انواع من صوص السينابون

السلام عليكم ورحمة الله وبركاته
جبتلكم ياحلوات انوع من طرق صوص السينابون المختلفة ان شاءالله تعجبكم ... اخلط حليب نستله و4 حبات كيري بالخلاط .
توفي و سكر اذا ذاب احط كريمة خفق واضيف له كاجو وجوز بكيان ومرة لذيذ
اخلط حليب نستله و4 حبات كيري بالخلاط وازينه بصوص شوكولاته هرشي او امريكانا
احط شوي زبدة وبعد مايذوب اضيف سكر واخلية يذوب ايضا وبعد كذا احط ملعقة قشطة واحركهم شوي مع بعض
واجيب شوي دارسين وبودرة كاكاو اي نوع وسكر ناعم مطحون واخلطهم مع بعض ..
وطبعا يكون كل هذا علي النار مااطفيها بس تكون هادية وبعد الخلط اضيف حليب سائل معاهم مقدار كوب واخلية يطبخ شوي لين يثخن الصوص
وصبيه علي السينبون وفوقه نستلة محلي وشوفي الروعة....
نصف كاس شيرة البانكيك+ربع كاس سكر +ملعقتين كبيرة زبدة+
ملعقة صغيرة قرفة ===>> تخلط جميع المقادير على النار .
صوص مره حلو:
علبه حليب نستله
اربع قطع جبن كيري
ملعقه صغيره شكولاته بودره
ملعقه قرفه صغيره
ملعقه نسكافيه صغيره
3 ملاعق عين الجمل مجروش صغيره
ملعقه زبده كبيره
ملعقه قشطه

• * ***

الطريقه
تذوبين الزبده وتحمسين معها عين الجمل وتحطين ملعقه قشطه
بعد كذا تخلطين جميع المقادير وصبيها فوقها
واذ صفتيها بصينيه حطي عليها شوي شكولاته هيرشي
زبده وبعد ماتذوب اضيف لها سكر عادي + اسمر وبعد التقليب المستمر اضيف لها قشطه وشوي حليب وملعقة جبن سائل
وبعد ما يمزج الجميع اصبه على السينبون وهو حار وارش شوية قرفه وكاكاو ..
جبنة فيلادلفيا وسكر وفانيليا وشوي زبده سايحه تقريبا ملعقه
وبس تصب فوقه..
فنجالين سكر على علبه حليب ابو قوس او بوني او اي نوع واتركهم على النار مع التحريك لحد مايثقل شوي اطفي النار واضيفله ثلاث ملاعق من شيره البان كيك..
اخلط جبنه فيلادلفيا مع حليب نستله المحلى ,,,, او سكر بودر مع حليب سائل
حليب نستله +كيري +دريم ويب +قشطه +حليب سايل
في الخلاط حق الكيك
احط زبده وشوكولاته بودره ونص علبة نستله وسكر بني وقرفه وعلى النار شوي
بعدين اصبهم على السينابون..وبعدين اصب باقي النستله عشان يعطينا لونين الصوص ..واخليه لين يتشرب
وعند التقديم احيانا اصب شوي هيرشي وازينه بعين الجمل...
يطلع خيال تاكلون بدون شعور..
توفي يصب على السينبون ويغطى تغطيه كامله ثم فوقه نصب عليه نستله واخر شي هيرشي ..
مقادير التوفي:
علبة قشطه + 2 فنجان سكر خشن
اذوب السكر على النار تكون هاديه واحركه والقشطه تكون دافيه بعدين احطها ملعقه ملعقه لين تخلص طبعا اذا حطيت القشطه ارجعها على نار هاديه مره
طبعا راح يصير فيها تلكعات انتوا حركوا لين تذوب ... وبالعافيه.....
والي ماتعرف عجينة السينابون جبتلكم عجينتين:
(1)مقادير العجينة:
3كاسات وربع دقيق
4ملاعق حليب بودره
فنجان سكر
فنجان زيت
ملعقه كبيره خميره فوريه
ملعقه صغيره ملح
ملعقه كبيره بكنج باودر
مويه دافيه للعجن

• اول شي حطي المواد الجافه بزبديه واخلطيها بالملعقه بعدين اضيفي السوائل اللي هي الزيت والماء لازم يكون دافي وتضيفينه على شوي شوي

وتعجنين وتستمرين بالعجن الين ماتشوفين العجينه ماتلزق في حواف الزبديه وتصير متماسكه ببعض
تتركينها تتخمر ساعه كامله.ولما ترجعين لها تشوفينها حجمها متضاعف وبما ان الجو بارد وانتي تعجنين شغلي الفرن
ولما تخلصين عجن حطيها جوا الفرن وسكريه وطبعا تقفلين النار عشان العجينه تتخمر ....
(2)مقادير عجينة تجنن للسينبون والفطائر وكل شيء:
3كاسات وربع دقيق-4ملاعق حليب بودره-فنجان زيت-فنجان سكر-ملعقه كبيره خميره-ملعقه صغيره ملح-ملعقه كبيره بكنج بودر
وماء دافي للعجن
واتبعوا طريقة العجن الي دايم.. منقول لاحلى فراشات
والف عافية عليكم