عضوة جديدة وتبي مساعدتكم

اتمنى الاقي ردودكم الله يسعد اللي ترد علي لاني ماعندي نت بالبيت والحين ارسلت من النت تبع اختي وشوي برجع بيتي

عزيزتي انتي تحصرين نفسك وتشغلينها بالتفكير بطليقته وهذا غلط كبير مهما كان جمالها فانتي بالتاكيد جميله وروحك جميله تقدرين تملكينه باحساسك وعطائك تنسينه طليقته ابدا لاتتضايقين لما ينتقدك بالعكس خليك واثقه من نفسك ومازحيه لو قال ليش مكياجك كيذا او شعرك قولي كيف تبيه حبيبي وخليك واثقه جدا بنفسك ردي قولي انا عاجبني احسه مناسبني وشعري حلو والكل يعجبه غريبه حبيبي ماحبيته احرجيه لاتخلينه ياثر عليك وحتى لو تاثرتي تماسكي قدامه ولا بعدتي عنه فرغي
شيء ثاني اذا قابلتيها لاتهمك وابتسمي وسولفي عادي لاتحطين ببالك انها طليقته هو تركها وخذاك انتي الان على الحجر وكبري عقلك لاتهمك عززي ثقتك بنفسك
اهتمي بكل جوانبك واهتمي باهل زوجك اكسبي حب الكل خليه يسمع ويشوف بعينه وصدقيني بيتغير
الله يوفقك ويقر عينه فيك ويسخره لك

rabi yssakhro liki inchaa allah

رنيم ياعسل اذا تبغي تعيشي في راحة وسعادة لاتجيبي طاري زوجته الاولى نهائي وخليك واثقة من نفسك عشان كل اهله يحبوك ويسمع حبهم لك بنفسه خليك واثقة من نفسك ولاتاخذي الامور بحساسية حتى لو كان قاصد يزعلك خذي الكلام بمزح لانه احتمال يشوف ثقتك بنفسك مهزوزة ويشوف شخصيتك ضعيفه أي شي يعصبك
تقبلي مروري

لاتروحي لهم ولا تقبليها وريحي راسك

رنيم..شوفي حبيبتي ثقة المراءة بنفسها هي اكثر شي يحبه الرجل
حتى لو كانت بشعة وواثقة من نفسها بيقدر هالشي
لكن شوفي
اذا انتي تقولين عن نفسك جمالي متوسط وهي فاتنة الجمال
اش تبين زوجك يقول عنك
لازم تكون في داخلك قناعة تامة بجمالك واسلوبك وثقتك تكون تامة تامة
اذا زوجك جا وانتقد مكياجك قولي له يالله تعال وريني اللي يعجبك
عشان اسويه لك لاصرت عندك بس انا رايحة عند حريم اسوي اللي انا ابيه
ولا تنفعلين وتعصبين
ممكن هو وقت مانتقد شكلك ماكان مفكر فطليقته ابدا
بس انتي اللي ذكرتيه
ممكن كان بالفعل يحس لو غيرتي طريقة شعرك حتكونين احلى
وممكن انتي عودتيه انه يبدي رأيه فيك دائما بدون ما تستشيرينه
وصار هالشي يضايقك حاليا
:
انتبهي لزوجك ولا تخلينه بتصرفاتك وثقتك المهزوزة يفكر فغيرك
هو حاليا عايش حياته
وهي الله يستر عليها عايشة حياتها
ودام انها فحالها وماسوت لك شي
عامليها بالطيب واضحكي عادي وفرفشي
وخليكك واثقة من نفسك اهمم شي

بغض النظر إنها فائقة الجمال وإنه كان يحبها حب كبير ف إنت ماتعرفي اسرار البيوت
يمكن هو اصلا كان ينتقدها برضه ،،
يعني في ناس كذا عندهم طبع الفلسفة والتعليق ،،
وفي ناس لو زوجته الجمال بصوب وهي بصوب
يقعد يمدح فيها بشكل خرافي
يكون هو انسان راقي وعنده ذوق مو هي جمالها مبهر ،،
الناس تختلف لكن انت رابطة السالفة بزوجته السابقة
عشان كذا تحسي بهالاحساس
وانت ذات نفسك أكيد مو شايفة نفسك بهالجمال عشان كذا تتأثري
المفروض تكوني واثقة من نفسكِ
وزي ماقالت اللي قبلي
قوليله لو عندك رأي او اقتراح قول لي يعني خذيها كدردشة
مو زعلة
وصفي النية ولا له لزوم تتضايقي لما تشوفيها لأن هي مالها علاقة بشيء من أحاسيسك
هي مجرد اتزوجت وربي ماكتبلها نصيب واتطلقت وانتهت معها هالقصة وبس .!

الله يهدي سرك

حبيبتي الثقة بالنفس مهمة ياقلبي صحيح (إن الله جميل يحب الجمال) يعني اهتمي بنفسك و أناقتك و لاعليك من أحد و حاولي تكسبين حبه و حب أهله و قبل هذا كله حب المولى سبحانه لأن الله سبحانه و تعالى إذا أحب عبداً حبب الناس فيه الله يديم المحبة بينكما إن شاء الله