با لامانه يابنات بخصوص زيت سارا جده

انا عامتن اعرف ان الزيت يضر الشعر
بس الزيت اللي تبيع ساره ماعرف فامدري
تحيتي لك

انا مثلك بعد وكنت ناويه اليوم والله اني انزل موضوع مثل كذا بس خفت تطلع ردة الفعل سيئه وتزعل الاخت ساره جده وقلت يالله استنى البنات اللي جربوه ووعدونا انهم يعطونا الحقيقه
يارب البنات اللي جربوه يجون ويعطون خبر وبصدق بدون ما يجاملون 00 ولا يزيدون بالضبط نبي النتيجه ومتى لها وهي مستخدمته ؟ وهل هي ملتزمه بالوصفه او تفوت ايام وتنسى ماتحط الى اخره 00
يالله يافراشات تكفون فيدونا احنا بحاجتكن وندري انكن ماراح تخيبن رجائنا
ومشكوره اختي دفئ المشاعر على هذا الموضوع
ويعطيك العافيه يالغاليه

هلا اخواتي
الاخت سارة لن تزعل وهي من العضوات القديرات
وانا اتمنى ان يلاقي موضوعك ردود تخبرنا عن هذا الزيت والذي اكيد هو مجرب
وعني انا مااستخدمته لاني ماعندي ولله الحمد مشكله بشعري لكن ليه لا مانجرب ربما زيادة خير !
كوني الاجمل
الناعسة

وينكن يا بنات معقوله مافيه احد جرب الزيت
والصفحه في موضوع ساره وصل الى 40 صفحه وكل البنات اللي فيه طالبين الزيت والبعض وصلهن
تكفون لا تبخلون علينا في انكن تعطونا ارائكن وينكن يا بنات السعوديه والبنات اللي وصلهن زيت سارا جده في الامارات والبنات اللي وصلهن بالكويت وينكن ؟ ؟
اكتبو انطباعكن وتجاربكن لنا هنا تكفون 000

السلام عليكم ورحمة الله وبركاته
أخواتي العزيزات احب أخبركم بأني اسشتريت زيت واعشاب التخسيس من الأخت سارا وأنا لي استخدم الزيت 6 أيام فقط
والعشاب كمان وأنا أتمنى انه يناسبني ويعطيني النتيجه الي أتمنها يارب مع العلم يا خواتي أنا ما اشتكي من تساقط شعر بس شعري مش مره مليان وكثير عشان كذه أبغى شعري يكثر ويطول وأبغى وزني ينقص على فكره وزني 65 ابغى انزل 5 كيلو كمان أدعولي اوصل لنتيجه الذي أبغها يارب وأنا ان شاء الله أكون على تواصل معاكم
والله على ماأقول شهيد

يا هلا بدلوعة جده 2005
واخيرا رد علينا احد من اللي اشتروا من الأخت سارا
مشكوره يا حياتي بس تكفين عطينا خبر عن النتائج اللي توصلتي لها هذا اولاً :
ثانيا:- اخبرينا اذا انتي من النوع اللي يستخدم بإنتطام 00 او تزعبلين يعني ماتنتظمين 00

السلام عليكم
والله العظيم اني كنت ناوية اكتب تجربتي بعد انتهائي من استعمال زيت تساقط حق سارا جدة انا اشتريته من عندها ب 50 ريال وهو يجيك علبتين في كيس بلاستيك وللامانه احاسب عليها يوم الدين اني من يوم اشتريته وانا احطه يوميا يعني صار لي 5 ايام اول يومين شلعري باقي يتساقط او زاد تساقطه قلت يؤ وش ها الزيت المغشوش قلت مو مشكلة بكمل لين اشوف وش راح يصير بس تقريبا امس خف التساقط خف مو اختفى والله العظيم اني راح اكتب عليه اول مااخلص القارورتين اللي عندي وبامانة يا راح امدح الزيت ياراح ؟؟؟؟؟؟؟؟؟؟؟؟؟ لكن اتمنى اني امدحه وعندي احساس انه راح يجيب نتيجة وعلى فكرة انا احطه 4 ساعات او اكثر يومين وشيء.
لاتنسوا ذكر الله

السلام عليكم اخواتي هلا فيكم واتمنى ان كل وحده جربت الزيت تقول لنا النتايج وانا ليش ازعل بالعكس والله العظيم ودي كل وحده جربت الزيت تقول وش صار معها وعلى فكره انا سبقتكم ونزلت نفس الموضوع (اللي جربت الزيت تقول لنا بس ماكان فيه تفاعل من البنات مادري وش السبب مع ان اغلب اللي استخدموه مدحوه وهذي مو دعايه للزيت لا والله العظيم لكن انا مستغربه من البنات ؟؟؟؟؟؟؟؟؟؟؟
والله يابنات حتى لو الزيت مو زين او ماجاب نتيجه والله مازعل كل وحده تقول النتايج واتمنى لكم التوفيق
هذا رابط موضوعي عن التجارب
http://www.alfrasha.com/showthread.php?t=22587

هلا والله اختي سارا هذا العشم فيك ما شاء الله عليك الله يزيد السعه بصدرك يارب
وانت مصدقه فا ياحياتي مو لازم تحلفين 00 وعلى العموم حنا ما زلنا بانتظار احد من البنات يعطينا تجاربه
واتمنى من الاخت صاحبة الموضوع تعذرني اني رديت بدون على سارا والاخوات بدون استأذان
مشكوره يا شموخ واحنا بإنتظار تجربتك وبالنسبه للتساقط لا تخافين انا من زمان اتذكر اني قرأت موضوع عن تغير الزيت
اذا الوحده غيرت زيتها او استخدمت زيت لأول مره راح يتساقط لمدة ايام معدوده وبعد 10 ايام تقريبا يتوقف التساقط 0
لأن الشعر اعتاد "تأقلم" معه 00 هذي معلومه قديمه قرأتها00