انا نكدة وعنيدة شو الحل

مدري ايش اقولك بصراحه
لكن روحي لاستشاريه وشوفي ايش ترد عليك
وممكن يكون السبب في حبوب منع الحمل
لانها كثير تسبب مشاكل نفسيه بدون ماتنتبه الوحده

حبيبتي الله يصلح حالك يارب ويهديكي ..
ممكن تكون نفسيتك من حبوب منع الحمل زي ماقالت لك الأخت ..
بس أسمحيلي أكلمك بصراحه ..ولاتزعلي مني حبيبتي
اول شئ عجبني أنك اعترفتي بسلبياتك أو بمعني أصح عيوبك وبكل وضوح وصراحه
ودا معناته أنك حابه تتغيري وشايفه الوضع الي أنتي فيه أكبر غلط وانتي لوحدك السبب فيه ..
الي لاحظته ..انك انسانه مدلعه من قبل أهلك وزوجك .. لدرجة الغرور !! بمعني أنهم "مكبرين رآسك"
وهادا سبب الي تعانيه .. راح أحاول أوضح أكتر ..
تعاملك مع اهلك وبالأسلوب دا
يظهر انهم متعودين علي تصرفاتك .. وما كانو يعاتبوكي او يصلحو اغلاطك من يوم وانتي صغيرة ..
وأتزوجتي ولله الحمد .. وربي رزقك بزوج طيب مابيعاتبك كتير ويحاول يصلح الأمور بينكم حتي لو انتي غلطانه ماشاء الله تبارك الله
ربي لا يغير عليكم .. هادا شئ كويس بس الانسان راح يجيله فتره وينفجر لما يحس انو يعطي ومابياخد علي قد مابيعطي
علي الأمل التغيير وانك راح تكوني أحسن المره الي بعدها !!
بس للأسف بدل ماتتغيري للأحسن .. حسيتي بالسلطة ..
صار العكس صرتي تزيدي بعاندك وغرورك أكتر وأكتر ..
حبيبتي أول طريق تصليح نفسك ووضعك .. انتي سبق وأخذتيه من يوم ماعترفتي بعيوبك ..
الخطوه الي بعدها .. فكري بهدوء ولما تكوني لوحدك ..
أتذكري كل موقف من يوم وانتي فبيت أهلك.. مع اخواتك مع مامتك مع قريباتك ..!!
في شئ يستاهل أنك تعاندي وتنكدي بيوم حلو .. علي نفسك وعلي الي يحبوكي
فكري بالمواقف الي صارت بينك وبين زوجك ..وكنتي قد أيش ظالمته فيها .. حتي حقوقه الزوجيه ظالمته فيها ..
وعلي الرغم من كدا جاه علي نفسه وصالحك عشان يحبك وخايف علي زعلك ..
وأسالي نفسك.. لمتي راح تفضلي ع الحال دا ؟؟!!
هتستحملي تخسري اعز الناس عشان تصرفاتك الي ماتفكري فيها ولا تحسبيلها حساب ؟؟!!!
أكيد حسيتي ولاحظتي .. بنفوور كثير من الي حواليكي منك عشان تصرفاتك ..
حبيبتي انتي دحين كبيرة ولكي بيت وعندك مسؤولية زوج له شخصية وله احترامه
لا هو زي بابا ولا ماما أو اخواتك عشان يستحملك أو يضغط علي نفسه عشانك ؟؟
أكيد بيسمع من برا ومن أصحابة .. عن كيف الزوجات وتعاملهم مع أزواجهم
وهنا تبدأ المشكله ..يبدأ بالمقارنه بينك وبينهم .. وهنا راح تطلعي أنتي الخسرانه
وطيب أنو جاه ونبهك وقلك انا طفشت خلاص
في غيره يروح ويشوف حياته من دون أي ملاحظه علي تصرفاتك .. هادي ماتنحسب لصالحه انه شاريكي لأخر لحظه
وتبدأي تغيري من نفسك وتفكري مليون مره قبل ماتتصرفي تصرف وترجعي تندمي عليه !!
حبيتبي فكري كل يوم .. مضبوط ..بالنّعم الي ربي معطيكي أياها .. وفكري وعيشي بعقلك وقلبك وكل جوارحك
لو لا قدر الله راحت منك أيش ممكن يكون وضعك !!!
وصدقيني بأذن الله راح تبدأي تتعدلي من نفسك
عشان خاطر حالك أولا ..والله الأشياء دي ماتجيب إلا المرض وكره الناس لكي ..بعد الشر عليكي
وعشان خاطر أهلك وزوجك والي يحبوكي
وأيوه ملاحظه أخيره ..
بطلي تتفرجي علي مسلسلات وأفلام !! ..
وحركات الانتحار المفبركه ..عشان يتوهّملك ..انه بكدا ييفكر بغلطه ويجري ينقذك !! ويعتذرلك
الحركات دي ماتصير إلا في الأفلام وبس
أما في الواقع .. راح يا خذها حجه ..ويقول للناس تراها مجنونه وماتخاف الله ولا علي بيتها وفأي لحظه ممكن تقتلني وتقتل نفسها
ويروح يتزوج عليكي .. الله لايوريكي يوم زي كدا
يارب أنه يهديكي ويصلح أحوالك ماظهر منها وما خفي
ويريح قلبك وبالك ويدلك علي الطريق الصح .. واحنا وياكي
يارب ياكريم

يسلمو وش يفيد ..
توتة ...يارب الله يسعدك ويسخرلك جوزك ..
انا جد فكرت بكلامك ..وانا الحمد لله من مبارح بديت اعير بحالي ..
وفافكر بالي بعملو ..وقبل ما احكي مرحبا بفكر فيها ..
والله الواحدةما الها الا زوجها واهلها ..
الله يخليلي اياهم ويخليلك اهلك وزوجك,,
كلامك دخل عقلي بقوة ..
اشكرك ..
وربي يعطكي اكتر ما تتمني

واوي كتبت رد طوويل وطار وش اسوي اكسر لابي ههه
المهم بختصار لازم لازم تغير من حالك يا حبيبه صدقيني الرجال ما ينفع توقفي بوجه وترد عليه كذا راح تخسري
وتوته ما شاء الله وفت وكفت
وربي يصلح حالك يا حبيبه