اوعى تقولى لجوزك الحاجات دى ابدا

كتير مننا بيتعملوا مع ازواجهم بطريقه عفويه
بس ساعات الطريقه العفويه اللى مفيهاش اى تحفظات بتجيب نتيجه عكسيه خالص
مثلا
بلاش تجيبى سيره النساء قدامه ...حتى لو كان شتم وسب .. لان الرجل يفهم غير اللى انتى فاهماه ..
لو قلتِ فلانه بتتكلم كتير هيفهم أنها خفيفةالدم .ونغشه وفرفوشه مش نكديه
لو قلتِ زوج فلانة بيصرف عليها ..هيقول أكيد فيها شيء جميل تستحق .المصاريف دى كلها
فلانه مرتبها كبير
يعنى هى كدا احسن منك وتساعد جوزها فى مصاريف البيت والاولاد
عموما الرجل في رأسه مركز خاص لبرمجة ما يسمع من وصف عن النساء فيتخيله كأنه يراها ...
لذلك خدى بالك -- من أن تصف المرأة المرأة أمام زوجها مثلا فلانه بيضاء وشعرها طويل ورجلايها ملفوفه وعنيها ملونه .....يا لهوى ايه اللى انتى بقوليه ده ؟؟
كده هو هيقارن بينها وبينك وهيحس انها اجمل منك
إذا رحتى عند صديقتك او جارتك او اى حد مفيش داعى تحكيله كل اللى كان فى القاعده دى من الامور النسائيه دا مش يخصه ابدا...
ومش كل حاجه تنتقضيها وتعلقى عليها .
وبلاش التشائم .والاحساس بالشر قدامه كده هيتعقد منك
والخوف من الحسد قلليله شويه علشان الحياه تمشى ..
ولو سمعتِ قصة وعجبتك اذكريها بدون ذكر مصدرها ....
لما تتكلمى اتكلمى عن نفسك ...وأولادك واقفلى بؤك عن الحديث عن الناس ومتجبيش سيره حد ..
امه
أمه ...اوعى تتكلمى عليها او تشتكى منها وانك بتكرهيها حتى لو كنتى بتكرهيها ...لا تلمحي ولا تصرحي بكده .....لأنه هيفهم انك جايه معلنه الحرب على امه واخواته وكل قرايبه
متمدحيش أي رجل ابدا قدام جوزك زى ...زوج أختي يسافر بهم للرحلات والمصايف او ...جارنا بيدى مراته فلوس اد كده ...فلان احسن منك واكرم واشجع منك
الكلمات دى توغر صدره عليك وتحسسه أنك مش واثقه فيه ومش شايفه بطولاته وانجازاته ...
اوعى تحتقرى شيء هو اشتراه ...أو شيء هوبيحبه .او تقوليله لو جاب حاجه وكانت فى نظرك حاجه تافه وملاهاش لازمه (يعنى جبت الديب من ديله )ايه اللى انتى بتقوليه ده ؟؟؟
اشكريه وامدحيه ومجًدى فيه بلاش الاحبطاط دى
كمان أصدقائه ...متكلميش عنهم وحش ..لأنك كده بتعيبى على اختياره ...
والأفضل متجبيش سيرتهم ابدا ...فإن كانوا وحشين ومدحتيهم أعجب بهم .
وإن كانوا كوييسين وسببتيهم هيكرهك أنتِ .
كمان : (انت بتحب النساء ...أنت بتبص عليهم ...أنت بتابعهم ...أنت مبسبساطى .
الكلمات بتكبر فى دماغه مع الوقت فيفعلها مستقبلا ويؤمن بها
وإذا حبتى مدحه أمدحي شكله وذاته وقولي ...أنت اجتماعي ...أنت جذاب.
أنت مهندم ...تعجبني طريقتك في لبس الساعة ...النظارة .
.
امدحيه في الأشياء اللى انتى عايزاها فيه
أنت منظم .. انتى حنين مع أولادك وتعاملك معهم .لطيف ..
أنت كريم ...وذوقك راقي ..أنت بتحب أولادك اكتر من اى حد ...
عوديه وبرمجيه على حب أولاده ...
وخدى بالك أن تقولي فلانة قليلة أدب معجبة بك ...هتلاقيه بعد فتره يتمنظر قدمها ...
أو فلانة متغاظه منك او بتكرهك ...لأنه سيحاول فعل شيء لكسب إعجابها ..
وحتى لو بتجيبى واحده تساعدك فى شغل البيت متقوليش قدامه انها ..مش كويسه و...إنها بتبص عليك .
..
الكلمات دى ختخليه ينتبه لها ..ويركز على أمور لا ينتبه لهاقبل كده
يعني بالعربي الفصيح اقفلى بؤك ...وركزي على لبسك ونفسك وتعاملك والكثير من النظرات الجذابة والابتسامات اللى تحمل البراءة أحيانا والإغراء أحيانا ..
الدرس الجديد اللى لازم تتعلميه هنا ...هو
الصبر والصبر والصبر .
عند التعامل مع الزوج .لازم ...تكوني طويله النفس...وتتحلي بالصمت وعدم اللامبالاة ...متتنرفزيش ....ومتصرخيش ..بلاش الصوت العالى ...خليكى هاديه .....
.مهما حدث بينك وبين زوجك متنميش خارج الغرفة ابدا... خليكى قريبة منه ...وجنبه ...حتى لو مكلمتيهوش...ولكن متخرجيش من اوضتك.
لما جوزك يعمل حاجة تنرفزك... و لما ميقدركيش...و لما يتطاول عليك ...اسحبي الامتيازات بس مش حقوقه الشرعيه الى انت ملزمة بيها
. يعنى مثلا إذا كنت بتعمليله مساج كنوع من الدلع فمتعمليش وتعذري بالتعب أو الارهاق بس مترفضيهوش بالسرير لو دعاك فده حق من حقوقه الشرعيه و واجب عليك انك تطيعيه فيه. ....عامليه بأسلوب المكافأة ...بس متقوليش له كده... عشان ميحقدش عليك ..وبس حسيسيه أنك مبتعمليش له اى من المميزات والترفيه والدلع لأنك حزينة أو مجروحة ...او تعبانة من المشكلة
عيشى حياتك واسعدى زوجك واولادك وكل المحيطين بيكى احنا بناخد السعاده من اسعادنا للاخرين
.