باستا أحلى من اي باستا وبالبيت

1. >>>> هذي الخضار اللحين بقولكم كيف تسوونها:


2. بنفس الوقت اللي تسوين فيه الخضار اسلقي المكرونه في مويه وزيت وملح

السلام عليكم
اليوم جايبه لكم احلى طريقه لعمل الباستا بلا باستا مطاعم بلا هم
المقادير تكفي ثلاثه إلى اربعه اشخاص وعليكم الحساب يا حلوات
المقادير:
4 بصلات متوسطه مقطعه شرائح( احب البصل يكون كثير)
ملح
حبتين ماجي
صدور دجاج مقطعه مربعات متوسطه
حبتين فلفل رومي تقطعينها ارباع وتخلطينها بالخلاط ليما تصير سايله (ما تحطين شئ عليها هي بنخلط)
مشروم تحمصينه شوي في زيت وفلفل اسود
4 حبات كوسه مقطعه
3حبات فلفل رومي مقطع زي الصيني
زهره قطعيها واغليها وحمصيها شوي بزيت
فلفل حار قطعيه صغار (يم احب الفلافل )
كريمة خفق علبه وسط
علبه صلصه طماطم
فلفل اسود مطحون
ملح

>>>> هذي الخضار اللحين بقولكم كيف تسوونها:

تحمصين البصل في الزيت لحد ما يذبل شوي وتحطين معاه شوي والملح والماجي تحطين الدجاج وتحركينها لحد ما يصير لون الدجاج ابيض وبعد كذا تحطين الفلفل الرومي المخلوط وتتركينها تتسبك شوي حطي الفلفل الحار والفلفل الاسود بعد كذا ابدأي حطي الخضار (الكوسه وحركي) بعدين (الزهره وحركي) وبعدين (الفلفل البارد وحركي) اهم شئ ما تخلينها تستوي الخضار ما تستوي لانها بتصير ايدام مو باستا
طبعا تكون النار خفيفه حطي كريمة الخفق وحركي الخضار وبعدها حطي الصلصه وحركي واول ما تنمزج طفي النار لا تخلينها تغلي لأن الصلصه بتنفصل عن الكريمه
وبس هذي الخضار طفي النار عليها ( ولا تنسون الخضار تبقى يابسه شوي ما تستوي )
بالنسبه للمكرونه: حطي النوع اللي تحبيه بس ما اتوقع تنفع مع الاسبقتي انا احط علبه وحده لهذا المقدار

بنفس الوقت اللي تسوين فيه الخضار اسلقي المكرونه في مويه وزيت وملح

واول ما تستوي الخضار شيلي المويه إذا باقي في المكرونه مويه كثير (طبعا لا تخلينها ناشفه مره ما فيها ولا نقطه مويه خليها شوي مبلله حطي معاها علبه صغيره جبنه فيتنا واخلطي المكرونه لحد ما تذوب الجبنه وبعدين حطي كيس كبير جبن موزريلا وجبن كرافت مبشور اخلطيها لحد ما تتجانس وحطي عليها الخضار واخلطي اخلطي اخلطي>>> خلاص
ويمي على اللذه والجمال
واو احب الاكل والله......
اتمنى تعجبكم واشوف الردود