انصحوني انصحوني الحقوا علي كلكم المطلقات والمتاخرات ابي مشورتكم

الأميينه

11-07-2022 - 04:40 am

السلام عليكم
انا كرهت المطلقين من كثير ما اشوف في هالقسم خواتي المطلقات وظلم ازواجهم حسبي الله عليهم وكيف طلقوهم
وانا تقدملي شاب مطلق عمره 26 سنه الرجال مافيه عيب واهلي سئلوا عنه
بس خايفه خايفه
هو ماعنده اولاد وانا عمري 22
وابوي موافق وعاجبه الرجال واهله
بس امي رافضه وكل يوم تخوفني
تقول انتي بنت وبكر وحلوه وصغيره ليه تقردين حظك مع واحد مطلق وسبق له الزواج وما تدرين عنه
مهما سئل ابوك ما يقدر يدخل جوا بيته
وامي بتعقد الامر
طلبت من اهله رقم طليقته تسألهاوسبب طلاقهم واشياء
شرايكم يابنات
انا من جواتى خايفه شوى امى مهيبتني
وابوى يمدحه
وامي تقول الناس شيقولون بنت وتاخذ مطلق صح ماعنده اولاد بس وش الي حادك تاخذين مطلق
تكفون قولولي شسوي

التعليقات (9)

~ّ~ روح فيصل ~ّ~

11-07-2022 - 07:55 am

استخيري الله
و مو معناته مطلق معناته العيب منه لا ممكن انفصلو لانهم ما اتفقو او ما قدرو يحبو بعض
صحيح انك صغيرة و انا من الناس اللي احسها شوية صعبة انه بكر و صغيرة تاخد واحد مطلق
بس اولا و اخيرا كله قسمة و نصيب و ربي وحده اعلم فين الخير
استخيري يا قلبي مرة و اثنين و عشرة و ان كان لك فيه خير هتاخديه و ان كان لا ربي يصرفه عنك

الأميينه

11-07-2022 - 08:56 am

~ّ~ روح فيصل ~ّ~
خوفتينى زياده هذا انتى اجل قرايبنا شيقولون

wafa3000

11-07-2022 - 09:57 am

استخيري الله الخيرة في ما اختاره الله لك

SmallGhala

11-07-2022 - 10:58 am

اختي اولا واخيرا استخيري
ثانيا وش فيها واذا صار مطلق يمكن لاهو ولاطليقته فيهم عيب يمكن بس ماتوافقو
وانا اعرف بنات كثير تزوجو رجال مطلقين وعايشين حياتهم زي العسل فلاتخافين من كلام الناس
الله يوفقك اختي ويكتبلك اللي فيه الخير

لبيه عطره وشماغه

11-07-2022 - 11:59 am

والله ياحبيبتي .. موبيدنا شي ..
اللي عليج استخيري .. والخيره فيما اختاره لج الله ..
لا تفكريم بكلام امج وابوج ..
استخيري .. واذا خير لج ربج راح ييسر لج اموور زواجج كلها ..
واذا شر لج ربج راح يصرفه لج ..
والله يوفقج ويسعدج ياارب

مس مرجوجه

11-07-2022 - 01:00 pm

بنت خالتي عمرها 18 سنه وخذت مطلق وعن رضاها وهذي هي عايشه عادي بس تقول انها كل ما تفكر انه كان مع وحده ثانيه تنقهر بس ومع كذا ترى بقولك كلام الناس ما يرحم الكل قالو ليش صغيره وتاخذ مطلق بس ترى هو يكبرها 15 سنه بعد بس صراحه الناس تكلمو كثير عنهاا بس هي كانت راضيه فما همها كلامهم ..انت استخيري مره ومليون مره وقرري وانتبهي لا تستعجلين ولا تاخذين قررك على الا وانتي مفكره مليون مره ولا توافقين على شانه عاجب ابوك ولا عاجب امك لا اذ عاجبك فكري انتي بنفسك وفكري بحياتك معه موفقه حبي

ملوكة السعودية

11-07-2022 - 02:01 pm

كلام امك صحيح
انتي بكر والاحسن تاخذين واحد تكونين انتي اول فرحته
على العموم استخيري وربي يسهل امورك ويكتب لك اللي فيه الخير

الأميينه

11-07-2022 - 03:02 pm

مس مرجوجه
ربي يسلمك

الأميينه

11-07-2022 - 04:03 pm

ملوكة السعودية
الاغلب يعارض

بنات اللي مسجلات بالضمان هل المعلومه هذي صحيحه نيوهورايزن والمدارس الاهليه متجدد←
اخواتي الله يسعدكم ادعوا لي إني ربي يرزقني بالزوج الصالح قبل رمضان والله إننا في هم→