكه يقول انه يسوي الي مايتسوى عاد طبعا ماشفت حاجه انا من الي ماتتسوى بس انا كمان ماقدر اقرب واطلب استحي بصراحه واحنا تونا لنا شهرين متزوجين وطبعا طليقته منعت اولاده يحضرون الزواج والحين اتصلت وكلمته وخلت اولاده يكلمونه وحسيت انه حن __(( احساس زوجه ويمكن غيره الله واعلم بس اسلوبه واضح وعينه الي دعت )) المهم ياغاليات ابي اعرف هل كل مطلق كذا واذا عنده اولاد صعب يبعد عن طليقته وذكراها ومن قصتي الي تقرونه تتوقعون زوجي يبحبني اولا لانه مره قال تزوجت عناد فيها لما قالت انا ضيعت عمري اربي اولادك ومع ان تقدمولي كثير انحرق هو هنا منها والاهم الطلاق لمره الثانيه صعب ويمكن غلط عشان اخذت مطلق وابو اولاد ويحن لزوجته اول اسمع اعتراض الكثير انها تزوج مطلق بس الحين عرفت ان مطلق كان يحب زوجته وافترقو وبينهم اولاد صعب فوق ماتتخيلون والمشكله يقارن بينا بالجسم طيب هيا يعني لو اطول مني ب 5 سم وجسمها انحف انا وش اسوي ربي خلق طولي والحمدلله جسمي حلو البس كل حاجه بس بطني الي فيها بروز ولازم مشد تكفون لاتجاملوني ولا تكذبون علي زوجي يحبني او لا مادري نفسي اعرف والله نفسي اعرف وبعدين اقعد على الكنب اتفرج تلفزيون يجي يطالع فيني يمزح بوسه من بعيد عادي يسويها مره او مرتين بالشهر بس تقارب اكثر لا وادري ان الحياه الزوجيه موجنس بس كمان تحسي زوجك يشتاق لك ويمكن لانه 41 سنه ماثرعليه هالشي مدري عالعموم انا كمان موماثر فيني لاني احس اني بارده ماحس ابي دايما المهم تكفون لاتردوني نصيحه تفيدني وتكسبني قلب زوجي وطبعا الحين متهاوشين هو في غرفة الجلوس وانا في غرفتي ومانكلم بعض انا عن نفسي احبه وماقدر على زعله بس احس اهاني بكرامتي لما ذكر طليقته قدامي ومابيه يتمادى