امانه تجاوبونى ولا تطنشون موضوعي

السلام على جميع الفراشات
كيفكم انا بصراحه قد كتبت موضوع سابق وهو انى مقبله على زواج بعد شهر وكان طلبي كيف اصير رومنسيه ودلوعه و-و-و- ؟؟؟؟؟
والله يعطي البنات الف عافيه ردو وماقصرا وطبعا والله انى قاعده اطبق كل الى قريته لانهم الله يسعد كل من كتبت ويحرم يديها عن النار كانت ردودهم مفيده شافيه وكافيه ولهم منى دعوة صادقه في ظهر الغيب
(الموهيم)
موضوعي الى بسالكم عنه اليوم بس امانه يابنات لاتضحكون ولا تقولون تستهبل اقسم بالله انى صادزه>>>>(صادقه)
انا طول الوقت مع البنات اي شلتى بالجامعه نتناقش بحماس عن زواجي وترتيباته وكيف وكانى ومانى >>>>كنايه عن كثر الترتيبات والحوسه المطربقه على راسي
فانا كنت ناويه اخذ مانع يعنى لمده شهرين او اكثر بس وحده من البنات يوم اكتشفت مخططي الصهيونى هاوشتنى وقالت من جد بديت اشك في قدراتك العقليه يافلانه >>>اسمي طبعا
معقوله بنت فاهمه ومتعلمه وجامعيه ياحسره تفكر هالتفكير يعنى ماتعرفين اضرارها الصحيه واصلا وش دراك يمكن ماتحملين تتسببين لعمرك وافرضي اكتشف زوجك انك تاخذين مانع وربي يحقد عليك يقول انا مو مقصر عليها وهي ماتبي الحمال منى المهم ماخلت كلمه ماقالتها بمعنى اصح غسلت شراعي
عاد علمت الشله وكلهم عصبوا وقالوا من جد ماعندك سالفه ولا انتى وجه عرس وقالت وحده من واقع تجربه للى حولها بحكم انو اخواتها وخالتها تزوجوا تقول والله ان الرجال الى تحمل زوجته على طول انه يموت فيها بجنون لانه يحس انه مسوي انجاز ومحلاك عروس وحامل وتاخذين الدلع على اصوله عاد انتم يامتزوجات امانه وش رايكم صحيح يموت فيها وتكبر بعينه ويستانس انه مسوي انجاز >>>>>معليش عجزت اقتنع وش دعوة انجاز
ولا اخذ مانع عشان اعرف الى لى والى على ؟؟؟؟؟؟؟؟؟
انتظركم بفارغ الصبر