انام في حضنه وانا صغيره وما توقعت ورفضت انام في حضنه وانا كبير ابي راي المتزواجات

1. مشكلتي طويله وبختصرها لكم


2. انا اختي توفت * الله يرحمها * وتزوجت زوجها عشان عيالها


3. توفت اختي قبل خمس سنوات وما شاء الله جابت سبع عيال

السلام عليكم
اتمنى تساعدوني خواتي والله ماسجلت في الموقع الا عشان اكتب مشكلتي انا متابعه بصمت واقرأ المواضيع ورودكم وتفاعلكم ما شاء الله

مشكلتي طويله وبختصرها لكم

انا اختي توفت * الله يرحمها * وتزوجت زوجها عشان عيالها

اختي يوم تزوجت كان عمري سنه وكنت متعلقه فيها لاني اختها الوحيده اروح معاها بيتها وانام في حظنها وحضن زوجها بعد كان يحن علي ويحبني حملت وجابت بنوته وتعلقت فيها اكثر اكثر وكان زوجها كل شي يسوي لبنته يسوي لي وانا ما قصرت العب معاه وما ارضى الا هو ينيمنى وانام معاهم على السرير وماكانو يفرقون بيني وبين بنتهم في كل شي وكنت اناديه بابا وبعد ما دخلت المدرسه فهموني اهلي انا الي اسويه عيب وهذا رجال اجنبي ولازم ابتعد عنهم شوي شوي انا ما رضيت واعصب وما كنت اهتم في كلامهم وكنت اروح لاختي اطلع من المدرسه على طول لبيت اختي كبرت ونفس الشي ما ابتعدت عنهم وجابت اختي عيال بعد والمفرض خلاص مال اروح لها يكفي عيالها وانا كنت ما افهم واروح لها

توفت اختي قبل خمس سنوات وما شاء الله جابت سبع عيال

تزوج زوجها قبل سنه وزجته ما تحملت عيال اختي ودلعهم وطلبت الطلاق وتزوج ثانيه ( مطلقه وعقيم ) وقلنا يمكن تحن عليهم وتكون مثل امهم طلع العكس تعصب وتضربهم وما تحملت وطلقها
جا الدور علي وقالو لي تزوجيه انا استغربت معقوله اتزوجه وانا اعتربه مثل اخوي وفرق العمر بينا كبير انا اكبر من بنته بسنتين بس وما تخيلت انا يكون زوجي حاولو فيني وكلم عياله عشان يقنعوني اني اتزوجه واعيش معاهم اقول لبنته شوفي فرق العمر بينا تقولي احسن الشايب يدلل والشاب يعلل وبصراحه ما ادري وشلون وافقت وتم النصيب بينا
تزوجت في عيد الفطر وما قادره اخليه يلمسني او بقرب مني مع انه طيب وحبوب ومو مقصر معاي بشي ضل يحاول فيني وانا امنعه وما اعطيه وجهه
احسن اني جاهله وطفله كلا جالسه مع العيال العب معاهم واذاكر لهم وسوالف وضحك ومالي بسوالف الزوجات لدرجه انا قالي انتبهي تري لي حق انا بعد مو بس العيال
ينام على السرير وانا في الارض عشان ما يقرب مني واذا قالي اقول له ما بعد اتعود عليك
طلع يوم من الدوام وجا البيت وسالته وش فيك قالي مريض قلت له كان رحت المستشفى قالي انا عارف علاجي علاجي هو انتي وقرب مني انا خفت وقلت له لا ورحت على طول لغرفه العيال وجلست ولده ،، عشان يحمني من ابوه ورسل لي رساله متى الحلوه تحن على الشياب تعبتي قلبي وقرتها بنته الملقوفه وما تغدى اليوم معانا ولا تعشى
والله كسر خاطري وماله ذنب دام انا وافقت عليه خلاص صرت زوجته زندمت على الي سويته والي خلاني اندم اكثر انا حرام الزوجه تمنع زوجها من حقه اناقررت اني اتغير واتهم فيه اكثر
بس مو عارفه كيف ابي اغير من شكلي من لبسي ( تصدقوني انا اغلب ملابسي اذا مو كلهم نفس ملابس بنته نلبس نفس بعض ) لبسي بجامات واسعه وبلايز نص كم او كم وبنطلونات ما مره لبست قصير وما عندي
ما ادري اجلس معاه واكلمه واعتذر منه ولا اكتب له رساله او ارسل في جواله اخاف يستغرب وش التغير المفاجي
ابي خبراتكم يالمتزوجات ابي اسوي شي يفرحه ويفرحني معاه
اعذروني على الاطاله واذا كان كلامي مو مرتب لاني اول مره اكتب
انتظر ردكم خواتي