اهو سعودي وانا اماراتيه جمعتنا سنوات انهتها عبارات

مراحب
خواتي بدخل بصلب الموضوع عطول وايد قرأت مشاكل وترددت بطرح مشكلتي
بس بعدين قررت وانا اعرف اني بلقى ردود مب زينه وادري كثير بيستنكرون الي بكتبه
انا تزوجت وانا وايد صغيره عمري كان 15 والله اراد اتزوج ريال مريض معقد عانا في طفولته
واعتقد انه تعرض لتحرش جنسي واهو صغير رجال مدمن على العاده السريه وللاسف مايقدر يعطيني حقي الشرعي
ويفضل العاده السريه وينام وياي بس عشان احمل لنه يبي عيال وبعد الحمل خلاص مايعرفني
الموهيم عشت معاه سنين عمري بأهنات ومشاكل وضرب وشرطه ومحاكم ولما يحس انه بيفقدني يرد يتعدل فتره
وبعدين يرد لحالته تحملته وايد وصبرت وايد وحاولت اني اعتمد على نفسي واكملت دراسه واشتغلت واصرف على نفسي واستقليت عنه ماديا وحسيت نفسي قويه وعيالي كبروا وعندي 3 اطفال وعمري الحين 27
بعد طفلي الثاني تعرفت على عالم النت وكنت اصول واجول سجلت بمنتديات دخلت تشات تكلمت سولفت مع رجال وحريم وسهرت حاولت اعوض نفسي بس بعدين شفت ان كل هذا خرابيط وكلام فاضي بعدها اشتركت بمنتدى
سعودي كان وقتها من اكبر المنتديات شهره اثبت نفسي بالمشاركه ومواضيع مميزه وكان يوجد فيه قسم سياسي
كان يجذب الاشخاص الناضجين لهذا المنتدى وكنت من متابعين هذا القسم بصمت وانا اشرف على قسم ثاني
لفت نظري كلامه اسلوبه جرأته جديته رجولته تنطق من الحروف الي يكتبها واستمريت اتابع بصمت وكنت دايم ادعمه اهو الي وياه ارد مواضيعهم اذا انحذفت اايد اراهئم السياسيه لانها تقريبا نفس ارائي
وجا اليوم اي اغلق القسم السياسي بسبب المشاكل الي تسبب فيه ومن بعدها بطل حد يدخل منهم اهو واصحابه
وانا مليت من المنتدى حسيته تافه ومايبون غير اللعب والخرابيط وخففت دخولي فيه وتنازلت عن اشرافي وفي يوم دخلت بالصدفه ولقيته مطرش لي مسج يدعوني لمنتدى خاص فيهم استغربت اني يذكرني واني لفت نظره
استجبت لدعوتهم بس كنت مادخل كثير ومب مستمره كتب ايميله والغريبه اني اضفته عندي وماقد سويتها من قبل ودايم حريصه وماضيف رجال ، كنا نتكلم بين الحين والاخر وتمر الايام والشهور واندمجت وياهم بمنتداهم كانت اسرت المنتددى بسيطه وصغيره وعشت اروع اللحظات وجا اليوم الي تسكر المنتدى لأسباب ماديه وصرت ما اشوفه كثير على حسب الصدف وانا كنت مشغوله بمشاكلي وحياتي وحملت وجبت الطفل الثالث وكنت وقتها ادرس وكنت اتعرض لمشاكل من استاذي في الكليه كنت احسه يكرهني وكنت امر بتجارب غريبه اول مره اعيشها
بنات حاقدات فتن قيل وقال وكنت ابي افضفض لشخص حكيم تذكرته وصرت كل يوم ادخل المسن واحكي له ويسمعني ويحكيلي واسمعه صار يعرف تفاصيل حياتي واعرف تفاصيل حياته اعرف عياله واحد واحد ويعرف عيالى نضحك نسولف عن كل شي بالحياة كانت لحضات وليالي جدا ممتعه مرت اكثر من سبع سنوات وانا اعرفه
اذا طلب من خدمه البيها له من غير تردد واهو نفس الشي كان رجل بكل معنى الكلمه واهو فعلا كذي شهم ومحترم
وطيب وحنون تعلقت فيه حبيت فكرة انه يكون لي صديق رجل لان الحريم حاقدات على بعضهم ولأنه ريال واعي وعاقل ويحب حرمته ويطريها بكل خير مع الا يام واستمرينا عل هالحال مرات تلتقي بشكل يومي ومرات تمر شهور مانكلم بعض وفي الفتره الاخيره حسيته يتكلم بالامور الجنسيه كثير نبهته ان هذا شي مرفوض واني مابي صداقتنا تتعدى حدودها اعتذر وبعدها رد واكثر خلافاتنا بسبب هالشي انا الصراحه اخاف على نفسي وماكذب عليكم اني اقز هالسوالف وتلوع جبدي مابي اطريها مع ريال غريب وتنزاعل ونتصالح وعلى هالحال داخليا تعلقت فيه لدرجة الجنون بس مابين له دايم اسوي حدود بس انا عارفه من البدايه ان الغلط غلط بس انا مالي حد قريب ولا اثق بالحريم ودايم وحيده وريلي الله المستعان عليه .. هالشخص الي اتكلم عنه في رمضان هذا عطاني رقمه سبق وعطاني اياه في الماضي بس ما اخذته بس بعد عشرت هالسنوات امنت له وايد واهو فعلا قد الثقه
بس الي زعلني اني حسيت ان ظرته لي تغيرت بعد ما اخذت الرقم رغم انا ماتكلمنا بس مسجات ولا اهو جرب يكلمني ولا انا بس حسيته وايد يتكلم بالكلام الجنسي يعني تلميحات وانا اتجاهله وما ارد واهو يغير السالفه وصاير مايدخل المسن كثير وانا وايد تعلقت احب احكي له يومياتي كل يوم اهو ريال دوم منشغل بعياله ودوامه ومشاريعه
وحياته وانا كنت احترم هالشي بس بعد العيد الي طاف في ليله من ليالي العيد قال كلمه ماعجبتني قلت له غير السالفه والا بتسمع مني كلام مايعجبك قام عصب وزعل وقال خلاص نفترق اصحاب احسن ولا كل يومين زعله
وانا بحذفج من عندي وطلع من المسن وانا مب مصدقه اهو يعرف اني ماحب ياتعدى حدوده وياي ومتفقين على هالشي شو الي صار طرشت له مسج عالموبايال رد برد قاسي صدمني وفطر قلبي قال انسي هالرقم وانسيني ولا عاد تفتحي هالباب طرشت له مسج فيه في لطافه مستحيل انت كذي اكيد ماتهون عليك عشرة السنوات رد وقال لا هذيج فتره وعدت وانسيها
ياخواتي والله من هذاك اليوم ليومكم هذا وانا فيني غصه حسيت بالم ومراره معقوله كنت عميا طول هالسنوات ارد اقول لا مستحيل اهو ريال كفوا بس يمكن انا قسيت عليه انا وايد عنيفه عند الشغالات الي ماحبها انتوا بتقولوا طيب شو هي المشكله ياخواتي انه ترك بقلبي فراغ كبير ورديت لوحدتي والمي وان نفسي عزت علي من كلامه
وزعلانه عشان فقدت شخص واعي ومثقف واحساسي يقولي انه مستحيل ينساني طول العمر وقبل لا نختلف طلب مني تذكار يحمله وياه بأسفاره وافعلا شريت له طلبه وطرشته للسعوديه الي استغرب له ان طول هالسنوات مرت عاديه ومحد متأذي وانا مابي شي منه غير الصداقه لا غير وحتى مابي الصداقه تتعدى حدود النت ابي حد يشاركني خصوصياتي وافراحي واتراحي كنت كل يوم اقوم الصبح اذكره واذكر سواليفه وضحكنا انا عارفه انه بحكم انه ريال اكيد غريزته تغلب عليه شي غصب عنه عشان كذي ساعات اعذره لا تمادى بالرمسه بس
كيف هانت عليه هالسنوات وهنت عليه كل كلامه كذب بكذب طيب ليش صبر كل هالسنين علي اذا شايفني ثقيله دم ومامني فايده ليش تحملني ليش واذا كان صادق وياي كيف المشاعر تتغير بهالسهوله ولا كان يدور حجه يفتك فيها مني يعني نفس ماقالوا لي اهل الحكمه انه كان يضيع وقته وياي ويتسلى ومايبي يأذيني لانه يخاف ربه بس هو مب خسران شي ولما شاف انا هالعلاقه تقلب نكد ومشاكل قال اقطعها احسن وراح وتركني ولا سأل في كان صار قاسي بهالشكل كل الي خاطري الحين اني اكلمه مره اخيره وافهم شو الي صاير افهم نظرته حتى لو كانت قاسيه وبعدين كلن يروح بحاله بس افهم ما يخليني كذي وساعات اقول هذه خيره من رب العالمين نبتعد قبل لا تتعمق السالفه وماقدر اطلع منها وفعلا احس بأرتياح داخلي بس الفراغ بيقلتني مكانته كانت كبيره بقللبي واخيرا اكتشفت اني حبيته حبيت كل شي فيه اطالع صورته واصيح كنت متأمله نضل اصدقا الين نصير شياب كنت هبلا والضاهر اني بعدني للحين ماكذب عليكم اتمنى يصالحني بس انا مستحيل اكلمه كرامتي ما تسمح وحذفت رقمه من عندي بس كل يوم اتمنى افتح المسن والقاه مطرش لي شي ومب راضيه اقتنع ان علاقتنا خلاص انتهت لما اطلع المول اوشوف سعوديين بدبي اتذكره قناة السعوديه تذكرني فيه ومحمد عبده يذكرني فيه لانه يعشق اغانيه
بنات الله يخليكم خبروني شو اسوي بعمري قلبي يعورني ابي انسى مابي احس هالالم الم اني فقدت شخص مكانته كبيره ابي اقتنع ان هالشي غلط ابي التفت لحياتي ابي اثبات انه كان يتسلى فيني ابي احس اني مب غلطانه بحقه