تغيرات الزوج وش الحل معها

1. جربت كل الطرق غيرت جوا البيت سويت حفلات غيرت ترتيب البيت مافيه فايده

مساء الخير عالصبايا الغير كيفكم حبيباتي قلبي
حخش دغري اليوم
حبيت استفسر الحياة الزوجيه متى تستقر انا اسمع ان اول 5 او 6 سنوات زواج بتكون مشاكل وتعب وكل واحد يفهم الثاني
انا بالنسبه لي اشوف هالسنين كثيره وصعب علي اتحمل كل هالسنين الحلوه من عمري وحياتي تروح بس كذا
انا حاليا اعاني من تغير تقريبا 70% من زوجي على حياتنا ككل لا من ناحيتي ولا من ناحية تعامله ولا من ناحيه تواجده بالبيت
قبل سنه تقريبا جته بعثه للخارج وراح قبلي ب6 شهور تقريبا هالفتره كثير ابعدنا عند بعض صحيح نكلم بعض دايم ومسجات وسكايبي وكل شي بس سبحان الله هالفتره طويله مو قصيره وصار فيه فجوه بيننا
بعد ماجيت انا معاها عالبعثه وتغربنا سوا كنت اسمع ان الكل يقول الغربه تقرب انا حصل لي النقيض
اولا انا زوجي مو راعي شلل واصدقاء تعودت عليه من الدوام للبيت ومن البيت للدوام لايطلع الا لنادي ساعه وراجع
جينا هنا تعرف على شباب كثير وصرت مااشوفه خاصه ان دوامه مسائي يعني يطلع 4 العصر يجيني 9وربع يتعشا ويطلع يسهر معاهم مايجي الا 1 او 12ونص اذا بدري اكون انا دايخه من البيت وولدي والحين حامل وحالتي حاله واصير دايخه وانام
والصباح يجلس يذاكر ويحل واجباته
غير كذا بالاجازات وغير مافيه لاطلعه ولادخله الناس كلها تسافر وتروح وتجي وانا جالسه في بيتي اذا طلعت رحت لوحده من البنات ياعمري واحس ملت من كثر ماتشوفني تقول خلاص

جربت كل الطرق غيرت جوا البيت سويت حفلات غيرت ترتيب البيت مافيه فايده

تخيلوا سويت له مفاجاءه احتفال بذكرى زواجنا واكل الكيكه وقال بروح انام تبين شي تعبان كان جاي سهران من الشباب
اول كان يدقق ويتكلم ويعلق على كل شي مثلا قصيت شعري صبغت لبست حلو كان لازم يعلق حتى لو كان شكلي مو مرتب يعلق يعني ماتعودت عليه الصمت الحين لو اجلس بريحة الطبخ يومين مايقول كلمه وانا احيانا اجلس كذا ابي لو سبه مافيه يقول عادي شكلك مافيه مشكله
صار لنا متزوجين4 سنين حاليا يعني مو جداد
بنات وضعي تعبان وابي حل هذا بعض الشي المتغير