انخطبت وتعلقت لاايه ولا التفاصيل بالداخل

1. ملاحظه لجميع الاخوات :

بسم الله الرحمن الرحيم
اتمنى التفاعل من فراشاتي الغاليات
مدري من وين ابتدي بمشكلتي يابنات والله ان حالي مثل حال اغلب الاخوات اللي بهالقسم وشفت التكاتف والمحبه اللي بينكم وقلت تشاركوني الراي ..
يابنات انا من اول ماانخطب ولا ازيد على كلام البنات اللي يقولون حلوه ومو شينه واخلاق نفس حالهم تماما وعارفه انه هذا نصيب بس على مايقولون الواحد يتمنى ويحلم انه يكون مرتبط عشان يكمل باقي مشواره بهالحياه مع شريك حياته اللي اختاره
المهم جا يوم من الايام وجا معه الفرج وانخطبت على حسب طلبات اهلي الا وهي وقبل كل شي هالنسب اللي اذبحنا عليه
واللي يسمع يقول انا منزله من السماء ملاك المهم وبعد فتره قالوا لي اهلي عن الموضوع وقلت لهم اني موافقه بعد مادرست الموضوع زين وجاوا الاهل وشافوني وشافني الولد وتمت الامور على خير
والله العظيم يابنات اني ماكذبت عليكم اخطبوني من قبل فترة الاختبارات والى يومكم هذا ينتظرون من اهلي رد بالموافقه
يعني السالفه خذت شهور وماعليه حلو الواحد يكون متروي بهالامور وماياخذها باستعجال بس السالفه طولت يعني انا قلت لاهلي اذا ماتبون الولد خلاص قولوا لاهله مافي نصيب بس لاتلعبون بخلق الله تخيلوا قالوا ايش قالوا شكله مايناسبك ولا يتوافق معك ليه ؟ قالوا انتي احلى منه والحمد لله هذا خلقة رب العالمين وعلى فكره انا الولد ماشفته زين بصراحه يوم الشوفه لاني ككنت مستحيه والولد مافيه عيب ولا شي بس بنظرهم انه مانتوافق يعني فكرت وفكرت وقلت خلاص ابيه الشكل مايدوم يابنات ماتدوم الا الاخلاق هي اللي بتعيش مع الواحد الين ماينحط بقبره
وابو الولد كل شوي يدق على ابوي وقوله ها وش قررتوا وابوي يطنشه ولايرد عليه واحيانا حتى الجوال يقفله والى يومكم ماصار شي علقوني انا وهالولد وخايفه انهم شالوا الفكره من بالهم وبصراحه كثر الله خيرهم الناس ماقصروا واصبروا الين قالوا امين بس عاد لاحياة لمن تنادي ونفسيتي تعبت والله مو عارفه الامور بتاخذ مجراها ولا ان كل واحد خلاص بيروح في طريقه
ودايم اقول واكرر واعيد يارب لو كان لي فيه خير قربه مني ويسر لنا الامور وان فيه شر اصرفه عني وعوضنا بخير منه يارب
لاتنسوني من صالح دعائكم يابنات مثلي مثلكم متضايقه حيل والله
والله يرزق جميع البنات وفعلا الفرحه ماتنوصف والشعور مره حلو وان شاء الله كل البنات يتزوجون ونفرح فيهم يارب

ملاحظه لجميع الاخوات :

بعضهم يقولون الزواج والزواج ولاتستعجلون ومدري وشو مو معناته اذا الوحده مرت بتجربه مره تعممها على غيرها ومافي شي يبقى على حاله دوام الحال من المحال يعني كل وحده وله تجربتها بالحياه لاتحاول تتعمها على كل البشريه ههه
وبعدين مو عيب ولا حرام ان البنت تتمنى ان ربي يجمعها بزوج يخاف الله ويتقيه بالعكس هذا شرع الله ونص الدين
تخيلي انك ام وبنتك حالها مثل حال هالبنات بذمتك ماتتمنين انها تكون سعيده ومبسوطه وانها شافت حياتها بالحلال احسن من ان هالشي يوديها لطريق الحرام
وفي الاخير اقول ان كل شي قسمه ونصيب وربي يكتب لنا الخير وين مكان ويعوضنا بخير يارب وبهالشهر الكريم الله يوفق الجميع ويرزقهم بالزوج الصالح والف مبروك مقدما لكل الغوالي