انتي ميح بالمكياج طيب تعالي

صباح الخير
لاحلى فراشات
صراحة اصادف كثير بنات يقولون حنا ميح بالمكياج ولاندبرة
ليش؟؟؟؟؟؟
اذا انتي ماتعلمتي !!!من يتعلم والا اذا جت مناسبة رحتي تفرفرين تدورين كوافيرة
وماتدرين تزبط اولا
ليش البهذلة كلها والمكياج سهل بس عطوة وجة شوي
راح ابد معكم بالضروريات اللي لازم تكون عندكم
مرطب للبشرة من لوريال اللي هو ميلك تحطينة قبل الاساس لانة يرطب ويحمي البشرة من الاساس
الاساس لازم يكون عندك اثنين واحد ثقيل خاص لسهرات والثاني خفيف لطلعات العادية
اساس السهرات افضل الديرما كول لابديل لة بس طريقة وضعة يبي لها شرح طويل لاكن اوعدكم
بموضوع ثاني خاص فية
اما اساس الطلعات افضل فور ايفر اوماكس فكتر
والبودرة المضغوطة من لانكوم كثير حلوة
والااي لاينر من لانكوم يوجد في مي اللي بوشيقر ب60ريال بس وفي وجوة 110وكلها الاصلية بس علشان المجمع
يصير اغلى
والماسكرامن لانكوم ايضا
بالنسبة للشدو الاسود الخطير بس تلقونة عند فور ايفر ب60 ريال بس جنان مثل حق اليسا
اما الفرش انا افضل سموش بكس بس شوي غالية بس سمعت ان فرش مكياجي سعرهاحلو وهي ممتازة
ترا أهم شي الفرش لاتحسبونها انها مش مهمة ضرورية
منها ترسمين الاايلاينر ومنها توزعين الشدو وتدمجينها
اما لشدو كثير تعجبني من سموش بوكس وماك وكمان المخملي اللي يبيعونة مندوبات بالنت
والكحل اللي جو العين احسن جودة وثبات بيرفكت وسمايلنج
وخذي كحل جو العين زيتي وكحلي وفيروزي وافضلها من بيرفكت
اما الارواج والمحددات بالنسبة لي مو شرط ماركة غالية
يعني اخذ الارواج من 20 ألي 25 وحلوة مرة
اما بالنسبة للاضاءة من فور ايفر ب60 ريال
وبنفس الميلك اللي تحطينة قبل الاساس برضوة تزيلين المكياج بة
هاذي اساسيات وضروريات كل وحدة نفسها تتعلم
واوعدكم المرة الجاية اشرح لكم طريقة الديرماكول
واشرح لكم طريقة وضع الشدو