اول روايه من تأأليفي ابي حماس ودي ابكي لين مايبقى دموع

اول بار
--------------------------------------------------------------------------------
يالله نشي كل ذا نوم
عبير: ليه انتي حااقده علي قلت لج مابي
فاتن: اوكي براحتج مالي دخل فيج
عبير رجعت المفرش عليها
عبير: انزين قفلي الليت وراج والباب
فاتن: اف منج
حست عبير عمرها بتصيح .. حظي دايم شذي ايه ووين اودي بروحي ما عمري احد حس فيني حاولت تيود عمره ماتصيح لكن وين تتغلب والدموع هي الي تريحها
"" غريبة قصه الدمعة.. وهي ع جفون العين
تريح جفن باكيه وهي قمة أحزانه ""
نشت من النوم وحست ان راسها مصدع قامت تشوف جم الساعه
يؤؤؤ بدري الساعه 7 الصبح
مدت بوزها اقوم ولا لا
الا سمعت صوت بطنها ابتسمت وقالت يلاا مالنا غير ننزل
نزلت المطبخ فتحت الثلاجه واخذت لها بريد ويبن وكبت لها عصير بكووب
قامت تناظر بالعصير ورااح بالها لبعيد
كأنه حلم اوشريط فيديو ينعاد لها صوت ابوها وضحكه لها كانت دلوعه ابوها وايد
مااصدق باباتي كل يوم اشوفج بحياتي واشوف اشكثر حبج لي
الله يرحمج مسحت دمعه نزلت وماامدها تمسحها
الا زاغت ع صوت يدتها:
عبير: شنو فيج يدتي زيغتيني
اليده: حو انتي صار لي اناديج ساعه
عبير: ماعليش يدتي ماانتبهت لج
اليده: لا مو مشكله بس زهبي لي الفطور حدي يوعانه
عبير : إن شاء الله يدتي
قامت عبير تزهب القهوة وعاد اليده ماشاء الله عليها بس تهذر خ
اليده: شنو الي مقومنك من الصبح مو من عوايدج
عبير: امس نمت بدري واليوم نشيت بدري وماياني رقاد
قلت اشوف لي اكل اكله شنو وراي
اليده : انزين بنيتي ماخلصت القهوه
عبير ضحكت : وين يايدتي تخلص توني حطيتها
اليده:انزين قومي نشي اختج من رقادها شنو مقعدنها للحين نايمه
عبير وبخاطرها يعني لازم تدور ع شغله: يدتي الله يهداج وين أقعدها الحين تحيدنها مانامت إلا الفير
قاعدة ترمس حبيب القلب
اليده: الله يغربلك من بنت شو هاي ألرمسه البايخه
وقامت تبي تهزبها وتضربها بالعصا
عبير : ههه يدتي قصدي عادل شنو فيج محتشره
اليده وهي متاغيضه: أنزين روحي شوفي قهوتي
عبير: انزين الحين بهزبها
اعطت اليده القهوه وجلسوا في الصاله وقعدوا يسولفون
اخذت السوالف لين الساعه 11 كانت سوالف اليده تضحك وروعه
ام سلطان: عاشوا عاشوا شنو عند العيوز ناشه من الصبح ؟؟ تقصد عبير
عبير: اهلين اميه صبااح الخير
ام سلطان: أي صباح وانا تصبحت بويهج
نزلت عبير راسها حست نفسها واايد مختنقه
قامت من مكانها وطلعت الحوي
ام سلطاان: شنو فيكم زعلتوا ليه كلمه الحق تنقال
يدتها بانفعال : اشفيك ع البنيه تسوين فيها جذي
ام سلطان:ماقلت شي غلط بلاج محتشلاه علي جذي
خليها تولي دقايق وترضى
طلعت برى الحوي كان الجو ربيع ورهيب
جلست ع الكرسي وحطت راسه بين ايدايه وما وعت الا الدموع تنزل ع خدها
آآآآه ياربي ليش حياتي كذتي
جذي
ليه كتبت علي ياربي الشقا
حست بحراره دموعها ع خدها
وماامداها تتهنى بالقعده وحدها الا امها تناديها
ام سلطان: عبير والعمى
عبير: نعم امايه
ام سلطان: نعامه ان شاء الله ترفسج صار لي ساعه ازقرج
نشي وشيلي هالصحون اهل عمج بيتغدون عننا اليوم
عبير : امايه انزين وين سهى >> خادمتهم
ام سلطان : ياهي هالبنت اقولج قومي شيليهم تقولين سهى
سهى ماوعت من النوم
عبير والقهر بقلبها : ان شاء الله امايه
>>>>>>>>>>>>>>>
دخلت المطبخ ونظفت الصحون سوت
قهوه يديده وحلى
وكيك
عساب
اهل عمهم بيونهم شافت الساعه الاهي
12 يووه من متى اذنوا ماسمعتهم بنش اصلي خلصت وطلعت تاخذ شور وهي ماره بالصاله
رن التليفون
ردت
عبير : الو
.. : السلام عليكم
عبير: وعليكم السلام
..: اختي موجود سلطان.؟؟
عبير..: لا والله مو موجود طلع من الصبح
.. : ماخبركم وين طلع
عبير: لا والله بس تبينه نخبره بشي اذا وصل
..: لا خلاص
بس ممكن تعطيني رقم جواله
عبير:: ايه خذه ***************
..: مشكوره اختيه
عبير: العفو
وقلت السماعه
عبير: اوف يؤؤؤ استوى محقق
....: من هاي الي استوى محقق
زاغت عبير بسم الله من وين طالعه انتي
فاتن: ليه شنو شايفتني ينيه
عبير: يمكن ليه لا
فاتن:عبير يوزي عني ترى ماني فايجه لج
عبير: ماقلت شي غلط وانتي الي قلتي
وهي تقلده انا ينيه
فاتن: اقول يوزي يوزي عن طريقي ماني فايجه لج
ظهرت من عندها
عبير بخاطرها يوه فاتتني صلاه الظهر
قامت تركض ع الدري تبي تلحق الصلاه
دخلت الحمام وانتم بكرامه واخذت شور سريع
وطلعت يؤؤؤؤؤؤؤؤؤ الساعه وحده الاربع
صلت بخشوع وهي ساجده اخذت تدعي
ان الله يوفقها ويستر عليها
خلصت عبير من الصلاه
فاتن: بدري كان طولتي شوي
عبير: بسم الله انتي كل مااروح مكان انتي وراي
ومن سمح لج تدخلين بدون ماتدقين الباب
فاتن: اووف لاتبدين هذره انزلي ساعديني
عبير: فاتن رجاء انا سويت الي علي والباقي عليج انتي وسهى
فاتن: بلاج انتي ماتفهمين باقي بتلبس
عبير: وليه انا ع اسي ريشه مابتلبس يعني
فاتن ضحكت بصوت عالي
:: ولا قصدك عشان عااد
عبير تنرفزتمن طاريه
ويات حذاله واحتقرتها : لا ياسباله خليته لج
طلعت من الغرفه
وتبي تنش تركي من النوم
عبير: تركي نش صلاه فاتتج
تركي: يوزي عني مالي بأرض انش يوزي
عبير: يعني بتترك الصلاه
تركس: شنهو هالازعاج انزين خلااص بنش
نزلت تحت
حصلت سلطان يالس يقراء جريده
خبرته ان في واحد من ربعه اتصل
وانها اعطته رقمه
لاحظت ان ويه سلطان تغير
ومعقد حياته
وفجاءه وبصرااخليه تعطيني رقمي
عبير : بارتباك هو طلب مني رقمي وانا اعطيته
ومااقدرت اقول لا
سلطان بعصبيه واضحه: يعنو شنو كان افضل سولفتي وياه مو افضل
عبير: ماكنت اقصد شي وماارح تنعااد
سلطان : شنو آآسفه احد يطلب رقمي قولي مااعرفه
عبير والعبره خانقتها: ان شاء الله
سلطان بصراخ وعصبيه ماله حد: يلا فارجي الله يخسج من بنت
انحرجت عبير من تجمع اهله واخوانها والبشاكير على صراخ سلطان
وطلعت غرفتها ..
دفنت بوجهها بالخده وقامت تبكي وتشاهق
ليه ياربي شنو الي يخليني اعيش كذا
وبكت حتى نامت
&&&&&&&&&&&&&&&&&&&&&&&&
اووف تعبت وانا اكتب يالله ابي رايكم عشان اكمل

ماراح انتظر ردودكم
لاني واثقه
انها بتجي
بنات اعذروني في اخطاء املائيه واجد
بس عشان الكيبورد
وقاعده اكتب بسرعه يعني المعذره
*************************
الشخصيات القصه بتنعرف مع الروايه وكل فتره بتجي شخصيات جديده
خليكم متابعين::
*********************
سلطان اكبر اخوان عبير عمره 26
بالحيل صايع ومصاحب مروجي مخدارت وعصبي بالحيل
بعد مااستوت سالفه عبير
كان يالس بعصبيه ع الكنب
ويقراء الجريده
يلست يمه فاتن: زين سويت فيها جذي
طالعها سلطان ورد يكمل القراءه
فاتن: سلطانوه حبيبي
سلطان: هلا فتون
فاتن وهي تقرب حذاله: انا ومياده نبي نطلع بعد صلاه المغرب شنو رايك
سلطان باستغراب: انزين عاادي من متى منعتك
فاتن : لا بس حبيت اهديج اشوي بعد العصبيه
سلطان لوى عليها: فديتج والله كم عندي فتون بدنيا
بعد نصف ساعه
عمهم كان عندهم
ام بندر: اقول وين عبير مااشوفهم وياكم اليوم
ام سلطان: طلعت تنام قبل ماتيون
ام بندر: ليه سلامات تعبانه
ام سلطان: مافيها الا العافيه بس قايمه من بدري
ام بندر: اها الله يعين نوال والله مايات تعبانه فيها
حمى
ام سلطان: الله يشفيها يارب
"" ام بندر كانت الزوجه الثانيه لابو طارق بعد وفاه زوجته
في ولادتها بطارق
فتزوج ابو بندر وماكانت تفرق بين طارق واولادها""
في الصاله
تدخل مها وريم يركضون بالصاله
الجده: شو هاي صغار انتم تسوى هالحركات
ايلسوا والله هالعصاا ع راسكم
مهاا:يدتي ريم ضربتني وهربت يعني شنو ماخذ حقي بيدي يعني
اووف اعوذ بالله
اليده:مها اقول انشبي والله لسانج الطويل يبي له قص
ريم: ههه فشلوهاا ويه عليهاا
مهاوي لقطي ويهج
موعت الا بالعصا على راسهاا من يدتها زاغت وصرخت
:: يدتي عورتيني وايد
ضحكوا عليها من في الصاله
بوزت ريم وصار ويهه احمر من الزعل
ام سلطان: دامج بتبوزين كان سكتي افضل لج
ريم: اصلا انا الغلطانه قاعده وياكم
وطلعت الحوي
لحقتها مها:: يوه الحين تسوي لنا اضراب

شكلها حلو ..أقراء وأرد منك..

اوكي حبيبتي انتظرك
وان شاء الله تعجبك

روعه بس المشكله أنو أنا س ع و دي ه ..
يعني ما أعرف أرمس أمراتي واجد..
فعشان كذا جلست ساعه أقراء البارت ههه
قطعت قلبي عبير أحسها مظلومه من أم سلطان وعيالها .. الله يعينها عليهم..
يعطيك العافيه.. في أنتظار البارت الجاي..

سلمتي غنااتي وبحاول الحين انزل البار الثاني
واذا ماعرفتي اي كلمه خبريني واقولك
معناها اوكي

شنو هالتحطيم بس رد واحد

انا بكملها والي يبي يرد يرد

ضحكوا كل من في الصاله ه هبالهم
ام سلطان: الا اخبار ام سعيد عاد سمعتي عنها شي؟
ام بندر: لا والله ع حطتك ايدك
من ذيج المره غامضني حالها
ام سلطان : ايه ياحليلها الدنيا ماصفت لها؟
ام بندر:قولي الله لايبلانا بس
ام سلطان بتفاخر: لا عاد انا اصير مثلها
فال الله ولا فالج
قاطعتهم اليده : فاتن مياده شنو عندكم تصاصرون ويابعض
مياده:كلام بنات يايده شنو فيج؟
اليده: سمعونا بعض منه ودي ارد شباب
فاتن: وين يايده ترجعين شباب هو في الهمر وحده
اليده: انزين دامه مره وحده اعبدوا ربكم فيه
مياده تصاصر فاتن: يوه بدت تثرثر
ضحكت فاتن: عيل شنو رايك نطلع فوق ماراح تنتهي
اليده: الله يخسكم قليلات الحياء اكلمكن وانتم تصاصرن
ام بندر: هديهم ياعمه ياخذون راحتهم البنات
اليده: ودي اقصف رقبتهم الينات مافي حشيمه ولا دستور
فاتن: اووه >> تضحك
صرتي يايدتي ارهاابيه ههه
اليده: الله يخسج من بنت ام سلطلن ترى بنتج ناويه اليوم اذبحها
اذلفي عن ويهي لا بارج الله فيك
ولا من رباج ترمسين حرمه عوده جذي
تحديني مااقدر اقوم اقوم واربيج من يديد
ام سلطان متخرعه يدتي ياعنه شنو فيج تدعين ع بنتي باقي ياهل
لاتاخذين ع رمستها
اليده : اي ياهل وهي عمرها الحين 30
فاتن وهي مفتحه عيونها ع الاخير ومياده مايته ضحكع فاتن
فاتن بقهر: يدتي شنهو هالرمسه انا عمري 30
حتى باقي مابلغتي 21
وانتي ماكبرتني بعشر سنوات اويه يده شكلج خرفتي بان اثر الكبر عليج
يدتها تصارخ ومعصبه لعنبوج يابنت ام سلطان اذا ماسكتي بنتج بقوم اذبحها
ام سلطان تضحك: فاتن يلاا حبيبتي اطلعي فوق
ام بندر >> بخاطرها
شنو قله الادب بنت مو متربيه لو سويت كذا مياده ولا فكرت بذبحه
فاتن ضحكت بغرور وطلعت فوق
###