انا متاخره عن الزواج وعندي بعد مشكله ادخلوا لتعرفوا

1. المهم بدخل بالموضوع لان مالي بالمقدمات ابد


2. اعتقد كل بنت مثلي بتحس بمعاناتي اكثر


3. يارب ياكريم

بنات انا خاطري ضايق ومكسور وماعندي من افضفض له الا انتوا يااعز اخوات الله لايخليني منكم

المهم بدخل بالموضوع لان مالي بالمقدمات ابد

المشكله انا صرت ذاكرتها مليون مره ان انا واختي مااحد طق بابنا ابد يخطبنا المهم كلمنا خطابه على اساس تجيب لنا اي احد بس يكون كويس لمن درت ان اعمارنا كبيره انا مثل ماتعرفون ثلاثين سنه وبشوال اكملها وادخل واحد وثلاثين قالت مااحد هاللحين يبي بنات باعماركم الكل يبي من سن خمسه وعشرين وتحت اما الكبار مايبونهم ومن يومها وانا جالسه ابكي بحرقه اللي بعمري متزوجات وعندهم اولاد وبسن المدرسه تحطمت حييل ماني عارفه وش اسوي احس كل الابواب تسكرت بوجهي حاولت وحاولت وحاولت اتفائل ماني قادره احس بضيقة صدر غير طبيعيه حاولت اهدي نفسي بس انفجرت بالبكي من ساعه ماسمعت لحد الان ماسكت من البكي
ليه الكل يستخسر فينا الخير ؟
ليه بنات اللي بعمر الثلاثين يعتبرون عوانس ومااحد يبيهم؟
ليه الناس تفكيرهم بس مادي بحت يعني انا بكالوريوس وماحصلت وظيفه وش اسوي بنفسي مثلا حتى اتوظف ليه الموظفات بس مطلوبات وغيرهم لالالالالالالالالا؟
ليه اخواتي بيخافوا منا ان احنا نحسدهم ؟ حتى اذا اي شخص انخطب بالعايله من البنات مايخبرونا الا
بعد الملكة؟
لدرجه هذي خايفين منا
ا ااه يايمه ودي ابكي وابكي وابكي لحتى احس بالراحه بس انا كل مابكيت بحس بالالم اكثر واكثر واكثر

اعتقد كل بنت مثلي بتحس بمعاناتي اكثر

والله يابنات اني تعبانه وجسمي بعد بيرتعش وماني قادره اسيطر على نفسي بحس السنوات تطير بلمح البصر وهذول الاطفال يكبروا وحنا مكانا ماتحركناارب فرجها من عندك وارزقني بالزوج الصالح عاجلا غير اجلا ان شاء الله الله يفرحني وجميع بنات المسلمين ويسعدنا ومايجي شهر رمضان الا انا وانتوا ملكين

يارب ياكريم

والله انا جالسه ببيت اخواني ماعندي بيت استقل فيه وخصوصياتي فيه لحالي الكل يرمي اطفاله عندنا كانا مربيين وزياده على كذا ماعندي من يصرف علي ماعندي من يعطيني مصروف يعني بايام الاعراس والاعياد كوارث تصير انتوا عارفين كيف لمن الشخص يحتاج ومايلقى من يعطيه لو ريال بس على الاقل بيحس فيه
اه الله يفرجها من عنده واقسم بالله العظيم ماابي اعيش طول عمري الا تحت رحمة ربي مو تحت رحمة اي احد من خلقه
اسفه على الهذره بس والله احب افضفض لكم لان ماعندي من يحس فيني الكل احسه همه نفسه وبس