الي مو وجه رجيم تدخل ضروري عندي حل

1. ندخل في صلب الموضوع ومالكم بطويله


2. قل لها قولي لها عن حالتي بتفصيل قالت ان شالله

مساء الخير على الدبيات الحلوات قال الراوي :(يمهنا جاك ماتتنمى ) كلنا نبغى ننحف ونوصل للوزن الطبيعي وفي نفس الوقت نبغى نعيش وقتنا ناكل ونشرب على كيفنا فمريض السمنه يحس دايم انه ممنوع من كل شي تعالو نشوف على سبيل المثال العزايم الجلسات النسائيه الطلعات مع العيله الأعراس الأعيادالمناسبات كلها تتطلب اكلات دسمه والى الان للأسف لا توجد ثقافه صحيه عند الناس يجبرونك على الأكل واذا رفضتي زعلو واذا جاملتيهم واكلتي بتاكلين عند بكرا عند فلانه وعلانه وكل يوم بيعدي ونتي تجاملين الناس على حساب وزنك صح ولا انا غلطانه ...؟؟؟
المهم خلوني اتكلم لكم عن نفسي انا وحده تموت في شي اسمه حلويات ومااقدر اقاومها بصراحه
طولي 170 وزني فوق 100كيلو جربت انواع الرجيم وضبطت معاي وينزل وزني بلمقابل يصيدني فقر دم تساقط في الشعر وغيره وغيره ولمااتركه ارجع دبل اللي خسرته طيب والحل ؟؟
من مدة 4سنوات صادني تكيس في المبيض يعني الدوره تنزل على شكل نقط بسيطه وتطول الدوره معاي اول كانت 7 ايام مع التكيس صارت 10 ايام طفشت وكرهت حياتي (ادري بتقولون وش دخل التكيس في موضوعنا )

ندخل في صلب الموضوع ومالكم بطويله

قبل 8شهور يعني في شهر ربيع الأول كنت نازله عند الأهل انااسكن بعيده عن اهلي ومااشوفهم الا في الشهر مره المهم
نزلت السوق مع الوالده الله يحفظه لي وانا اتمشى معاها فجئه ضيعت امي جلست اتلفت يمين يسار مالقيتها في النهايه لقيت وحده ثانيه ماسكه شنطت امي استغرب ...!!!منو هذي ..؟؟قربت منها جلست اناظر فيها الا واهي امي ههه يمه قالت نعم قلتها ولله ماعرفتك قالت ليه ..؟؟ قلت لها ناحفه مرره وش السر قالت توك تنتبهين ..؟؟ قلت لها بصراحه ايه توني منتبها وش سر نحافتك لا تقولين تسوين رجيم شفتك بعين تاكلين اليوم الظهر رز واكلتي كيك العصر قالت انا مااحب الرجيم ونا كم مره حذرتك منها قلت هذه المستغربه يماما انتي تخانقيني على الرجيمات اجل انتي وش تسوين ...؟؟قالت يبنتي بعيد عنك قبل 7 شهور صادتني نسبه سكر في الدم والدكتوره كتبت لي على منظم وهذا انا كل يوم ابلع منهم حبه بعد الفطور وحبتين بعد الغدا وحبه بعد العشا اربع كبسولات في اليوم وش دخل السكر في السمنه قالت السكر اذا انحرق الجسم ينحف قلت لها طيب انا مافيني سكر ينفع اخذ هذي الحبوب قالت ولله مدري عندي موعد تحليل بعد كم يوم اذا رحت ادخل على الدكتوره واسألها

قل لها قولي لها عن حالتي بتفصيل قالت ان شالله

المهم بعد كم يوم امي راحت على موعدها ودخلت على الدكتوره وسألتها عني قالت ايه عادي تستخدمها عشان تنحف لكن بيكون نزولها بطيء وما تاخذ نفس الكميه اللي انتي تاخذينها تاخذ اقل لانها مومريضه سكرولا عندها نسبه قالت لها امي خلاص ابلغها
اتصلت امي فيني وبلغتني بدين اخذ كبسولتين حبه بعد الغدا وحبه بعد العشا لانهم يحتون على وجبات ثقيله شوي وامارس حياتي بشكل طبيعي اكل رز ومكرونا ومقالي ومشروبات غازيه وشوكلاتات ولله لو يحصل لي بعير اكلته وماسميت عليه ههه والحركه مافي لاني كسوله مره الا اذا نزلت السوق امشي مسافات طويله
المهم بعد شهر جاتني حاله غريبه في الدوره جاتني مرتين في نفس الشهر انا خفت رحت المستوصف ودخلت على الدكتوره وخبرتها بمشكلتي في التكيس وخبرتها بلحبوب المنظم اللي استخدمهم قالت هم صحيح الحبوب بتنحف لكن مع الاستمرار يعني مش بين يوم ليله بعد ست شهور او اكثر بتلاحظين فرق بسيط لكن استمري اما من ناحية الدوره خليك الى الشهر الجاي اذا تكررت المشكله ارجعيي لي بعد شهرين بضبط لاحظة الدوره تنزل علي بشكل طبيعي وتنزل دفعه وحده مش نقط زي اول جلست اسولف مع بنت خالتي في يوم من الايام عن الدوره تعدلت معاي لما بديت استعمل ذا الحبوب قالت لي يفطينه ادخلي على النت واكتبي في قوقل منظم السكر يزيل التكيس وشوفي نتايج البحث انا كان عندي تكيس وصرفوهم لي نرجع لمشكلة الوزن احسبو معاي بديت استعمل المنظم من تاريخ 22\3\1430والأن في تاريخ 22\10\1430 نقصت مايقارب 3كيلو بدون حرمان اختي لها اكثر من سنه تستخدمه نقصت مايقارب 9كيلو وبرضو بدون حرمان في الاكل والحركه عاديه شغل البيت اليومي طبعاً كنت اراقب مستوى السكر عندي اخاف بعد ينخفض معاي او شي مشاء الله ماعمل لي لخبطه في ابد ابد
ادري بتقولون لي وش اسم الحبوب انا بصراحه مااشتريها من الصيدليه امي وابوي يصرفون لهم مستشفى الحكومه 2 كميه فوق حاجتهم انا اخذ الزياده اللي يعطونهم لكن هي تباع في الصيدليه اسمها جلوكوفاج500 ملغ
بيني وبينكم نعمه والقناعه حلو تخيلي ماتحرمين نفسك من الاكل وتنقصين وش تبين افضل من كذا ..؟؟
صحيح الخساره قليله لكن ولله ثم ولله كنت ازيد في السنه مايقارب 5كيلو تخيلو لو الزياده هذي تتحول الى نقصان مو افضل من الوضع السابق اللي نعيشه ناكل ونزيد الان ناكل وننقص طبعا لو ابتعد عن الحلويات كانت الدهون كانت النتيجه افضل لكن برضو اقول الحمدلله
وخلي وحده تدش وتسأل سؤال انا كاتبه عن جوابها