انتي توك بنت لاتجلسين مع الحريم تهئ

ياحبيبتي لاتقنطي من رحمة ربك
وربي يرزقك بالزوج الصالح يارب

يا الله !!
بداية ً صباح الخير
لا من جد صديقتك ذي غريبة ليه كذا ؟!!
الحمد لله والشكر ماهي اول وحدة تتزوج ليه فرحانة لهالدرجة
ترى مو كل الحياة حب والا زواج
مو معناته اذا ماتزوجتي انك مو سعيدة بحياتك
وليش كل هالتعب يا تعب ليش معطيه الامور اكبر من حجمها
والله محد يستاهل انك تتضايقين عشانه والا تقطعين عمرك وتكرهين حياتك ومدري ايش ..
صح ان بعض المواضيع مانتكلم فيها عند البنات اللي مو متزوجات لكن ما ننبذهم كذا
يمكن هي لانها كانت ميتة على ماتتزوج تحسب كل الناس مثلها
نصيبك راح يجيك ياعسل لا تستعجلين
واذا ربي ماكتب لك ف اعرفي ان فيه خيرة لك في النهاية
تقربي من ربك و ادعي واستغفري وعيشي حياتك
والله مايستاهلون تكدرين خاطرك عشانهم
واسأل الله انه يرزقك الزوج الطيب الصالح الحنون ويهنيك معاه ويرزقكم الذرية الصالحة
عاجلا غير اجل

احمدي ربك انتي لسى ماتزوجتي مو مطلقه ولاارمله الوحده تخاف على زوجها منك بالعكس اتمنى لو اني مو مطلقه علشان مااحد يرمي علي كلام ولايستفزني ولاكل وحده تدور لي شايب ولاعريس حتى لو فيه عيوب اهم شي تتخلص من مطلقه تقرب لها احمدي ربك هذا نصيبك واحنا نحمد ربنا هذا نصيبنا ولاتزعلين ولاشي رزقك ونصيبك ماراح ياخذه الاانتي وعيشي شبابك الدنيا رايحه

قولي الحمد لله
فكري في مساؤي الزواج وانتي تكرهينه ههه

ياقلبي إنتي شكلك صغيره وبعدين حتى لوكنتي كبيره طنشي ولاتشيلين
في خاطرك ياما صارت لنا مواقف زي كذا مالنا إلا الصبر والدعاء
الله يوفقك و يرزقك بالي تتمنيه

ياحبيبتي لا تزعلي نفسك عيشي يومك وخلي بكره على ربك
اما صحباتك معليش مو صحبات تفكيرهم سطحي واغبياء تافهين
لما تتكلم عليك كذا اشكميها وقوليلها الله واكبر مين اللي كانت بتموت عالزواج ,, عالاقل انا ما جيت اشتكيلك واضحكي ضحكه بثقه خليها تنقهر
وقوليلهم الحمدلله الحب مالي حياتي حبي لنفسي وحب اهلي والناس اللي حواليا ,, مساكين ياللي حاطين الرجال محور الحياه
مو مهم اني اتزوج الاهم اتزوج انسان صالح ويسعدني يهنيني مو يجيب لي القرف فحياتي ولا خليني كذا احسن لي
لحد يهز ثقتك بنفسك ابدا
وغير عن كذا قوليلهم الحمدلله انا مو ميته عالزواج زيكم متى ماربي كتب لي نصيبي يجيني انا مرتاحه الحمدلله ومبسوطه
وكل انسان بياخذ اللي الله كاتبه له فالوقت الانسب له
ولا تزعلى نفسك ياقمر علشان كم كلمه جات من ناس سخيفه
تعالي عندي روقي وفكيها عندي شكولاتات ولا تزعلي نفسك

والله ياتعب أنك نفس وضعي
انا ماعندي مشكلة لو ماتزوجت أصلاً بيني وبينك أكره اتزوج الحين ولعلمك عمري 23 سنة توني صغيرة لسا قدامي العمر
من بديت تدريب احنا 5 بنات وفيه وحده من القروب هي اصغرنا وهي الوحيدة المتزوجة ووحده متملكة وانا ووحده لسا بنات وكلنا كنا نشتغل وكانت تقول دايم أنا متزوجة أنتم ماتحسون بالكرف مثلي في الشغل وفي البيت يعني كانت حاسدتنا
المهم صديقتي اللي كانت مثلي غير متزوجة تملكت
وصارت هالمتزوجة تحسسني أني أقل منهم
لما تبي تتكلم في مواضيع الزوجية بينها وبين زوجها يعني حرام مواضيع الفراش تقول حلاوه لاتسمع توها مانبي نخربها
والمشكلة كل الكلام اللي تقوله أسكتها واقول تراني عارفه لاتظنيني جاهلة وانا اللي صرت افهمها لدرجة مره شان
وجهها تقول وش عرفك قلت أنا مو جاهلة أقرأ وأتعلم ولاني مره كنت مشرفة في منتدى الحياة الزوجية بأحد المواقع صرت
أقرأ في المواضيع قبل انقلها وأشيك ع المواضيع اللي ماتناسب مضمونها الموقع
المهم سكتت وماعاد تعايرني
صديقاتي المتملكات وحده من أول ماتملكت بعدها بكم يوم طلبو زوجها من ضمن الجنود اللي يحاربون الحوثيين وتأجل زواجها
لين مايرجع زوجها وماكانت تدري متى يرجع
والثانية ظروف زوجها ماتسمح له يتزوج الحين
ودايم تسألني أنتي ماانخطبتي أقولها لا لسا أصلاً حتى لو أنخطبت ماراح اوافق ماابي اتزوج الحين
المهم صارت تقول بكل مزحه شكل حلاوه حاسدتكم وموقفتكم مع أني كنت أطيب البنات معها في التعامل والثانيات دايم
يهزئونها ويسكتونها ويحشوون بزوجها ويفشلونها وانا ادافع عنها
بس من بعد كلامها وتجريحها لي صرت انبسط على كلام صديقاتي لها احسهم يبردون كبدي فيها
وصراحة أنا مثلك كنت أحس بالنقص واتمنى اتزوج اي واحد بس افتك من لسان هالمغثه بس الحمدالله تخرجت وافتكيت منها
لاني صراحة احس لسا بدري علي اتزوج ماابي اتزوج لين أكون نفسي وأحس أني بالفعل قادرة على المسئولية وغير كذا
أبي انبسط بشبابي لاحقة على الازعاج والشقى
وانبسطي ووقفيها عند حدها لاتكلمت عليك قولي ماني مثلك مشفوحه ع الزواج نسينا يوم كنا نبكي قوليها لها مره قدام البنات والله من بعدها اتحدى تغلط عليك او تفكر تقولك كلمة لو مجرد مزح
وأنتي مو بعد هالكلام تطنشيها بالعكس سولفي معها وناقشيها عادي خليها تحس أنها غلطت عليك وأنو أنتي سكتي سكتي ليما انفجرتي
والله يرزقك ويرزقني بالزوج الصالح وكل بنات المسلمين أجمعين

روزينال
يختي وشذا البنات يحبون يجرحون ولا فيه احترام لمشاعر الغير
الي يقهرني ان صديقتي ذي كانت تعاني قبل لاتتزوج بان حريم اخوانها يهزئونها لانها كبيره وماتزوجت
والي كانوا حريم اخوانها يقولونه لها تقوله لي
اني انصدم من كلامها الي تقوله لي تقريبا نفس كلام حريم اخوانها عنها استغفر الله يااربي لاتبلانا بعقل بايخ
ياحبيلك والله ياحلاوه وردك مثلك كله حلاوه
الله يرزقنا بحياة سعيده هنيه مليئه بالمحبه والموده
ويرزقنا ازواج صالحين نقيين تقين نكون بعيونهم مثل ملكات الجمال
اذا شافونا انهبلوا
ياارب تسعد حياة كل وحده ردت علي وربي لايوريها يوم اسود بحياتها ياحي ياقيوم

صباح الخير.قرات رسالتك ودعيت لك من كل قلبي بان يرزقك رب العالمين بالزوج الصالح قريبا انه غلى كل شي قدير ولا تزعلي نفسك من كلام صحباتك .وخليك واتقة من نفسك وانه ان شالله الله ربنا كلتبلك حياة كريمة بس لسة ما ان الاوان انت لسة صغيرة .والله تلاقيهم هم اللي بيناظرولك لحياتك.لو اطلغ احدكم على الغيب ل اختار الواقع . ان شالله قريبا بتكونين احلى عروس