انا معي حق والا زوجي

بسم الله الرحمن الرحيم
راح ابدا اقول لكم قصتي بس اللي تبي تسب او تشتم بليز لاتدخل الله يخليكم ، يمكن تكون سالفتي ماتستاهل فتح موضوع بس انا زهقت ابي احد اسولف له عن اللي فيه
الكل اكيد عارف قصتي انا وزوجي والسيارة واذا مو الكل الاغلبيه المهم بعد ماشرينا السيارة بدات المشاكل تقل والحمدلله ومااعتبرها مشاكل بس كتغير من بيت الاهل الي بيت الزوجيه
المهم كان واعدني ايام الخطوبه والملكه يسفرني برا ونقضي شهر العسل وكنت اعد الساعات علشان اتزوج وقلت لاخته انه راح يسفرني اخوها برا ؟
قالت : لاتحلمي كل الرجال كدا وعود عالفاضي وكلام ؟
قلت لها : الا انا زوجي ماراح يخلف بوعده
ولما تزوجنا بدل مانروح لوحدنا ونتهني حتي لو داخل المملكه الاخ قلي ناخذ اهلي واهلك ونستمتع اكثر ومااعترضت لان عارفه ظروفه ومقدرتها
وبعد مااشترينا السياره قلت : الحمدلله صار نقدر نروح ونرجع لوحدنا ومتى مانبغي بس عشم ابليس في الجنه كل مارحنا مكان ياناخذ امه او امه وابوه او تكون عائليه ماعمري حسيت بالاستقلاليه وصبرت وماقلت شي
وكان واعدني في شهر 2 يعمل لي حاجه حلوه او مفاجئه (اسمع بهالكلمه ولاعمري حسيت فيها)
وبعد مااشترى السياره قال ليه : ترى ماعاد باقي عمدي الا 1500 ريال الباقي من السياره وصدقته وماصرت اضغط عليه حتى احيان يقول ماعندي فلوس لاغراض البيت مع العلم انه موظف براتي 3500 ريال وهو الرجال المسئول عن مصاريف البيت وانا عاطله مالقيت لحد الان وظيفه وصبرت وصرت اعطيه مصروف البيت واحيان انا اشتري مقاضي البيت من الفلوس اللي اهلي يعطوني هي لاني صدقت ان ماعنده فلوس وراتبه يروح في سداد اقصاد الزواج لدرجة ان اخوي مره جاني وكنا بنجيب له عِشاء وراح زوجي اخذ 100 ريال من فلوسي وانا ماادري وماقلي الا بعد ماراح اخوي من عندي ومازعلت قلت عادي
وقبل يومين اتفاجا يقولي : تري الفلوس في المكان الفلاني وعددها 3000 ريال
ومن هبالتي نسيت اني اقوله انه ماقال لي 1500 كيف زادت وسكت واستحملت وانا علي بالي ان ماعنده فلوس اتاريه كان يجمع لغرض في نفسه راح اقوله لكم في اخر القصه
المهم امس اقوله : البيت فاضي يبغي لنا اغراض ؟
قلي : اليوم مو فاضي بروح اشترى جيب (سيارة ثانية)، البيت ناقص ولاهمه وراح نزل الفلوس وعدها وكان مجموعه 25 الف و500 ريال
بالله اش تسوا لو كنتم مكاني
انا هنا عصبت وزعلت وطرطعت وقلت له : لو اشتريت سيارة راح تسفرني برا تعوضني عن شهر العسل اللي ماعشته الا بالحلم ؟
قلي : لاتحلمي تسافري برا السعوديه لو ايش يصير
قلت : انا بسافر والفلوس عندي ولما يخلص زواج اختي راح اطلع لي جواز سفر واسافر بتجي معي حياك الله ماتبي اخذ واحد من اخواني واروح لو دوله من دول الخليج
جلس يضحك ويقول : مافيه روحه مافي روحه
انا افكر اني ارسل الفلوس اللي عندي عند اهلي علشان احطه قدام الامر الواقع
حتي اني اقوله ناخذ فندق في جده يومين نغير جو ، او نروح المدينه نسوي عمره ، او ننزل مكه نسوي عمره
ماعمره قلي يالله عازمك برا ، ماعمره قلي جبت لك هديه الا مره وحده ، ماعمره قلي جهزي اغراضك بنخرج برا البيت
ولو انا قلت له ماعنده الا كلمه وحده : خلي اختي تجي وعيالها ونخرج جميعا
ياناس مايحق لي اخرج انا وزوجي يومين واللي بتقول انتي اعزميه حاولت 4 او 5 مرات اعزمه وهو مو راضي
واللي تقول سوي لها حفله في البيت : سويتها 5 مرات ولا اهتم ولا قال شي
ابي طريقة اقنعه فيها نخرج نتمشي زي اي زوجين وانا الان لي سنه ونص ولاعمري خرجت معه لوحدنا الا للسوق او نروح لاهلي
ماهي عيشه ؟؟؟؟