اول مره اشارك لاتردوني وبزات اهل جدة

هايات يا احاى فراشات
ابغاكم بخدمة صغينونة ممكن
انا تو لي 6شهور متزوجة الحمد لله زوجي خلوق ومحترم معي بس عندي حاجة بسيطة اعاني منها وهي ان زوجي بيتوتي ما ابغاه يطلع يسهر لا اعرف مشاكل السهر برى بين المتزوجين الله يبعدنا ويبعدكم عنها بس ابغاه يحب الخرجات والفلات تعرفون كيف احنا البنات نموت في الفلات المهم هو من قبل الزواج مو راعي خرجات وفلات مع اصحابة حتى مع اهلة ما يخرج الاازا الخرجة عائلية والحين عايش في جدة ولا كأن عايش ما يعرف المطاعم الحلوة للمتزوجين فصارت مهمتي انا اجيب اسم المطعم ونروح والحين تقريبا رحنا كل المطاعم الي انا اعرف انها حلوة للمتزوجين وهنا خدمتكم ابغاكم تعطوني اسماء مطاعم تكون حلوة هادئ ومحترمة لانو هدا شرط عندة تعرفون عاد جدة عادي يجي مطعم مكشوف وصارتلي دخلنا مطعم على البحر والله الجلسات تفتح على بعض وقال اية جلسات عائلية وابغى اسماء شاليهات ما تكون مختلطة
ويارب يعطيكم الف عافية وسوري على البربرة الزايدة ادري طولتها وهي قصيرة بس لو الفرشات الحلوات ما استحملوني مين يتحملني خ