اليغمش بالصور

1. وتدهني صينيه وترصي فيها كرات العجينه وتغطيها بسفره وتتركيها ساعه


2. او اكثر عادي لان مافيها خميره ..

صباح الخيرات
ام من غير مقدمات ذي طريقة اليغمش لعيون جوري
واتمنى انه يعجبها اذا جربته ويعجبكم كلكم لبى قلوبكن<< تنتظر تجربوه
اولاً / الحشوه
اول شي بالنسبه لل لحمه المفرومه هم >البخاريه< مايطبخونها ع النار تكون نيه ويحطو عليها البصل والطماطم
والملح والفلفل ويحشو العجينه ويدخلوها الفرن وتستوي اللحمه مع العجينه بالفرن
لكن احنا مانتقبلها كذا نحس ان اللحمه ماتستوي مره .
فأول شي نعمل الحشوه نقطع كمية بصل كثيره لان اللي يميز اليغمش البصل الكثير
ونكشن البصل في الزيت ثم نظيف اللحمه ونقلبها لما يتغير لونها نظيف حبتين صغار طماطم ونقلبها مع اللحمه
ونتبل اللحمه بالملح والفلفل الاسود (كثري الفلفل الاسود يطعمها ) ونتركها ع النار الى ان تنظج
مقادير العجينه
كاستين دقيق ابيض منخول
1\4 ربع كاس زيت دوار الشمس او أي نوع
1حبه بيضه
1\4 ربع ملعقه صغيره ملح
ماء دافيء للعجن

• تعجيني مقدار العجينه الى ان تتكون عندك عجينه متماسكه طريه
• تقطعي العجينه الى كرات صغيره بحجم صفار البيض تقريباً

وتدهني صينيه وترصي فيها كرات العجينه وتغطيها بسفره وتتركيها ساعه

او اكثر عادي لان مافيها خميره ..

• تاخذي كوره من كرات العجين وتفرديها على طاوله مدهونه بشوية زيت
• ضعي الحشوه في المنتصف
• اثني طرف العجينه على الحشوه بحيث يصل الى منتصفها مثل ماهو في الصوره
• اثني الطرف المقابل لها كما في الصوره
• ثم الطرف السفلي
• ثم الطرف المقابل له , ويصير شكلها مثل اللي بالصوره
• الحين ادهني صينية الفرن بالزيت ورصي فيها حبات اليغمش وتكون الجهه اللي طبقناها علشان نسكرها

اسفل والجهه السليمه فوق كما في الصوره

• ادهني وجه حبات اليغمش بالحليب السائل او كما تحبين وادخليه الفرن وحمريه من اسفل الى ان ينضج

ثم حمريه من اعلى

• وبعد ماتطلعيه من الفرن غطيه بمنشفه وفوقها أي غطى قدر واتركيه 10دقايق او اكثر الى ان تلين حبات اليغمش

لانها اول ماتطلع من الفرن تكون قاسيه شوي .
وبالهناء والعافيه