باستا لذيذه

السلام عليكم ورحمة الله وبركاته
باستا لذيذه
المقادير:

• كيس معكرونه ..( أي نوع تفضلينه حق الباستا)
• 6 حبات صدور الدجاج بدون عظم..
• فليفله ( فلفل بارد) احمر ., اخضر, اصفر..
• مشروم طازج ..
• نصف علبة كريمة الخفق.
• 5 ملاعق جبن كرافت ..
• القليل من الملح ..
• القليل من الفلفل الاحمر المدقوق وليس المطحون ..
• زيت الزيتون..

الطريقه :
1- نسلق المكرونه لين تستوي ونشخل عنها الماي .
2- نقلي الدجاج لين يسير ابيض ونضيف عليه المشروم والفلفل الملون ونخليه لين ينضج الدجاج والمشروم ..
3- ناخذ مله ونحط فيها علبة الكريمه ونحطها ع النار ونحركها بالملعقه الخشب او الخفاقه عشان ماتتكتل وبعد مرور 5 دقايق وهي على النار نحط الجبن ونكون مستمرين فالخفق ونخليها لمدة 10 دقايق زياده .. وبعدها نرفعها عن الفرن .
4- نضع المكرونه على خلطة الدجاج وهي ع النار ونحركها بالملعقه الخشب على خفيف عشان ماتتفتت المكرونه ..
5- نسكب عليه الكريمه بالملعقة الكبيره الغزيره لين نحس بان المكرونه تشربت من خلطة الكريمه .. ونخليه ع النار لمدة 10 دقايق الى 15 دقيقه..
وبعدين نسكبه فالصحن ويقدم وهو حار ..
بالهنا والشفا