اول يوم زارني فيه خطيبي موقف في قمه الاحراج

موقف في قمه الاحراج لوكنتو مكاني اش سويتوا
كان اول مره يزورني فيها خطيبي وانا قبل مااتزوج ماكنت اعرف اسوي ولاشي في المطبخ وفي يومها جلسنا انا وياه وسوالف وبسطه ع الاخر
ودخل علينا اخوي وقالي قومي سوي شاهي وطبعا قمت ((((((مسويه حره)))))
وهم قعدوا يتفرجوا مباراه ونزلت ع المطبخ ع طول وسويت شاهي وطلعته ع المجلس ودقيت الباب واعطيتهم الشاي ونزلت جري عاد اول مقابله اخواتي كلهم يستنوا ((((لقافه))))
وعاد احكيهم عن كل شي صار بيني وبينه والجوال جنبي الا واسمع اخويا ينادي وفي نفس الوقت الجوال يرن خطيبي:الو
انا:هلا
خطيبي:من سوا الشاهي
بكل ثقه اجاوب انا طبعا
خطيبي:سويتيه بملح والا سكر
وقفل من هنا الا واختي نازله بالشاهي وميته عليا من الضحك
انا في مكاني مسمره ماعرفت اش اسوي
وبعدها بيوم كلمته وفهمته اننا حاطين الملح والسكر في برطمانات ومع الربشه مافكرت اذوقه
الله لايعيده من يوم من جد احراج