انا ورجل المباحث والرياض مول والهندي قصتي بالكامل اتمنى النشر

السلام عليكم ورحمه الله وبركاته
اليوم الساعه 8:51 التاريخ 6/10 /1430
توني رجعت من سوق رياض مول بعد ماشفت شي يشيب له العقل والله
وكرهت السوق اليوم كره مو طبيعي بسبب اللى شفته
والله اني صرت اكذب واصدق وش اللى يصير
المهم بعد صلاه المغرب رحت السوق اشتري ملابس الجامعه مع اختى وامي واخوي
قعدنا نتسوق لين صلاه العشاء وراحوا الرجال يصلون وحنا جلسنا تحت ننتظر المحلات تفتح
المهم رحت الصرافه بصرف على بال ماتفتح المحلات
رحت صرفت وقعدت اتمشى علشان يفتح السوق وصليت وصرفت نفسي لين
خلصت الصلاه وفتحت نص المحلات
دخلت محل صغير على الزاويه يبيع ملابس اطفال وحريم وشغالات يعني حوسه
المهم والقى رجال ملتحي صغير القامه
ومعه الهندي اللى من تشوفينه على طول تحكمين انه ملتزم .!!!!
المهم الرجال اللى في المحل يوم دخلت المحل حطيت رجلي يقول للهندي عطني الحبوب ...!!!
انا طار عقلي وش حبوبه بها المحل << صدليه والا ملابس
المحل الرجال يوم شافني قعدت اناظر فيه لانه مقصر صوته ويكلم الهندي
قال شف الاخوات وش يبغون
وانا بتصل با الجماعه
المهم اختى قامت تسال الهندي عندك ..؟؟ عندك ...؟؟
وانا عيوني على الرجال المهم الررجال اتصل على الجماعه اللى هو يقولهم
ويسالهم ( المعزب عنه كيس تبغونه ...؟؟؟؟؟؟؟؟؟؟؟ )
انا قلت يابنت الموضوع مب طبيعي
المهم امي طفشت من بضاعه المحل << امي ماشكت بشي
وطلعت لحقتها انا واختي
وقلنا يمه المحل مب طبيعي شكل يروج مخدرات امشي خلنا نحشرهم
امي طار عقلها وش مخدرات .....؟
امشوا امشوا نرجع
رجعنا المحل
الاوهم يتتكلمون وعيونهم مب طبيعيه فينا << شكوا
المهم الرجال كان متكي على ملابس الاطفال ويوم شافنا قال عندك ملابس ابو سنه ...؟
والهندي يطلع له
قال لا لا انا قلت لك ابو خمس سنين والهندي يطلع له ...؟؟؟
وحنا جالسين نسوي نفسنا نفتش في اغراض المحل
المهم اختي مسكت قطعه قالت للهندي بكم ذي المهم جاء طاير
هذي علشان انتي 35 << ماتسوى ترى
وفيه مقاسات والوان
وجاب كل اللى محطوط تحت وحطها لنا قال شوف انتي ايش يبي
بعدها اختي سوت نفسها تفتش في المحل
الهندي طلع من مكانه اللى هو فيه
وراح يمشي من ورانا وياشر للرجال ( شوي شوي )
انا قلت يمه امشي نبلغ الامن الوضع صراحه ما ينتحمل
قلت لاختي انتي اقعدي قريب من المحل وسوي نفسك تمشين وخليك مفتحه عيونك وشوفي وش يسوون
واانا وامي الله يخليها رحنا للامن
وقلنا للامن
الامن طير حواجبه كنه يقول معقوله ...؟؟
الامن قهرني با البدايه وقال ذي مو مسوليتي بعدين اخاف اني اروح معكم ومالقى شي
انا قهرني مره وقمت اتكلم معه طيب سوا شي تحرك على الاقل تشوف تراقب وماتلقى شي
والا انك جالس هنا وتقول مو مسوليتي
بعدين اذا فتشت المحل مو مشكله ترى
انت من حقك لانك امن السوق
بعدين كنه تحرك فيه شي وقال
خلاص بس انا اخاف اروح ويشك فيني لان ابي امسكهم متلبسين اذا فيه شي
بس بدق على مباحث متواجده دايم با السوق
بلبس مدني يروح معكم ويسوي نفسه يشتري من المحل ويراقب المحل
وعلى فكره ترى ذي مو اول مره
نلقى شي كذا !!!!
اكثر من مره وحنا نصيد في ها العماله
المهم دق على المباحث وجاء رجال مدني
وقال رح مع الحرمتين شف المحل واذا حسيت بشي دق علي
المهم راح رجل المباحث معنا
ويوم حنا نمشي في طريقنا دقت على اختي وقالت
الرجال اللى في المحل اللى مع الهندي
مب طبيعي يا بنت والله مب طبيعي يطلع برى يشوف فيه احد والا لا
ويدخل المحل ويطلع
المهم قلت لها لا تتحركين جايينك
دخلنا المحل والرجال السعودي لقيناه طالع من المحل
ولقينا الهندي يفتش تحت مدري وش يسوي
قال المباحث اللى معنا فيه ملابس اطفال مولود
الهندي طار عقله وطلع من مكانه كنه يخبي شي
قال لا بابا مافيه مافيه كله اطفال اطفال
وطلعنا حنا والمباحث من المحل ودق على الامن قاله فيه محل شك لان الهندي يحوس تحت
ويوم شافني قام يحل و يربط با الكلام
بس انا بتصل على مباحث نسائيه تجي تراقب
المحل وتسوي نفسها تشتري
وحنا بنراقبه ها الايام الجايه
وانتم كفيتوا ووفيتو
ترى ذا مب اول مره دايم نمسك ها العماله
تبيع ها الاشياء
خصوصا في ها الاسواق اللى ماهي مراقبه مراقبه كامله
بس عموما المحل الان تحت مراقبه المباحث
ولا تخافون حنا نقدر الان ندخل المحل وناخذ اللى فيه بس احنا نبي نمسك المحل وزباين المحل
متلبسين
حنا بعدها طلعنا من السوق وامي تقعد تلعن فيه الله ياخذ من سوق خايس
كله عماله مالها حسيب ولا رقيب
وترى احنا اكثر من مره نسمع من جماعتنا اللى تقول يمسكون سحره يسحرون با اللمس وبها الشي
وحنا ماصدقنا قلنا لا وين حنا عايشين بس الحين وبعد اللى شفته صدقت كل شي
اتمنى يا اخواتي انكم تنشرون الموضوع لعبره اخواتنا في كل مكان
واحذروا احذروا من ها الاسواق المشوبهه
القصه مو منقوله القصه صارت لي انا واختي وامي با السوق
اليوم