اليكم قصتي منذ الصغر

1. القصه :_

بسم الله الرحمن الرحيم
السلام عليكم ورحمة الله وبركاته ....
انا يا بنات حابه انقل لكم قصتي لاخذ العضه والعبره منها وان شالله تفيدكم يارب بس اول شي ابيكم تدعون لي بالفرج

القصه :_

انا اصغر وحده بالعايله ودلوعة البيت مثل ما يقولون احنا عايله محترمه ومحافضه ولله الحمد
.. وانا صغيره كلمتي مسموعه محد يرفض لي طلب الكل مدلعني وكنت امشي كل شي على رايي وما يعجبني العجب واهلي كانو يستانسون على دلعي وربوني ما شالله تربيه حلوه ولله الحمد ما امدح نفسي لكن ما عندي خرابيط ولا شي غلط بس في شي ما كانو مركزين عليه واللي اهو ((((((( الصلاة))))))) انا كنت ما اصلي وهذا الكلام كان عمري 8 سنين ما في احد كان يجبرني على الصلاة صج كانو يهاوشوني بس كنت اعاند وما كنت اصلي وما كنت اعرف السبب المهم صار فيني صرع واستمر الصرع لمدة سنه وطبعا كانت الفحوصات سليمه انا اقول لكم شلون جا الصرع كنت العب مع بنت اخوي بلعبه وتهاوشنا وطقتني براسي من ورا ونمت وانا ابكي وامي نومتني وانا ابكي وثاني يوم رحت المدرسه وانا ما فيني اي شي ركبت الباص واغمى علي المدرسه تحسب اني نايمه لكن انا كان مغمى علي ونزلت ومشيت لباب المدرسه وانا ماسكه سور المدرسه ما اقدر امشي ولا اشوف امامي صارت الدنيا سوده ما اشوف المهم دخلت وصار فيني صرع وغماء صرع واغماء واستفراغ اتصلو على ابوي وجا واخذني على المستشفى وقالو الفحوصات سليمه وما فيها اي شي بس مو عارفين ليش انصرع واستفرغ وحطوني بالعنايه المركزه لان صارت فيني حالة غريبه ما اقدر اقعد ولا اقدر امشي ولا اقدر انام مادري حاله غريبه حتى الدكاتره مستغربين شنو يصير بالبنت هذي ؟؟ ونمت بالمستشفى 3 شهور متتاليه ولا عارفين ليش انصرع المهم تحسنت حالتي وطلعت من المستشفى ونفس اليوم اللي طلعنا فيه بالليل كنا قاعدين نتعشى انا وامي وزوجة اخوي واخوي وعياله وفجأه صارت الدنيا حمره ( نفسلما تغمضين عيونك ) وشفت واحد مو مبينه ملامحه بس اسود وكان يبي يطقني وانا اصارخ وجت زوجة اخوي وتقرا بحصن المسلم ورجعت اشووف بس ضليت طول الليل ما نمت واخذتني امي لعند شيخ وقال لامي هذا ماء وزيت زيتون استخدميهم لبنتك المهم استمرت عندي حالة خوف مو طبيعيه واهلي الله يهديهم مطنشين كل على بالهم مافي شي انشالله ما في الا العافيه لا تخافين ومن هالكلام المهم انا كنت احس احساس غريب كنت احس انه في احد ينام جنبي احس في احد يعاشرني لاكن ما في احد وكنت اخاف اقول لاحد اخاف يقولون عني مجنونه او يقولون عني وصخه او شذوذ او يذبحوني ويقولولي منو هذا اللي يعتدي عليك ويذبحوني من القصص اللي اسمعها من البنات المهم كنت ما اعلم احد نهاائي لما اقعد من النوم القى بقع زرقه او بنفسجيه واقول لا اكيد انا متعوره او احد طاقني من غير لا ادري تعورت ومن هالاعذار
وصار عمري 13 تزوجت بنت خالي كان عمرها 16 واقول ماشالله تزوجت واهي صغيره ان شالله انا اكون نفسها اتزوج وانا صغيره هذا وانا ابي انام وبعدين احس في احد يهمس باذني ويقول انتي زوجتي انتي متزوجه ومحد يدري فيك انتي كل يوم تزنين انا حسبته حلم او قلت لا ما في شي لا يهيأ لي وبعدها استمرت حالتي هذي مني لما صار عمري 15 مرضت مرض واهو انه كانت عضامي كلها تعورني تألمني بشده ولا اعرف ما السبب وطبعا كاعاده الفحوصات سليمه وبعدها خفت وطاحت امي بمرض صارت فيها جلطه بالمخ وانشلت وصارت ما تتكلم ولا تمشي ونامت امي بالمستشفى سنه كامله وبعدها سافرت لعلاج بالخارج وانا هني زادت حالتي ما نقصت صارت عندي عزله ما احب احد يجينا ما احب اخواتي يجون اعندا صرت اكره ابوي كره العمى ما احب اسمع صوته مع العلم ان ابوي ملتزم كنت اقعد بالغرفه واقفل الباب بالايام لا وكل هذا محد يسأل عني كنت اضل 4 ايام او 3 ايام داخل الغرفه حاطه الاغاني وقاعده ابكي ليش ابكي ما ادري وش السبب بكاء شدييد ونوم غير طبيعي المهم لما يكسرون الباب علي وياخذوني المستشفى كل على بالهم هبوط او موماكله شي وكنت احب اسبب مشاكل بالبيت ولما تصير مشكله اندم اقول انا ليش سويت جذي وطبعا انا كانت اكثر مشاكلي مع ابوي واخوي لانهم ملتزمين وكنت اتلفظ عليهم بالفاظ رذيئه واتفل عليهم وانا كنت ما اقدر اسيطر على اعصابي بالمره المهم والله يا بنات والله العضيم نفس اليوم اللي كانت امي طاحت بالجلطه كنت ابكي واقول امي راح تموت امي راح تموت امي راح يسير فيها شي وامي كانت بالمستشفى وانا ما ادري عنها لانها طاحت ببيت عمي مو ببيتنا .. المهم كنت مثل ما قلت لكم اني كنت ما اعرف شي اسمه صلاه ولا قران بالمره ابد من وانا صغيره كانت حياتي اغاني وبس لما يأذن الفجر اعلي الصوت على الهيتفون عشان ما اسمع الاذان ولما احد ينصحني بالصلاة كنت اصرخ بوجهه واقوله انت مالك شغل انا اللي راح ادخل النار مو انت ودايم هذي جملتي انا راح ادخل النار مو انت وكنت اشوف اهلي او احد يصلي استغرب واقول هذا وشلون يصلي شلون يا ناس علمووني شلوون تصلون انا ما اقدر كنت اذا بغيت اصلي احس بحراره تمشي على جسمي وعرق حتى لما العب رياضه ما اعرق هالعرق ولوعه وهذا الكلام وكان عمري فيها 18
ا لمهم ولا مره بحياتيانخطبت ولا احد يفكر انه يخطبني مع العلم الكل يقول يا حلاتك ياحظ اللي بياخذك وطبعا انا ولا مره مسكت القران وقريت لي لو صفحه ولا مره او اني اقرا الاذكار ولا حتى ادعي دعاء ما كنت ادعي وكنت معاصي داخله فيها بعمق الله يغفرلي ويتوب علي يارب انا طولت عليكم ..المهم كنت ادخل المنتدى هذا وكنت اشوف حملة قراءة سورة البقره اسال الله العضيم ان يرزق اختنا صاحبة الحمله cherrry وان يبعد عنها كل شر يارب المهم كنت اقول فيها هذي مصدقه نفسها وهذي وهذي انا مستحيل اقراها طويله مستحيل وكنت يابنات اتضايق حيل وقلت لكم سنين طويله احلام مزعجه ,احلام جنسيه , ضيق شديد , بكاء بدون سبب , كره الحياة , كره الاهل والاصدقاء, عزله ,تعب ,ارهاق , آلام بالجسد , ثقل , نوم عميق , . المهم سكرت الموضوع لان قلت مستحيل اني افكر حتى اني اقراها اعوذ بالله وحسبي الله ونعم الوكيل المهم جا ابوي وقالي انا بروح العمره وشرايك ترافقيني قلت له يلا خل اسافر واستانس ما كان اهمي اني اعمر المهم رحت العمره وانا قبل ما كنت شايفه مكه يعني اول مره بحياتي اروح للعمره اول ما رحت صار بجسمي ثقل وبعدها قالو اشربي ماي زمزم والله يابنات اول ما شربت احس خلاص قربت اموت احس ابي استفرغ بس حسافه ما استفرغت قعدت اقول وين استفرغ المكان طاهر وين استفرغ وابعدين اغمى علي والناس تصلي انا نايمه ما اقدر اقوم اوقف واصلي حتى صلين وانا قاعده وللأسف بدون وضوء لان اغمى علي وما توضيت ومحد قالي يلا امشي توضي حتى اهم عبالهم انا كنت نايمه او منسدحه بس بس انا كان مغمى علي وصحيت على وحده داست علي رحنا لصفا والمروه وجسمي خلاص ثقيل ورجوولي تعورني يمكن من المشي بس احس بشي غريب وكنت اعوذ بالله ابصبص بالرجال وما كنت مركزه وبعدين قالولي يلا خل نروح نقبل الكعبه الحجر السود انا ما قبلته لان ما قدرت بس مسحت بيدي اول ما لمستها صار فيني بكف ايدي مثل الدبابيس واحس حساسيه مو طبيعيه بكف ايدي وحمره وطنشت ورجعنا الكويت وانا ما ادري عمرتي مقبوله ولا لا اسال الله ان يقبلها يارب .
المهم رجعت وفتحت الموضوع ثاني مره واللي اهو حملة قراءة سورة البقره وطبعا كان فيني كالعاده ضيق شديد ومن دون سبب اتصلت على وحده من صديقاتي وقلت لها انا راح اموت من الضييقه قوليلي شسوي قالت لي انتي تعرفين موضوع cheery قلت ايه قالت ليه ماتطبقين وتقرين سوره البقره قلت لا ما اقدر قالت ميخالف حاولي هي ضلت تحاول فيني مني لما اقتنعت طبعا بالغصب وقريتها والله يابنات ما تتصورون شنو مفعولها صج قوي المهم قريتها وصرت احلم احلام مزعجه مثل الثعابين او قطط اكثر شي القطط والثعابين المهم وقالت لي خلاص عجل صليها بركعتين بقيام الليل قلت لها لا عاد هذا الشي مستحيل يصير قالت ليه انتي ما تصلين قلت لا ما اصلي قالت خلاص ابدي بسورة البقرة اليوم بركعتين وابدي صلاتج من جد وجديد اقنعتني طبعا ووافقت اللي يشوفني يقول هذي كافره بس والله يابنات والله ما كان بيدي وبعدي صليت باول ركعه الجزء الاول صار فيني قشعره براسي اذبحتني كل شوي والقران يهههتز بيدي وكنت اطنش وبعدين بديت الركعه الثانيه وحسيت بلوعه واحس ودي استفرغ وبعدها ما حسيت بجسمي وحر وعرق الناس لما تركع توقف لا انا ركعت وسجدت على طول من كثر التعب واللوعه والحر والعرق المهم وسلمت واول ما سلمت اغمى علي وجا ابوي يحاسبني نايمه قالي قومي اني ليش نايمه على الارض قومي زحفت ورحت للسرير وجسمي طبعا ثقيل وحلمت لحم مزعج الله لا يوريكم ان شالله كانه احد قاعد يطقني طق مو طبيعي ويصارخ قعدت من النوم مفزوعه وراسي يعورني وثقيل جسمي ولقيت اثار الطق على جسمي,
قلت حق اختي وقالت لي روحي حق شيخ قريب جنب بيتنا رحت عنده وحسيت عنده ببرد شديد ورعشه وخوف ودقات قلبي سريعه واول ما نفث على ضهري فزيت وفريت من مكاني صار عندي صدمه معقوله انا فيني (((مس))) معقوله؟ ليش ياربي وأغمى علي وصحيت ولقيت نفسي مبهذله وحالي مقلوبفوق تحت, وقالي قعدي وقالي استمري على القراءه عندنا وقالي استخدمي مسك الاسود وزيت اللوز هذولي على الارحام لأن المس كان ساكن بالرحم وخلطة الرومي اتسبح فيها ماي مقري اشرب منه المهم كنت اروح وكل يوم عن يوم اتعب تعب مو طبيعي مره حلم ومره ضيقه ومره بكي وللحين هذا حالي ياربنات والله ثم والله انا التزمت وصرت اصلي وتبت توبه نصوحه وثاري كل اللي يسير فيني مو مني من البلاء هذا حسبي الله ونعم الوكيل انا يا بنات اكتب لكم وانا ابكي لان الكل تخلى عني اخواتي اخواني ابوي الكل انا ما الومهم لانهم ملو من عندي كل يوم اعصب عليهم ومالي خلق لهم والله احس مو بيدي انا ما قدر حتى اني اطالع فيهم احس مو بيدي والله العضيم ولا احب اتكلم مع احد كله ساكته واخواتي كلهم متزوجات كل وحده صارت تشكي تقولي انا ما اقدر اروح معاك عند الشيخ زوجي مايرضى واللي تقول معيالي واللي تقول انا ما اقدر اهو الشيخ عنده موضفات حق اللي ماعندهم احد تدخل معاها عن الخلوه بس بس ولو انا اخاف اروح لان اتعب عنده حيل والله يابنات انا احس اني يتيمه لان امي اهي الوحيده اللي تراعيني بس ما بيدها شي تطلعني وتقعد تبكي وما تقدر تسوي شي انا الحين ابكي ليش تخلو عني بشدتي اهم ماتخلو بس انا تعبانه تعبانه تعبانه وللآن تكفون ردو علي وادعولي بالشفاء العاجل غير اجل
انا حبيت اقول لكم القصه عشان تتعضون منها واذا في بنات يسمعون اغاني يتركونها واذا في معاصي يتركونها والله اهي تجيب بلاوي بالدنيا وبالاخره واسال الله العضيم رب العرش الكريم ان يشفيني ويشفي جميع مرضى المسلمين وانا انصح البنات بالمسك الاسود ترى مفعوله عجيب مع سورة البقره طبعا وشكرا على المتابعه واللي يبي ينقل و ينشر الموضوع حلال عليه